Tunay na Iglesia ng DIOS kay Cristo Jesus

Kumpletong listahan ng mga naipost na aral.

2008-06-08T20:27:00.001+08:00

Ang Bato at Ang Buhangin

2006-07-03T14:25:00.000+08:00

Simbulo ng tibay at kalakasan, ng dupok at ng kahinaan.

Ginamit rin ang buhanging simbulo ng kalipunang hindi mabibilang, ginamit ng PANGINOON ang salitang Bato at Buhangin upang mailagay doon ang Kaniyang Salita sa pamamagitan ng talinghaga tulad ng Salitang Kaniyang ipinangaral sa aklat ng

MATEO 7:24-27

Mat 7:24-27 Kaya't ang bawa't dumirinig ng aking mga salitang ito at ginaganap, ay matutulad sa isang taong matalino, na itinayo ang kaniyang bahay sa ibabaw ng bato: 25 At lumagpak ang ulan, at bumaha, at humihip ang mga hangin, at hinampas ang bahay na yaon; at hindi nabagsak: sapagka't natatayo sa ibabaw ng bato. 26 At ang bawa't dumirinig ng aking mga salitang ito at hindi ginaganap, ay matutulad sa isang taong mangmang, na itinayo ang kaniyang bahay sa buhanginan: 27 At lumagpak ang ulan, at bumaha, at humihip ang mga hangin, at hinampas ang bahay na yaon; at nabagsak: at kakilakilabot ang kaniyang pagkabagsak.

Ang mga talatang ito ng banal na kasulatan ay matagal na nating nababasa at naririnig, Ngunit mayroon bang bakas ng pagka-unawa at kaalaman na naiwan ito sa ating puso at isipan mga kapatid?

Ano ang inyong isasagot? Mayroon o wala, ang pagsagot dito mga kapatid ay hindi basta sasagot ka nalang ng mayroon o wala! Sapagkat hindi sa lahat ng tanong ay bibig at salita ang isinasagot, sapagkat ang bibig at salita ay naitatago ang katotohanan, sa salita kahit ang tubig at buhangin ay malulubid mo, kahit ang kanin ay maari mong balutin sa dahon ng sampalok, datapuwat mayroong isang sumasagot sa mga tanong na hindi nakakaila at hindi nagsisinungaling kailanman. Mga kapatid, at ang ating sarili ang sasaksi sa kaniya na ang lahat ng kaniyang sinasabi ay totoo!!!

Kilala ba ninyo siya? Sino siya mga kapatid? Siya ang ating budhi na nagsasabi sa iyo kung masama o mabuti ang ginagawa mo at sinasabi.

Kaya sa ating katanungan ngayon ay siya ang sasagot at alam mo, alam ko, at alam nating lahat na ang sasabihin niya ay totoo.
Ngayon mga kapatid, alam natin na ang ating bahay sa harap ng DIOS ay ang ating pananampalataya sa Iglesia, at ang pananampalataya nating ito ang pag-aaralan natin kung saan nakatayo ngayon, sa Bato ba o sa Buhangin?

Ngayon, kung ang iyong bahay ay sa bato natayo, Bakit naging matibay ang pagkakatayo nito? Ano ba ang batong ito? At sino ba ang unang nagtayo sa batong ito at ano ang itinayo?

MATEO 16:18

Mat 16:18 At sinasabi ko naman sa iyo, na ikaw ay Pedro, at sa ibabaw ng batong ito ay itatayo ko ang aking iglesia; at ang mga pintuan ng Hades ay hindi magsisipanaig laban sa kaniya.

Saan itinayo ng PANGINOON ang Kaniyang Iglesia? Sa ibabaw ng Bato, anong bato ito na pinagtayuan Niya ng Kaniyang Iglesia?

MGA AWIT 28:1

Psa 28:1 Sa iyo, Oh Panginoon, tatawag ako; bato ko, huwag kang magpakabingi sa akin: baka kung ikaw ay tumahimik sa akin, ako'y maging gaya nila na bumaba sa hukay.

Ano naman ang sinasabi ni propeta Habacuc hingil dito?

HABAKKUK 1:12

Hab 1:12 Di baga ikaw ay mula sa walang hanggan, Oh Panginoon kong Dios, aking Banal? kami ay hindi mangamamatay. Oh Panginoon, iyong itinakda siya ukol sa kahatulan; at ikaw, Oh Malaking Bato, ay iyong itinatag siya na pinakasaway.

MGA AWIT 18:31

Psa 18:31 Sapagka't sino ang Dios, liban sa Panginoon? At sino ang malaking bato maliban sa ating Dios?

MGA AWIT 62:2

Psa 62:2 Siya lamang ang aking kanlungan at aking kaligtasan: siya ang aking matayog na moog; hindi ako lubhang makikilos.

MGA AWIT 62:7

Psa 62:7 Nasa Dios ang aking kaligtasan at aking kaluwalhatian; ang malaking bato ng aking kalakasan, at ang kanlungan ko'y nasa Dios.

Maliwanag na mga kapatid na ang sinasabing Bato na pinagtayuan ng isang taong matalino ng kaniyang bahay ay ang PANGINOON, kung kaya kahit na bagyuhin ang bahay na iyon ay hindi matitigatig, hindi nauuga, ni hindi nakikilos ni bahagya man lamang, sapagka't DIOS ang kinatatayuan,

"NGAYON"

Bakit ang bahay na natayo sa buhangin ay bumagsak at kakilakilabot ang pagbagsak?

Ano ba ang buhangin at Sino ang Buhangin?
Pag aralan natin mga kapatid ang isinisimbulo ng buhangin kung Ano at Sino?

HEBREO 11:12

Heb 11:12 Kaya naman sumibol sa isa, sa kaniya na tila patay na, ang kasing dami ng mga bituin sa langit sa karamihan, at di mabilang na gaya ng mga buhanging nasa tabi ng dagat.

JEREMIAS 33:22

Jer 33:22 Kung paanong ang lahat na natatanaw sa langit ay hindi mabibilang, o matatakal man ang buhangin sa dagat; gayon ko pararamihin ang binhi ni David na aking lingkod, at ang mga Levita na nagsisipangasiwa sa akin.

Ano ang nangyari ng dumating at maganap ang pagdaming ito?

ROMA 9:27

Rom 9:27 At si Isaias ay sumisigaw tungkol sa Israel, Kung ang bilang man ng mga anak ng Israel ay maging tulad sa buhangin sa dagat, ay ang nalalabi lamang ang maliligtas:

Ang mga bagay na iyan ay inihula na ni Propeta Isaias noon pa mang kaniyang kapanahunan bilang propeta.

ISAIAS 10:22

Isa 10:22 Sapagka't bagaman ang iyong bayang Israel ay magiging parang buhangin sa dagat, ang isang nalabi lamang sa kanila ang manunumbalik: ang pagkalipol ay naipasiya, na magtataglay ng katuwiran

Iisinimbulo ng DIOS ang buhangin sa mga taong walang pirming panukala, walang pirma at matibay na salita at paninindigan at higit sa lahat ay walang pirmi at matibay na pananampalataya, na siyang doktrina ng DIOS, sapagkat pilit niyang isinisigaw ang doktrina ng DIOS s=dahil sa kaniyang sariling kapakinabangan, sariling pakinabang ng tiyan.

Iba ang kaniyang sinasabi ngayon at bukas makalawa ay iba na ang sasabihin na sumasalungat sa kaniyang sinabi ng una.
Ang mata ng ganitong mangangaral mga kapatid ay hindi tumitingin sa puso ng kaniyang inaaralan kundi sa bulsa ng kaniyang dinudoktrinahan, kung mayroon siyang makukuha o may malaking halagang maibibigay ito sa kaniya, at kung mayroon ito ang kaniyang pinahahalagahan ng higit sa iba, Sa husay ng pagpapaliwanag ng mangangaral na ito ay napapahanga ang mga taong sa kaniya'y nakikinig, upang sa kanya maniwala ang tao at hindi sa DIOS.

Mga kapatid, Ano ang ibig sabihin ng DIOS sa pagtatayo ng tao ng kaniyang bahay, na ang isa'y itinayo sa ibabaw ng bato at hindi natinag sa bagsak ng ulan at baha? At ang isa naman ay nagtayo sa ibabaw ng buhangin at nang bumagsak ang ulan at bumaha ay naging kakilakilabot ang pagbagsak nito.

Walang bato sa banal na evangelio maliban sa PANGINOON, mga kapatid, at kung sa pakikinig mo ng Salita ng DIOS, ikaw ay nagbasa ng evangelio at nang malaman mong totoo ang iyong mga narinig na aralin at nalaman mong iyon ang salita ng katotohanan, at matapos mong mabautismuhan ay iyong ginawa ang mga Salita ng DIOS dahil sa katotohanan: ang iyong bahay na siya mong pananampalataya ay itinayo mo sa ibabaw ng bato na ang batong iyong pinagtayuaan ay ang DIOS na buhay.

Datapuwat kung ikaw ay nagpabautismo dahil sa humanga ka sa husay at galing ng pagsasalita at pagbabasa ng Biblia ng pakikinggan mong mangangaral, at kung dumarating ang oras ng pagkakatipon ay hindi ka magpapahalaga sa ibang tagapagsalita ng Iglesia, ikaw ang nagtatayo sa bahay sa buhangin na siya mong pananampalataya, kaya kung ikaw ay makakita ng mali o kamalian sa gawa ng iyong kapatid, lalo na kung ang tagapagsalita ay matitisod ka agad, at kung medyo may kalakihang pagkakamali ang iyong makita, ay para kang hinipan ng malakas na hanging sapat na ikabagsak ng iyong bahay o pananampalataya. Dahil ito ay isinalig mo sa tao at hindi sa DIOS.

Isinalig mo sa buhangin hindi sa bato
Isinalig mo sa kasinungalingan hindi sa katotohanan
Isinalig mo sa laman hindi sa Espiritu
Isinalig mo sa kataasan hindi sa kapakumbabaan
Isinalig mo sa galit hindi sa Pag-Ibig
Isinalig mo sa kayabangan hindi sa Kahabagan sa kapatid
Isinalig mo sa pagkakampikampi hindi sa Pagkakaisa

Ano ang sinasabi ng PANGINOON kung mapabilang ka sa buhangin?

APOCALIPSIS 20:6-10

Rev 20:6-10 Mapalad at banal ang makalakip sa unang pagkabuhay na maguli: sa mga ito'y walang kapangyarihan ang ikalawang kamatayan; kundi sila'y magiging mga saserdote ng Dios at ni Cristo, at mangaghaharing kasama niya sa loob ng isang libong taon. 7 At kung maganap na ang isang libong taon, si Satanas ay kakalagan sa kaniyang bilangguan, 8 At lalabas upang dumaya sa mga bansa na nasa apat na sulok ng lupa, sa Gog at sa Magog, upang tipunin sila sa pagbabaka: na ang bilang nila ay gaya ng buhangin sa dagat. 9 At nangagsipanhik sila sa kalaparan ng lupa, at kinubkob ang kampamento ng mga banal, at ang bayang iniibig: at bumaba ang apoy mula sa langit, at sila'y nasupok. 10 At ang diablo na dumaya sa kanila ay ibinulid sa dagatdagatang apoy at asupre, na kinaroroonan din naman ng hayop at ng bulaang propeta; at sila'y pahihirapan araw at gabi magpakailan kailan man.

Iyan mga kapatid ang kakilakilabot na pagbagsak na mangyayari sa taong nagtayo ng kaniyang bahay sa buhanginan: ng taong tumitingin sa nagsasalita kung sino siya, at hindi ang sinasalita ang tingnan at pakinggan kung ano ang sinasabi upang kaniyang magawa at magkaroon ng bunga ng kabanalan.

Unawain ninyong mabuti mga kapatid para hindi masayang ang inyong araw, aking araw, ang araw nating lahat sa paggawa ng kabanalan, upang iharap natin sa DIOS at ihandog sa kanya, upang ayon sa dami ng kabanalan na ating nagawa ay doon niya ibabagay ang bahay na inihanda niya sa atin sa tahanan ng ating AMA kung tayo ay humaharap sa DIOS tuwing unang araw ng isang linggo. Huwag ninyong isipin na sa akin kayo humaharap na nagbasa lamang ng Salita ng DIOS upang inyong pakinggan.

Ang isipin ninyo ay sa DIOS tayo humaharap at ang Kaniyang Salita ang ating pakikinggan.

Huwag ang nagsasalita ang inyong pakinggan at unawain, kundi ang sinasalita ang iyong pakinggan at unawain. Sapagka't ang salita na sinasalita ang siyang isinugo ng DIOS sa lahat sa atin hindi ang nagsasalita.

Tayong lahat mga kapatid ay itinulad ng DIOS sa buhanginan at tayong lahat ay nangangailangan ng kaligtasan.
Kung sa inyong pakikinig ng Salita ng DIOS ay sa nagsasalita kayo tumitingin.

Kayo ay nagtatayo ng inyong bahay sa buhangin, sapagkat ang inyong pinakikinggan ay tao! Nagkakamali, nagkakasala, nagkakasakit, nasisira, nawawala, humihina, kaya pati paghahandog ninyo sa DIOS ay balewala sa inyo, walang halaga, ang makuha sa bulsa kung magkano ginagawa ninyong pulubing nalilimusan ang DIOS kaya pulubi rin ang ginagawa ng DIOS sa atin.

Datapuwat kung ayon sa pakikinig ng Salita ng DIOS, ay hindi ninyo tinitingnan ang nagsasalita , kundi ang tinitingnan ninyo at pinakikinggan at inuunawa ay ang sinasalita ay tunay na ang inyong pinakikinggan ay ang tunay na sugo ng DIOS, Sapagkat iyon ang Kaniyang isinugo ang Kaniyang Salita?

At kung ang Salita ng DIOS ang inyong pinakikinggan at hindi ang taong nagsasalita, Ikaw ay nagtayo ng iyong bahay sa ibabaw ng bato sapagkat ang DIOS ang ating malaking bato.

Hindi nawawala, hindi nasisisra, nagliligtas, nagpapala, nagpapagaling, nagliligtas, bumubuhay, nagpapangaral, nagpapaganda ng lahat ng bagay.

At kung ganito ang iyong gawa, maging sa pagpaparangalan ang DIOS ay pararangalin mo sa ganda ng kabanalan.
At hindi mo sya aabuluyan na tila pulubi, kundi nahanda mo Siya ng hahandugan mo Siya ng bagay na iyong itinalaga para sa Kanya, kaya dahil sa pagpaparangal mo sa Kaniya, ay paparangalan ka rin naman Niya bilang anak ng DIOS.

AMEN

Ang Buhay

2006-06-25T23:04:00.000+08:00

Mga kapatid, ang ating aralin ay pabalik-balik lamang upang tayo ay pagpaalalahanan lamang ng PANGINOON, Ipaalala sa atin kung ano ang dapat nating gawin, at kung ano ang ating kalagayan.

Ang naglalagay sa ating katayuan bilang tayo ay ang ating isipan; sa ating karunungan sa ating lakas at kapangyarihan; sa ating pagtitiyaga, pagsisikap at kasipagan, at sa ating mga pagtitiis.

Ang lahat ng saglit, sandali, oras at panahon ng ating buhay ay dito natin ginugugol sa ikauunlad, ikasasagana at ikagiginhawa ng ating kinabukasan.

At dahil sa pangarap na iyan mga kapatid, ang ating buong kakayahan ay ating ibinubuhos makamit lamang natin ang ating pangarap na tagumpay.

At dahil sa tagumpay na iyan mga kapatid ay nalilimutan natin ang tunay na kalagayan, na ang ating buhay ay tulad lamang ng bula na sandaling panahon ay nawawala.

Sa katotohanan sa buhay na ito ay wala tayong sariling pag-aari, oo nga at nagagawa natin ang nais nating gawin, datapuwat hindi nangangahulugan yaon ay may kapangyarihan na tayo sa ating sariling katawan.

Sa totoo lang kahit sa ano mang bahagi ng katawan ay wala tayong kapangyarihan., wala tayong kapangyarihan sapagkat wala naman tayong pag-aaring anoman.

Anong bagay ang masasabi nating sa atin mga kapatid? Ang atin bang Buhay?

Kung ang ating buhay ay sa atin! Bakit hindi natin alam kung hanggang kailan tayo mabubuhay? At bakit hindi natin matanggihan ang anumang karamdaman?

Ang atin bang buhok? Bakit di natin mapigil ang paghaba at pagkalugas nito?
Ang atin bang mata? Bakit hindi natin mapigil ang paglabo nito?
Ang atin bang tainga? Bakit hindi natin mapigil ang pagkabingi?
Ang daliri ba? Bakit hindi natin mapigil ang paghaba ng kuko nito?
Ang katawan ba? Bakit hindi natin mapigil ang pagtanda nito at ang pagkakasakit nito?

Iisa lamang ang ibig sabihin nito mga kapatid;

Na bagamat nagagawa natin ang nais nating gawin sa mga sangkap ng ating katawan, ay hindi tayo ang nagmamay-ari nito, ang lahat ng ito ay hiram lamang natin sa maykapal.

Balikan natin ang pinagmulan ng mga tao mga kapatid sa ...

GENESIS 2:7

Gen 2:7 At nilalang ng Panginoong Dios ang tao sa alabok ng lupa, at hiningahan ang kaniyang mga butas ng ilong ng hininga ng buhay; at ang tao ay naging kaluluwang may buhay.

GENESIS 1:26-31

Gen 1:1-31 Nang pasimula ay nilikha ng Dios ang langit at ang lupa. 2 At ang lupa ay walang anyo at walang laman; at ang kadiliman ay sumasa ibabaw ng kalaliman; at ang Espiritu ng Dios ay sumasa ibabaw ng tubig. 3 At sinabi ng Dios Magkaroon ng liwanag; at nagkaroon ng liwanag. 4 At nakita ng Dios ang liwanag na mabuti, at inihiwalay ng Dios ang liwanag sa kadiliman. 5 At tinawag ng Dios ang liwanag na Araw, at tinawag niya ang kadiliman na Gabi. At nagkahapon at nagkaumaga ang unang araw. 6 At sinabi ng Dios, Magkaroon ng isang kalawakan sa gitna ng tubig, at mahiwalay ang tubig sa kapuwa tubig. 7 At ginawa ng Dios ang kalawakan, at inihiwalay ang tubig na nasa ilalim ng kalawakan, sa tubig na nasa itaas ng kalawakan: at nagkagayon. 8 At tinawag ng Dios ang kalawakan na Langit. At nagkahapon at nagkaumaga ang ikalawang araw. 9 At sinabi ng Dios, Mapisan ang tubig na nasa silong ng langit sa isang dako, at lumitaw ang katuyuan, at nagkagayon. 10 At tinawag ng Dios ang katuyuan na Lupa, at ang kapisanan ng tubig ay tinawag niyang mga Dagat: at nakita ng Dios na mabuti. 11 At sinabi ng Dios, Sibulan ang lupa ng damo, pananim na nagkakabinhi, at punong kahoy na namumunga ayon sa kaniyang pagkakahoy, na taglay ang kaniyang binhi sa ibabaw ng lupa, at nagkagayon. 12 At ang lupa ay sinibulan ng damo, pananim na nagkakabinhi, ayon sa kaniyang pagkapananim, at ng punong kahoy na namumunga, na taglay ang kaniyang binhi, ayon sa kaniyang pagkakahoy, at nakita ng Dios na mabuti. 13 At nagkahapon at nagkaumaga ang ikatlong araw. 14 At sinabi ng Dios, Magkaroon ng mga tanglaw sa kalawakan ng langit upang maghiwalay ng araw sa gabi; at maging pinakatanda, at pinakabahagi ng panahon, ng mga araw at ng mga taon: 15 At maging pinakatanglaw sa kalawakan ng langit, upang tumanglaw sa ibabaw ng lupa: at nagkagayon. 16 At nilikha ng Dios ang dalawang malaking tanglaw; ang malaking tanglaw ay upang magpuno sa araw, at ang maliit na tanglaw ay upang magpuno sa gabi: nilikha rin niya ang mga bituin. 17 At mga inilagay ng Dios sa kalawakan ng langit, upang tumanglaw sa ibabaw ng lupa, 18 At upang magpuno sa araw at sa gabi, at upang maghiwalay ng liwanag sa kadiliman: at nakita ng Dios na mabuti. 19 At nagkahapon at nagkaumaga ang ikaapat na araw. 20 At sinabi ng Dios, Bukalan ng sagana ang tubig ng mga gumagalaw na kinapal na may buhay, at magsilipad ang mga ibon sa itaas ng lupa sa luwal na kalawakan ng himpapawid. 21 At nilikha ng Dios ang malalaking hayop sa dagat, at ang bawa't may buhay na kinapal na gumagalaw, na ibinukal na sagana ng tubig, ayon sa kanikaniyang uri at ang lahat na may pakpak na ibon, ayon sa kanikaniyang uri: at nakita ng Dios na mabuti. 22 At mga binasbasan ng Dios, na sinabi, Kayo'y magpalaanakin, at magpakarami, at inyong punuin ang tubig sa mga dagat, at magpakarami ang mga ibon sa lupa. 23 At nagkahapon at nagkaumaga ang ikalimang araw. 24 At sinabi ng Dios, Bukalan ang lupa ng mga may buhay na kinapal, ayon sa kanikaniyang uri ng hayop at ng mga kinapal na umuusad, at ng mga ganid sa lupa, ayon sa kanikaniyang uri: at nagkagayon. 25 At nilikha ng Dios ang ganid sa lupa ayon sa kaniyang uri, at ang hayop ayon sa kaniyang uri, at ang bawa't umuusad sa ibabaw ng lupa ayon sa kanikaniyang uri: at nakita ng Dios na mabuti. 26 At sinabi ng Dios, Lalangin natin ang tao sa ating larawan, ayon sa ating wangis: at magkaroon sila ng kapangyarihan sa mga isda sa dagat, at sa mga ibon sa himpapawid, at sa mga hayop, at sa buong lupa, at sa bawa't umuusad, na nagsisiusad sa ibabaw ng lupa. 27 At nilalang ng Dios ang tao ayon sa kaniyang sariling larawan, ayon sa larawan ng Dios siya nilalang; nilalang niya sila na lalake at babae. 28 At sila'y binasbasan ng Dios, at sa kanila'y sinabi ng Dios, Kayo'y magpalaanakin, at magpakarami, at kalatan ninyo ang lupa, at inyong supilin; at magkaroon kayo ng kapangyarihan sa mga isda sa dagat, at sa mga ibon sa himpapawid, at sa bawa't hayop na gumagalaw sa ibabaw ng lupa. 29 At sinabi ng Dios, Narito, ibinigay ko sa inyo ang bawa't pananim na nagkakabinhi, na nasa ibabaw ng balat ng lupa, at ang bawa't punong kahoy na may bunga ng punong kahoy na nagkakabinhi; sa inyo'y magiging pagkain: 30 At sa bawa't hayop sa lupa, at sa bawa't ibon sa himpapawid; at sa bawa't nagsisiusad sa ibabaw ng lupa na may buhay ay ibinigay ko ang lahat na pananim na sariwa na pinakapagkain; at nagkagayon. 31 At nakita ng Dios ang lahat ng kaniyang nilikha, at, narito, napakabuti. At nagkahapon at nagkaumaga ang ikaanim na araw.

Nang likhain ng DIOS ang tao ay binigyan Niya ng hininga ng buhay; at ang buhay na ito ang larawan at wangis ng DIOS, ang buhay ay makapangyarihan, maganda, mabuti at banal, nakalilikha, malayang gawin ang bawat kaniyang naisin, marunong at nakapagpapasiya; ang tao'y larawan at kawangis ng DIOS, datapuwa't hindi katulad ng DIOS sa kapangyarihan.

Kaya pinagbilinan ng DIOS ang taong kaniyang nilikha na sinasabi DEUTORONOMIO 30:15-20

Deu 30:15-20 Tingnan mo, na inilagay ko sa harap mo sa araw na ito ang buhay at ang kabutihan, at ang kamatayan at ang kasamaan; 16 Na iniuutos ko sa iyo sa araw na ito na ibigin mo ang Panginoon mong Dios, na lumakad ka sa kaniyang mga daan, at tuparin mo ang kaniyang mga utos, at ang kaniyang mga palatuntunan, at ang kaniyang mga kahatulan, upang ikaw ay mabuhay at dumami, at upang pagpalain ka ng Panginoon mong Dios sa lupain na iyong pinapasok upang ariin. 17 Nguni't kung ang iyong puso ay lumiko, at hindi mo didinggin, kundi maliligaw ka at sasamba ka sa ibang mga Dios, at maglilingkod ka sa kanila; 18 Ay aking pinatutunayan sa inyo sa araw na ito, na kayo'y tunay na malilipol; hindi ninyo palalaunin ang inyong mga araw sa ibabaw ng lupain na inyong ipinagtatawid ng Jordan, upang pumasok na ariin. 19 Aking tinatawag ang langit at ang lupa na pinakasaksi laban sa inyo sa araw na ito, na aking ilagay sa harap mo ang buhay at ang kamatayan, ang pagpapala at ang sumpa; kaya't piliin mo ang buhay, upang ikaw ay mabuhay, ikaw at ang iyong binhi; 20 Na iyong ibigin ang Panginoon mong Dios, na sundin ang kaniyang tinig, at lumakip sa kaniya: sapagka't siya ang iyong buhay, at ang kalaunan ng iyong mga araw; upang matahanan mo ang lupain na isinumpa ng Panginoon sa iyong mga magulang, kay Abraham, kay Isaac, at kay Jacob, na ibibigay sa kanila.

Ang DIOS ang iyong buhay kapatid, Siya ang iyong hininga!

Kahit na ano ang iyong gawin ay nalalaman mo kung iyon ay mabuti o masama. Damahin mong maigi kung mayroon kang gustong gawin at ikaw ay nag-aalinlangan, at nagsasabi sa iyo kung iyon ay mabuti o masama:

Iyan ay ang Espiritu ng DIOS na nasa iyo; na Siya mong buhay: kung iwanan ka ng Espiritung iyan dahil sa iyong kasamaan, ay babalik ka na sa iyong pagiging alabok.

Kaya ang sabi ng matuwid na lingkod ng PANGINOON na si haring David sa ...

MGA AWIT 16:11

Psa 16:11 Iyong ituturo sa akin ang landas ng buhay: nasa iyong harapan ang kapuspusan ng kagalakan; sa iyong kanan ay may mga kasayahan magpakailan man.

MGA AWIT 21:4

Psa 21:4 Siya'y humingi ng buhay sa iyo, iyong binigyan siya; pati ng kahabaan ng mga kaarawan magpakailan pa man.

Paano ba magsalita ang taong tumitiwala sa PANGINOON?

MGA AWIT 27:1

Psa 27:1 Ang Panginoon ay aking liwanag, at aking kaligtasan: kanino ako matatakot? Ang Panginoon, ay katibayan ng aking buhay; kanino ako masisindak?

MGA AWIT 36:9

Psa 36:9 Sapagka't nasa iyo ang bukal ng buhay: sa iyong liwanag makakakita kami ng liwanag.

Ano ang pinapayo ng PANGINOON sa mga taong sumasampalataya sa Kaniya?

MGA AWIT 34:11-16

Psa 34:11-16 Magsiparito kayo, kayong mga anak, dinggin ninyo ako: aking tuturuan kayo ng pagkatakot sa Panginoon. 12 Sinong tao ang nagnanasa ng buhay, at umiibig sa maraming kaarawan upang makakita siya ng mabuti? 13 Ingatan mo ang iyong dila mula sa masama. At ang iyong mga labi sa pagsasalita ng karayaan. 14 Lumayo ka sa kasamaan, at gumawa ka ng mabuti; hanapin mo ang kapayapaan at habulin mo. 15 Ang mga mata ng Panginoon ay nakatitig sa mga matuwid, at ang kaniyang mga pakinig ay nakabukas sa kanilang daing. 16 Ang mukha ng Panginoon ay laban sa kanila na nagsisigawa ng kasamaan, upang ihiwalay ang alaala sa kanila sa lupa.

Mga kapatid, kung tunay na minamahal natin ang ating buhay, ay dapat lamang na malaman natin na ang PANGINOON din ang ating minamahal, sapagkat ang PANGINOON ang Siyang buhay:

MGA KAWIKAAN 3:18

Pro 3:18 Siya ay punong kahoy ng buhay sa mga nanghahawak sa kaniya: at mapalad ang bawa't isa na nangamamalagi sa kaniya.

MGA KAWIKAAN 4:10

Pro 4:10 Dinggin mo, Oh anak ko, at iyong tanggapin ang aking mga sinasabi; at ang mga taon ng iyong buhay ay magiging marami.

MGA KAWIKAAN 4:13

Pro 4:13 Hawakan mong mahigpit ang turo; huwag mong bitawan: iyong ingatan; sapagka't siya'y iyong buhay.

MGA KAWIKAAN 8:35

Pro 8:35 Sapagka't sinomang nakakasumpong sa akin, ay nakakasumpong ng buhay. At magtatamo ng lingap ng Panginoon.

MGA KAWIKAAN 9:11

Pro 9:11 Sapagka't sa pamamagitan ko ay dadami ang iyong mga kaarawan, at ang mga taon ng iyong buhay ay magsisidami.

Kaya't ano ang maghigpit na tagubilin sa atin ng PANGINOON upang huwag masayang ang ating mga pagsusumikap sa kabanalan?

MATEO 7:13-14

Mat 7:13-14 Kayo'y magsipasok sa makipot na pintuan: sapagka't maluwang ang pintuan, at malapad ang daang patungo sa pagkapahamak, at marami ang doo'y nagsisipasok. 14 Sapagka't makipot ang pintuan, at makitid ang daang patungo sa buhay, at kakaunti ang nangakakasumpong noon.

MATEO 19:23-24

Mat 19:23-24 At sinabi ni Jesus sa kaniyang mga alagad, Katotohanang sinasabi ko sa inyo, Mahirap na makapasok ang isang taong mayaman sa kaharian ng langit. 24 At muling sinasabi ko sa inyo, Magaan pa sa isang kamelyo ang dumaan sa butas ng isang karayom, kay sa isang taong mayaman ang pumasok sa kaharian ng Dios.

AMEN

Kapayapaan

2006-06-18T23:38:00.000+08:00

Mga Kapatid, Ang pagbibigay halaga sa lahat ng mga bagay sa ating paligid at sa ating buhay ay may kanikaniyang pagpapahalaga, sapagkat sa isang bagay lamang na nasa ating kamay ay may ibat ibang pagpapahalaga ang bawat tao.

Maaring ito ay mahalaga sa atin ngunit sa iba ay walang kabuluhan, ang dahilan ng mga bagay na ito ay ang pagkakilala sa katotohanan, sapagkat hindi ang lahat ay nakakikilala at nakaaalam ng katotohanan, subukan ninyong magtanong sa ibang tao kung ano ang katotohanan, tiyak na sasabihin sa inyo, anong katotohanan ang sinasabi mo?

Maaaring isipin pa ng iyong pinagtanungan na nawawala ka sa iyong sarili, Ang katotohanan mga kapatid ay katulad rin ng kapayapaan.

Bakit ba kapag bumabati tayo ng kapayapaan ay isinasagot sa atin ng mga kapatid ay , "PURIHIN ANG PANGINOON"?

Bakit?

Sapagkat sa DIOS nanggagaling ang kapayapaan , Siya ang nagbibigay nito at Siya rin ang nag-aalis, sapagkat ang kapayapaan ay sa Kaniya.

Tunay ba ang mga ito?

MGA AWIT 147:14

Psa 147:14 Siya'y gumagawa ng kapayapaan sa iyong mga hangganan; kaniyang binubusog ka ng pinakamainam na trigo.

MGA AWIT 28:3

Psa 28:3 Huwag mo akong agawin na kasama ng mga masama, at ng mga manggagawa ng kasamaan; na nangagsasalita ng kapayapaan sa kanilang mga kapuwa, Nguni't kasamaan ay nasa kanilang mga puso.

MGA AWIT 35:20

Psa 35:20 Sapagka't sila'y hindi nangagsasalita ng kapayapaan: kundi sila'y nagsisikatha ng mga magdarayang salita laban sa mga tahimik sa lupain.

Mga Kapatid, maaring masabi natin na napakarami naman ng matatalinong tao at nakakalikha ng maraming bagay na kamanghamangha, bakal napapalutang sa dagat, metal napapalipad sa himpapawid, taong nasa ibang bansa nakakausap mo na para mo nang katabi, Ngayon nga ay nagkikita pa kayo at nagkakausap na para kayong magkasama bagamat kapuwa kayo nasa ibang bansa.

Pero bakit ganon mga kapatid, hindi makagawa ang tao ng tunay na kapayapaan?,
Sa katotohanan mga kapatid ay ibayo ang kalayuan ng puso at isip ng mga tao ng DIOS kaysa sa tao ng sanglibutan, Bakit?
Sapagkat nalalaman ng mga tao ng DIOS na ang kapayapaan ay DIOS ang nagbibigay,
Katunayan mga kapatid, Bukod sa binasa natin sa aklat ng mga awit ay mababasa rin natin sa aklat ni Propeta Isaias ang ganito...

ISAIAS 45:7

Isa 45:7 Aking inilalagay ang liwanag, at nililikha ko ang kadiliman; ako'y gumagawa ng kapayapaan, at lumilikha ako ng kasamaan; ako ang Panginoon, na gumagawa ng lahat na bagay na ito.

Ang bagay na iyan ang ayaw na paniwalaan ng tao, higit na ng mga matatalino at paham, mga taong dakila sa kapantasan,
Nagsamasama wika kaming nagkakaisang bansa sa daigdig, ang mga bansang ito mga kapatid ay tinatawag na United Nation.
Nabuo wika kami upang gumawa ng Kapayapaan sa daigdig.

Tanong mga kapatid,
Ano ba ang ginagawa ng mga bansa sa ngayon na siyang nagtutulak sa digmaan?
Hindi ba't halos lahat ng bansa sa mundo ay mayroong nuclear weapon? Guided Missile, hindi ba't noong mga nakaraang taon ay sinubok pa ng bansang Korea ang lakas ng kanilang nuclear bomb sa karagatan ng JAPAN?
At ang pinagkagalitan noon ng USA at Iraq ay ang paggawa ng Iraq ng kanilang Weapon of Mass Destruction.
Na ang sandatang ito ay lasong sumasama sa hangin upang pumuksa sa buhay ng tao?
Totoo na ang United Nations ay nakapipigil ng bahagya sa sigaw ng digmaan. Subalit hindi maitatago ng malalaki at malalakas na bansa na sila ay may malalakas na sandata ng kamatayan.
Kayat sinabi ng DIOS sa pamamagitan ni JEREMIAS ang ...

JEREMIAS 6:13-14

Jer 6:13-14 Sapagka't mula sa kaliitliitan nila hanggang sa kalakilakihan nila, bawa't isa ay ibinigay sa kasakiman; at mula sa propeta hanggang sa saserdote bawa't isa'y gumagawang may kasinungalingan. 14 Kanilang pinagaling din naman ng kaunti ang sugat ng aking bayan, na sinasabi, Kapayapaan, kapayapaan; gayon ma'y walang kapayapaan.

Sinabi rin sa aklat ni Propeta Isaias ang ...

ISAIAS 33:7-8

Isa 33:7-8 Narito, ang kanilang mga matapang ay nagsisihiyaw sa labas; ang mga sugo ng kapayapaan ay nagsisiiyak na mainam. 8 Ang mga lansangan ay sira, ang palalakad na tao ay naglilikat: kaniyang sinira ang tipan, kaniyang hinamak ang mga bayan, hindi niya pinakukundanganan ang kapuwa tao.

Ganyan mga kapatid ang nangyayari ngayon sa sanglibutan, hindi ang kapayapaan ang ginagawa ng tao kundi mga pamuksa sa kanilang kapuwa tao at ang pamuksang ito ay tunay na inililihim ng bansang may gawa, pilit na itinatago at ikinakaila. Datapuwat ganito ang sabi ng PANGINOON ...

EZEKIEL 13:10

Eze 13:10 Sapagka't, sa makatuwid baga'y sapagka't kanilang hinikayat ang aking bayan, na nangagsabi, Kapayapaan; at walang kapayapaan; at pagka ang isa ay nagtatayo ng isang kuta, narito, kanilang tinatapalan ng masamang argamasa :

EZEKIEL 13:13-14

Eze 13:13-14 Kaya't ganito ang sabi ng Panginoong Dios, Akin ngang titibagin ng unos na hangin sa aking kapusukan; at magkakaroon ng bugso ng ulan sa aking pagkagalit, at malalaking mga granizo sa kapusukan upang tunawin. 14 Gayon ko ibabagsak ang kuta na inyong tinapalan ng masamang argamasa , at aking ilalagpak sa lupa, na anopa't ang pinagsasaligan niyaon ay malilitaw: at mababagsak, at kayo'y malilipol sa gitna niyaon; at inyong malalaman na ako ang Panginoon.

Mga kapatid, ang mga talatang ito ay galing sa Banal na kasulatan ang nagsasabi, hindi ang sinoman sa atin, at ito ay sa dakong gitna ng silangan, doon gagamitin ang Weapon of Mass Destruction na sumasama sa hangin at papatay sa mga tao,
datapuwat kung sa hangin masasama ang lasong ito na mamatay tao, sa palagay kaya ninyo walang posibilidad na makarating dito sa atin ang hanging yaon na may lason?

Mga kapatid ang lahat ng bagay na pumapatay ng tao ay salot na sugo ng DIOS, anong uri ba ng salot na gagamitin ng DIOS sa mga uling araw o panahon?

ZACARIAS 14:12-15

Zec 14:12-15 At ito ang salot na ipananalot ng Panginoon sa lahat na bayan na nakipagdigma laban sa Jerusalem: ang kanilang laman ay matutunaw samantalang sila'y nangakatayo ng kanilang mga paa, at ang kanilang mga mata'y mangatutunaw sa kanilang ukit, at ang kanilang dila ay matutunaw sa kanilang bibig. 13 At mangyayari sa araw na yaon, na magkakaroon ng isang malaking kaingay sa gitna nila na mula sa Panginoon; at hahawak ang bawa't isa sa kanila sa kamay ng kaniyang kapuwa, at ang kamay niya'y mabubuhat laban sa kamay ng kaniyang kapuwa. 14 At ang Juda naman ay makikipaglaban sa Jerusalem; at ang kayamanan ng lahat na bansa sa palibot ay mapipisan, ginto, at pilak, at kasuutan, na totoong sagana. 15 At magiging gayon ang salot sa kabayo, sa mula, sa kamelyo, at sa asno, at sa lahat ng hayop na naroroon, sa mga kampamentong yaon, na gaya ng salot na ito.

Mga kapatid, ang lahat ng mga sinalita ng PANGINOON ay mangyayari at walang ano mang lakas, talino at kapangyarihan ang maaring pumigil sa sinalita ng DIOS na ito, kaya wala tayong marapat na gawin, kundi lagi tayong manalangin, ingatan ang ating sarili sa ikapagsasala nito at lagi nating dalhin ito sa ikababanal upang mabigyan tayo ng kapayapaan na mula sa PANGINOON.

Sapagkat sa mga huling araw ay hindi lamang ang salot na iyan ang mangyayari, sapagkat ito na ang araw ng PANGINOON, Ang sabi sa ...

2PEDRO 3:10-18

2Pe 3:10-18 Datapuwa't darating ang araw ng Panginoon na gaya ng magnanakaw; na ang sangkalangitan sa araw na iyan ay mapaparam na kasabay ng malaking ugong, at ang mga bagay sa langit ay mapupugnaw sa matinding init, at ang lupa at ang mga gawang nasa lupa ay pawang masusunog. 11 Yamang ang lahat ng mga bagay na ito ay mapupugnaw ng ganito, ano ngang anyo ng mga pagkatao ang nararapat sa inyo sa banal na pamumuhay at pagkamaawain, 12 Na ating hinihintay at pinakananasa ang pagdating ng kaarawan ng Dios, na dahil dito'y ang sangkalangitan na nagniningas ay mapupugnaw, at ang mga bagay sa langit ay matutunaw sa matinding init? 13 Nguni't, ayon sa kaniyang pangako, ay naghihintay tayo ng bagong langit at ng bagong lupa, na tinatahanan ng katuwiran. 14 Kaya nga, mga minamahal, yamang kayo'y nagsisipaghintay ng mga bagay na ito, ay pagsikapan ninyong masumpungan kayo sa kapayapaan, na walang dungis at walang kapintasan sa paningin niya. 15 At inyong ariin na ang pagpapahinuhod ng ating Panginoon ay pagliligtas; na gaya rin naman ni Pablo, na ating minamahal na kapatid, na ayon sa karunungang ibinigay sa kaniya, ay sinulatan kayo; 16 Gayon din naman sa lahat ng kaniyang mga sulat, na doo'y sinasalita ang mga bagay na ito; na doo'y may ilang bagay na mahirap unawain, na isinisinsay ng mga di nakaaalam at ng mga walang tiyaga, na gaya rin naman ng kanilang ginagawa sa ibang mga kasulatan, sa ikapapahamak din nila. 17 Kaya nga, mga minamahal, yamang nalalaman na ninyo nang una ang mga bagay na ito , ay magsipagingat kayo, baka kung mangaligaw kayo sa pamamagitan ng kamalian ng masasama, ay mangahulog kayo sa inyong sariling katiyagaan. 18 Datapuwa't magsilago kayo sa biyaya at sa pagkakilala sa ating Panginoon at Tagapagligtas na si Jesucristo. Sumakaniya nawa ang kaluwalhatian ngayon at magpakailan man. Siya nawa.

AMEN

Technorati : Kapayapaan

Pagaaral at Paghahanda

2006-06-11T22:45:00.000+08:00

Mga kapatid, ang turo ay paksang ibinigay na sa atin ng DIOS, Ngayon naman mga kapatid ang nais na ipaalam sa atin ng PANGINOON ay ang PAG-AARAL at PAGHAHANDA,

Ano ba ang ibig sabihin ng Pag-Aaral at Paghahanda?
Tulad ba ito ng napag-aralan na nating paksa na "Ang Turo?"

Ang turo ay pagbibigay ng kaalaman, karunungan, kaunawaan ng mga bagay na wala sa isang tinuturuan , Ipinauunawa ang mga bagay na hindi nauunawaan, Ipinaalam ang mga bagay na hindi nalalaman, at yaong mga bagay na hindi niya alam gawin ay ipinakikita sa kanya ang pamamaraan ng pag-gawa o pag-likha ng mga bagay na itinuro.

Ang pagpasok sa pamantasan ay hindi natin masasabing pag-aaral, kundi pagkuha ng kaalaman, kaunawaan at karunungan,
Kaya sa iyong pagtatapos, ay dadaan ka sa mahigpit na pagsusulit, at kung masagot mong lahat ng tumpak ay makukuha mo ang karapatan o satisfaction na nakuha mo ang mga karunungan na sa iyo'y itinuro.

At doon mo pa lamang pag-aaralan na gawin ang mga bagay na iyong natutuhan. Kung abogado, pag-aaralan mong lahat ang angulo ng usaping iyong ipagtatanggol. Kung Doktor ay pag-aaralan mo lahat ang nararamdaman ng iyong pasyente. Kung Engineer, ay pag-aaralan mo ang bagay na iyong itatayo at pagtatayuan.

Kaya ang pag-aaral ay pagkatapos ng pagtuturo. Matapos na maituro sa iyo ang lahat ay saka mo ito pag-aaralan at pag-hahandaan ang lahat ng bagay na iyong gagawin batay sa karunungang iyong natutuhan tulad ng salita ng DIOS.

Ito ay hindi natin magagawa at masasalita kung hindi muna ito ituturo sa atin at ating sampalatayahan.

Tingnan ninyo ang salita ni Haring Solomon, anak ni Haring David, Palibhasa'y hiningi sa DIOS ang karunungan kaya ng mapasakanya na ang karunungan ay sinabi niya:

MGA KAWIKAAN 15:28

Pro 15:28 Ang puso ng matuwid ay nagbubulay ng isasagot: nguni't ang bibig ng masama ay nagbubugso ng mga masamang bagay.

Bakit nabubugso ng masamang bagay ang bibig ng masama?

MGA KAWIKAAN 24:2

Pro 24:2 Sapagka't ang kanilang puso ay nagaaral ng pagpighati, at ang kanilang mga labi ay nagsasalita ng kalikuan.

Kaya mga kapatid, alam na natin ang tama at maling pag-aaral, ang masama at mabuting pananalita, sapagka't ang lahat ng bagay ay may buti at may sama, Sa pamamagitan ng pag-gawa at pag-aaral, sapagka't sa katotohanan ay hindi ang libro ang gumagawa ng karunungan, kundi ang karunungan ng gumagawa ng libro.

ECLESIASTES 12:11-14

Ecc 12:11-14 Ang mga salita ng pantas ay gaya ng mga tulis; at gaya ng mga pako na nakakapit na mabuti, ang mga salita ng mga pangulo ng mga kapulungan, na nabigay mula sa isang pastor. 12 At bukod dito, anak ko, maaralan ka: tungkol sa paggawa ng maraming aklat ay walang wakas; at ang maraming pagaaral ay kapaguran ng katawan. 13 Ito ang wakas ng bagay; lahat ay narinig: ikaw ay matakot sa Dios, at sundin mo ang kaniyang mga utos; sapagka't ito ang buong katungkulan ng tao. 14 Sapagka't dadalhin ng Dios ang bawa't gawa sa kahatulan, pati ng bawa't kubling bagay, maging ito'y mabuti o maging ito'y masama.

Ang mga talatang ito ay matagal na nating nalalaman at napag-aaralan mga kapatid, ngunit napaghandaan na ba natin ang mga bagay na ito upang ating magawang may takot ang paglilingkod natin sa DIOS, at kung ito ay atin nang naihanda upang gawin...

Papaano naman natin ito isasagawa?

2TIMOTEO 2:15

2Ti 2:15 Pagsikapan mong humarap na subok sa Dios, manggagawang walang anomang ikahihiya, na gumagamit na matuwid ng salita ng katotohanan.

1TESALONICA 4:11

1Th 4:11 At pagaralan ninyong maging matahimik, at gawin ang inyong sariling gawain, at kayo'y mangagpagal ng inyong sariling mga kamay, na gaya ng aming ipinagbilin sa inyo;

Ano pa ang nais ipaalam sa atin ng ating PANGINOON upang ganap nating mapag-aralan ang lahat ng mga bagay para tayo ay makagawa ng tumpak na paghahanda?

1TIMOTEO 3:1-7

1Ti 3:1-7 Tapat ang pasabi, Kung ang sinoman ay magsisikap na maging obispo, ay mabuting gawa ang ninanasa. 2 Dapat nga na ang obispo ay walang kapintasan, asawa ng isa lamang babae, mapagpigil, mahinahon ang pagiisip, mahusay, mapagpatuloy, sapat na makapagturo; 3 Hindi magulo, hindi palaaway, kundi malumanay, hindi mapakipagtalo, hindi maibigin sa salapi; 4 Namamahalang mabuti ng kaniyang sariling sangbahayan, na sinusupil ang kaniyang mga anak na may buong kahusayan; 5 (Nguni't kung ang sinoman nga ay hindi marunong mamahala sa kaniyang sariling sangbahayan paanong makapamamahala sa iglesia ng Dios?) 6 Hindi baguhan, baka siya kung magpalalo ay mahulog sa kaparusahan ng diablo. 7 Bukod dito'y dapat din namang siya'y magkaroon ng mabuting patotoo ng nangasa labas, baka mahulog sa kapintasan at silo ng diablo.

Ang mga iyan mga kapatid ay mga tumanggap ng turo ng DIOS, ngunit hindi nila pinag-aaralan ang turo na sa kanila'y itinuro, kung kaya hindi nila naisagawa ang karampatang paghahanda na ipinagagawa sa kanila ng ating PANGINOON.

Ngayon; Ano ba ang Paghahanda at Bakit tayo pinaghahanda ng DIOS?

1MGA HARI 18:44

1Ki 18:44 At nangyari, sa ikapito, na kaniyang sinabi, Narito, may bumangong isang ulap sa dagat, na kasingliit ng kamay ng isang lalake. At kaniyang sinabi, Ikaw ay yumaon, sabihin mo kay Achab, Ihanda mo ang iyong karo, at ikaw ay lumusong baka ka mapigil ng ulan.

Ang mga talatang ito mga kapatid, ay nagtuturo lamang ng Pag-hahanda at Pag-Iingat, Pag-Iwas sa kapahamakan ngunit ang paghahanda mo ay kapos sa pag-aaral, Ano ang maaari mong masalunga o masalubong?

DANIEL 2:9

Dan 2:9 Nguni't kung di ninyo ipaliwanag sa akin ang panaginip, iisang kautusan lamang mayroon sa inyo; sapagka't kayo'y nangaghanda ng pagbubulaan at mga hamak na salita sa harap ko, hanggang sa ang panahon ay magbago: kaya't saysayin ninyo sa akin ang panaginip, at malalaman ko na inyong maipaliliwanag sa akin ang kahulugan niyaon.

Ang bunga ng maling paghahanda mga kapatid ay kapahamakang hindi nagagamot ng pagsisisi.

Ganyan mga kapatid ang mga tao sa sanglibutan, na naghahanda sa kanilang at hindi sa kanilang kaligtasan, Sapagkat ang puso at isip ng tao ay hanggang dito lamang sa ibabaw ng sanglibutan at hindi nakatuon doon sa kaitaasan.

Kaya tunay na napakalaki ng pagkakaiba ng paghahanda ng tao ng sanlibutan kaysa ng DIOS. Alam natin ang inihahanda ng taong sanlibutan, mga kapatid, iyan ang baga'y na kanilang iiwanan.

Ngunit ang mga bagay na inihanda ng mga anak ng DIOS ay ang bagay na kanilang pupuntahan.

Tingnan natin mga kapatid sa MATEO 3:1-3

Mat 3:1-3 At nang mga araw na yaon ay dumating si Juan Bautista, na nangangaral sa ilang ng Judea, na nagsasabi, 2 Mangagsisi kayo; sapagka't malapit na ang kaharian ng langit. 3 Sapagka't ito yaong sinalita sa pamamagitan ng propeta Isaias, na nagsasabi, Ang tinig ng isang sumisigaw sa ilang, Ihanda ninyo ang daan ng Panginoon, Tuwirin ninyo ang kaniyang mga landas.

Paano Ihahanda ang daan ng PANGINOON?

LUCAS 3:5-6

Luk 3:5-6 Lahat ng libis ay tatambakan, At pababain ang bawa't bundok at burol; At ang liko ay matutuwid, At ang mga daang bakobako ay mangapapatag; 6 At makikita ng lahat ng laman ang pagliligtas ng Dios.

Kung ating maihanda ang daan ng ating PANGINOON, Ano naman ang kaniyang inihahanda para sa atin?

JUAN 14:2-3

Joh 14:2-3 Sa bahay ng aking Ama ay maraming tahanan; kung di gayon, ay sinabi ko sana sa inyo; sapagka't ako'y paroroon upang ipaghanda ko kayo ng dakong kalalagyan. 3 At kung ako'y pumaroon at kayo'y maipaghanda ng kalalagyan, ay muling paririto ako, at kayo'y tatanggapin ko sa aking sarili; upang kung saan ako naroroon, kayo naman ay dumoon.

Ano ba ang bayang ito na inihanda ng DIOS?

APOCALIPSIS 21:2

Rev 21:2 At nakita ko ang bayang banal, ang bagong Jerusalem, na nananaog mula sa langit buhat sa Dios, na nahahandang gaya ng isang babaing kasintahan na nagagayakang talaga sa kaniyang asawa.

Ito ang inihanda ng DIOS sa mga taong nag-aaral ng Kaniyang Salita at naghanda ng daan ng DIOS.

Pagpalain tayong lahat ng DIOS ngayon at magpakaylanman.

AMEN

Ang Tunay na Pasko

2006-06-04T22:43:00.000+08:00

Ang tao ay hindi nabubuhay dahil sa kaniyang sarili. Hindi siya nabubuhay dahil gusto niyang mabuhay, at hindi nabubuhay ang tao upang magawa niya ang kaniyang gusto at tanggihan niya ang kanyang ayaw.

Sa katunayan ang kaalaman ng tao ay humahanggan lamang sa kahapon at ngayon.

Ang kaniyang karunungan ay nagmula sa kapon at ginagamit niya ngayon.

Ang bukas ay hindi nalalaman ang kalalabasan, kaya nagkakaroon siya ng pag-aaral, pagpaplano, balakin, at paghahanda. At habang ito ay kaniyang ginagawa ay nakatuon ang kaniyang pansin sa dalawang bagay, sa tagumpay at kabiguan. At ang isang matalinong manggagawa ay sinusulat ang lahat niyang ginagawa upang maging batayan ng mali at tama, upang sa muli niyang paggawa ay mayroon na siyang sulat at plano na susundin upang mawala ang kamalian at marating ang tamang kayarian na siyang tagumpay ng gawaing kanyang ginagawa. Sapagkat sa kaniyang ginagawa ay hindi siya gumagawa ng bagay na hindi nakaplano o nakasulat.

Lalong higit mga kapatid sa ating pananampalataya, kinasangkapan ng DIOS ang Kaniyang mga anghel, propeta, mga apostol at evangelista upang isulat ang Kaniyang Evangelio, na Kaniyang Doktrina, na Kaniyang Iglesia, upang sa pamamagitan ng Doktrinang ito ay lumakad ang tao sa tamang landas na dapat niyang lakaran, hindi marapat na ang mga anak ng DIOS ay gumawa ng mga bagay na hindi nasusulat o ng anomang bagay na hindi sinasabi ng banal na kasulatan o isinasadiwa nito.

Ano ba ang ibig sabihin ng Pasko ayon sa banal na kasulatan?
At ito ba ay nararapat na ipagdiwang ng mga lingkod ng DIOS?

2CRONICA 35:1

2Ch 35:1 At ipinagdiwang ni Josias ang isang paskua sa Panginoon sa Jerusalem; at kanilang pinatay ang kordero ng paskua, sa ikalabing apat na araw ng unang buwan.

at 2CRONICA 35:18-19

2Ch 35:18-19 At hindi nagkaroon ng paskua na gaya ng ipinagdiwang na yaon sa Israel mula sa mga araw ni Samuel na propeta; ni nagdiwang man ang sinoman sa mga hari sa Israel ng gayong paskua na gaya ng ipinagdiwang ni Josias, at ng mga saserdote, at ng mga Levita, at ng buong Juda at Israel na nangakaharap, at ng mga taga Jerusalem. 19 Nang ikalabing walong taon ng paghahari ni Josias ay ipinagdiwang ang paskuang ito.

Iyan mga kapatid ang ibig sabihin ng Pasko, Paskua;Passover sa English at hindi christmas; wala tayong mababasang christmas sa Biblia, wala tayong mababasang santa claus, wala tayong mababasang christmas tree sa Biblia. Sa katotohanan ang ating PANGINOONG Jesus-Cristo ay nagdiwang rin ng Paskua o Pasko.

Ang sabi sa MATEO 26:17-19

Mat 26:17-19 Nang unang araw nga ng mga tinapay na walang lebadura ay nagsilapit ang mga alagad kay Jesus, na nagsisipagsabing, Saan mo ibig na ipaghanda ka namin upang kumain ng kordero ng paskua? 18 At sinabi niya, Magsipasok kayo sa bayan sa gayong tao, at sabihin ninyo sa kaniya, Sinabi ng Guro, malapit na ang aking panahon; sa iyong bahay magpapaskua ako pati ng aking mga alagad. 19 At ginawa ng mga alagad ang ayon sa ipinagutos sa kanila ni Jesus; at inihanda nila ang kordero ng paskua.

Ano ba ang Kautusan ukol sa Paskua ng DIOS O Pasko ng DIOS o Pagliligtas ng DIOS?

EXODO 12:18

Exo 12:18 Sa unang buwan ng ikalabing apat na araw ng buwan sa paglubog ng araw ay kakain kayo ng tinapay na walang lebadura, hanggang sa ikadalawang pu't isang araw ng buwan, sa paglubog ng araw.

at EXODO 12:16

Exo 12:16 At sa unang araw ay magkakaroon kayo ng isang banal na pagkakatipon at sa ikapitong araw man ay magkakaroon ding kayo ng isang banal na pagkakatipon; walang anomang gawa na gagawin sa mga araw na iyan, liban na yaong nararapat kanin ng bawa't tao, na siya lamang maaaring gawin ninyo.

Ang ilang palatuntunan ng Paskuang ito ay binago ng ating PANGINOONG Jesu-Cristo;

kaya sinabi Niya sa HEBREO 10:9-10

Heb 10:9-10 Saka sinabi niya, Narito, ako'y pumarito upang gawin ang iyong kalooban. Inaalis niya ang una, upang maitatag ang ikalawa. 10 Sa kaloobang yaon tayo'y pinapaging-banal, sa pamamagitan ng pagkahandog ng katawan ni Cristo na minsan magpakailan man.

Kaya ang paghahanda ng Paskua ng PANGINOON noong kapanahunan ng mga Israelita ay pinahanda ng PANGINOON kay propeta Moises upang tuparin ng Israel.

Ang paghahanda naman ng Paskua ng mga Cristiano ay mismong DIOS ang naghanda sa pamamagitan ng Pag-Ibig ng DIOS sa sanglibutan ay sinugo Niya ang Kaniyang Salita sa lupa upang magligtas at ito ay naganap ng Siya ay ipanganak na sinabi sa...

LUCAS 2:11-14

Luk 2:11-14 Sapagka't ipinanganak sa inyo ngayon sa bayan ni David ang isang Tagapagligtas, na siya ang Cristo ang Panginoon. 12 At ito ang sa inyo'y magiging pinakatanda: Masusumpungan ninyo ang isang sanggol na nababalot ng lampin, at nakahiga sa isang pasabsaban. 13 At biglang nakisama sa anghel ang isang karamihang hukbo ng langit, na nangagpupuri sa Dios, at nangagsasabi: 14 Luwalhati sa Dios sa kataastaasan, At sa lupa'y kapayapaan sa mga taong kinalulugdan niya.

Ito mga kapatid ang Paskua ng DIOS; Ang Cristo ng DIOS na ito ang Kaniyang Cordero ng Paskua na dumating na may kapangyarihan sapagkat ipinagdiwang ng anghel at mga hukbo ng langit ngunit nagpakita agad ng kapakumbabaang loob sapagkat ang sabsaban ng mga hayop na nilagyan lamang ng dayami ang Kaniyang naging higaan datapuwa't Tagapagligtas ng mga taong Kaniyang kinalulugdan at ito ang ating Pasko mga kapatid, Ang kaligtasan at Buhay na walang hanggan ang Kaniyang ibinibigay.

Kaya ang sabi ng isang tinig na sumisigaw sa ilang .. LUCAS 3:4-6

Luk 3:4-6 Gaya ng nasusulat sa aklat ng salita ng propeta Isaias, Ang tinig ng isang sumisigaw sa ilang, Ihanda ninyo ang daan ng Panginoon, Tuwirin ninyo ang kaniyang mga landas. 5 Lahat ng libis ay tatambakan, At pababain ang bawa't bundok at burol; At ang liko ay matutuwid, At ang mga daang bakobako ay mangapapatag; 6 At makikita ng lahat ng laman ang pagliligtas ng Dios.

Mga kapatid, ang Pasko ay kapayapaan, kaligtasan sa kamatayan. Ang Paskua ay Pag-Ibig ng DIOS sa Kaniyang mga lingkod at buhay na walang hanggan, ito ay inihahandog ng DIOS sa Kaniyang mga lingkod, at para ito ay mapasa ating lahat, Kailangan nating ihanda ang daan ng PANGINOON patungo sa atin. Tuwirin natin ang Kaniyang mga landas.

Ano ba ang ibig sabihin niya mga kapatid?

Ang ating puso ay may landas para sa paglapit sa atin ng PANGINOON, kung ang landas ng ating puso para sa PANGINOON ay paliko-liko ay hindi Niya tayo lalapitan, ano ba ang ibig na sabihin ng paliko-liko mga kapatid?

Tayo ay may takdang oras, araw at panahon ng pakikipagtipan sa DIOS; kung ito ay hindi natin gagawin ng tuloy tuloy,

Makikipagtipan ngayon, sa susunod ay hindi, Sa ngayon mga kapatid ay lingguhan lamang tayo nakikipag tipan sa DIOS; ibig sabihin mga kapatid sa loob ng 365 days sa loob ng 1 taon, at 52 days lang ang para sa DIOS, ibig sabihin mga kapatid ay 313 days ang para sa atin.

Ang nangyayari mga kapatid ay binabawasan pa natin iyong 52 days para sa Kaniya.

Sa palagay ba ninyo ang gayong gawa ay magiging karapatdapat sa DIOS mga kapatid?

Lahat ng Libis ay tambakan
Pababain ang bawat bundok at mga burol
Ang liko ay matutuwid
Ang daang bako-bako ay mangapapatag
At makikita ng lahat ng laman ang Pagliligtas ng DIOS.

JUAN 13:34-35

Joh 13:34-35 Isang bagong utos ang sa inyo'y ibinibigay ko, na kayo'y mangagibigan sa isa't isa: na kung paanong iniibig ko kayo, ay mangagibigan naman kayo sa isa't isa. 35 Sa ganito'y mangakikilala ng lahat ng mga tao na kayo ay aking mga alagad, kung kayo'y may pagibig sa isa't isa.

at JUAN 14:21

Joh 14:21 Ang mayroon ng aking mga utos, at tinutupad ang mga yaon, ay siyang umiibig sa akin: at ang umiibig sa akin ay iibigin ng aking Ama, at siya'y iibigin ko, at ako'y magpapakahayag sa kaniya.

Papaano Ba ang sinasabi sa EXODO 12:16?

Exo 12:16 At sa unang araw ay magkakaroon kayo ng isang banal na pagkakatipon at sa ikapitong araw man ay magkakaroon ding kayo ng isang banal na pagkakatipon; walang anomang gawa na gagawin sa mga araw na iyan, liban na yaong nararapat kanin ng bawa't tao, na siya lamang maaaring gawin ninyo.

Na sa unang araw ay magkakaroon kayo ng Banal na pagkakatipon at sa ika-7 araw ay magkakaroon rin kayo ng Banal na pagkakatipon?

EXODO 23:14-17

Exo 23:14-17 Makaitlong magdidiwang ka ng pista sa akin, sa bawa't taon. 15 Ang pista ng tinapay na walang lebadura ay iyong ipagdidiwang; pitong araw na kakain ka ng tinapay na walang lebadura, gaya ng iniutos ko sa iyo, sa takdang panahon, sa buwan ng Abib (sapagka't niyaon ka umalis sa Egipto); at walang lalapit sa harap ko na walang dala: 16 At ang pista ng pagaani ng mga unang bunga ng iyong kapagalan, na iyong inihasik sa bukid: at ang pista ng pagaani, sa katapusan ng taon, nang pagaani mo ng iyong kapagalan sa bukid. 17 Makaitlo sa bawa't taon na ang lahat na iyong mga lalake ay haharap sa Panginoong Dios.

Ano-ano ang 3 Pistang ito mga kapatid?

Ang Pista ng Pag-Aani ng mga unang bunga ng iyong kapagalan na iyong inihasik sa bukid.
Ang Pista ng pag-aani sa katapusan ng taon, ng pag-aani mo ng iyong kapagalan sa bukid.
Kabuuan ng kapistahan sa buwan ng Abib na ito ang Pista ng tinapay na walang Lebadura, na ito ang Paskua ng PANGINOON na ating DIOS, na sa mga Israelita ang sa kanila ay pagpatay at pagkain ng Kordero kasabay ng pagkain ng tinapay na walang lebadura.

At sa mga Cristiano ay pagkain ng tinapay na walang lebadura at pag inum ng dugo ng kordero: na ito ay naging hiwaga sa mga Judio.

Papaano ba ito sinalita ng PANGINOON sa talinghaga sa mga Judio at natago sa hiwaga?

LUCAS 20:9-19

Luk 20:9-19 At siya'y nagpasimulang magsabi sa bayan ng talinghagang ito: Nagtanim ang isang tao ng isang ubasan, at ipinagkatiwala sa mga magsasaka, at napasa ibang lupain na mahabang panahon. 10 At sa kapanahunan ay nagsugo siya ng isang alipin sa mga magsasaka, upang siya'y bigyan ng bunga ng ubas: datapuwa't hinampas siya ng mga magsasaka, at pinauwing walang dala. 11 At nagsugo pa siya ng ibang alipin: at ito nama'y kanilang hinampas, at inalimura, at pinauwing walang dala. 12 At nagsugo pa siya ng ikatlo: at kanila ring sinugatan ito, at pinalayas. 13 At sinabi ng panginoon ng ubasan, Anong gagawin ko? aking susuguin ang minamahal kong anak; marahil siya'y igagalang nila. 14 Datapuwa't nang makita siya ng mga magsasaka, ay nangagsangusapan sila, na sinasabi, Ito ang tagapagmana; atin siyang patayin upang ang mana ay maging atin. 15 At itinaboy nila siya sa ubasan, at pinatay siya. Ano nga kaya ang gagawin sa kanila ng panginoon ng ubasan? 16 Paroroon siya at pupuksain niya ang mga magsasakang ito, at ibibigay ang ubasan sa mga iba. At nang marinig nila ito, ay sinabi nila, Huwag nawang mangyari. 17 Datapuwa't kaniyang tinitigan sila, at sinabi, Ano nga baga ito na nasusulat, Ang batong itinakuwil ng nangagtatayo ng gusali . Ay siya ring ginawang pangulo sa panulok? 18 Ang bawa't mahulog sa ibabaw ng batong yaon ay madudurog; datapuwa't sinomang kaniyang malagpakan, ay kaniyang pangangalating gaya ng alabok. 19 At pinagsisikapan siyang hulihin sa oras ding yaon ng mga eskriba at ng mga pangulong saserdote; at sila'y nangatatakot sa bayan: sapagka't nahalata nila na sinabi niya ang talinghagang ito laban sa kanila.

Ang Tatlong Kapistahan na Nabubuo sa isang katawagan

Piesta ng Pag-aani ng unang bunga
Piesta ng Pag-aani sa katapusan ng taon.
Ang Pagtanggap ng Katawan at Dugo ng PANGINOON

Ano ba ang mga pangunahing gawa na ipagagawa sa atin ng ating PANGINOON na ipinasisiyasat sa atin o ipinaiimbentaryo ng PANGINOON?

ROMA 12:4-21

Rom 12:4-21 Sapagka't kung paanong sa isang katawan ay mayroong tayong maraming mga sangkap, at ang lahat ng mga sangkap ay hindi pareho ang gawain: 5 Ay gayon din tayo, na marami, ay iisang katawan kay Cristo, at mga sangkap na samasama sa isa't isa. 6 At yamang may mga kaloob na nagkakaibaiba ayon sa biyaya na ibinigay sa atin, kung hula, ay manganghula tayo ayon sa kasukatan ng ating pananampalataya; 7 O kung ministerio, ay gamitin natin ang ating sarili sa ating ministerio; o ang nagtuturo, ay sa kaniyang pagtuturo; 8 O ang umaaral, ay sa kaniyang pagaral: ang namimigay, ay magbigay na may magandang-loob; ang nagpupuno, ay magsikap; ang nahahabag ay magsaya. 9 Ang pagibig ay maging walang pagpapaimbabaw. Kapootan ninyo ang masama; makisanib kayo sa mabuti. 10 Sa pagibig sa mga kapatid ay mangagmahalan kayo; sa kapurihan ay ipagpauna ng isa't isa ang iba; 11 Huwag mga tamad sa pagsusumikap; maningas sa espiritu; mapaglingkod sa Panginoon; 12 Mangagalak sa pagasa; magmatiisin sa kapighatian; magmatiyagain sa pananalangin; 13 Mapagdamay sa mga kailangan ng mga banal; maging mapagpatuloy. 14 Pagpalain ninyo ang mga sa inyo'y nagsisiusig; pagpalain ninyo, at huwag ninyong sumpain. 15 Makigalak kayo sa nangagagalak; makiiyak kayo sa nagsisiiyak. 16 Mangagkaisa kayo ng pagiisip. Huwag ninyong ilagak ang inyong pagiisip sa mga bagay na kapalaluan, kundi makiayon kayo sa mga bagay na may kapakumbabaan. Huwag kayong mga pantas sa inyong sariling mga haka. 17 Huwag kayong mangagbayad sa kanino man ng masama sa masama. Isipin ninyo ang mga bagay na kapuripuri sa harapan ng lahat ng mga tao. 18 Kung maaari, ayon sa inyong makakaya, ay magkaroon kayo ng kapayapaan sa lahat ng mga tao. 19 Huwag kayong mangaghigantihan, mga iniibig, kundi bigyan ninyong daan ang galit ng Dios : sapagka't nasusulat, Akin ang paghihiganti; ako ang gaganti, sabi ng Panginoon. 20 Kaya't kung ang iyong kaaway ay magutom, pakanin mo; kung siya'y mauhaw, painumin mo: sapagka't sa paggawa mo ng gayon ay mga baga ng apoy ang ibubunton mo sa kaniyang ulo. 21 Huwag kang padaig sa masama, kundi bagkus daigin mo ng mabuti ang masama.

Dito tayo tinitignan ng PANGINOON mga kapatid, Sa ating bunga at mga gawa, at sa Kaniyang ikalawang pagparito ay dito Niya tayo hahatulan.

Ano ba ang gagawin ng PANGINOON sa mga daratnan Niya dito sa Lupa?

MATEO 25:31-34

Mat 25:31-34 Datapuwa't pagparito ng Anak ng tao na nasa kaniyang kaluwalhatian, na kasama niya ang lahat ng mga anghel, kung magkagayo'y luluklok siya sa luklukan ng kaniyang kaluwalhatian: 32 At titipunin sa harap niya ang lahat ng mga bansa: at sila'y pagbubukdinbukdin niya na gaya ng pagbubukodbukod ng pastor sa mga tupa at sa mga kambing; 33 At ilalagay niya ang mga tupa sa kaniyang kanan, datapuwa't sa kaliwa ang mga kambing. 34 Kung magkagayo'y sasabihin ng Hari sa nangasa kaniyang kanan, Magsiparito kayo, mga pinagpala ng aking Ama, manahin ninyo ang kahariang nakahanda sa inyo buhat nang itatag ang sanglibutan:

Kaya mga kapatid kung tayo man ay dumadanas na tila ba tayo ay pinaparusahan ay huwag nating ipagtaka sapagka't ang sabi ng PANGINOON sa ...

HEBREO 12:4-11

Heb 12:4-11 Hindi pa kayo nakikipaglaban hanggang sa mabubo ang dugo, na nakikipagaway laban sa kasalanan: 5 At inyong nilimot ang iniaral na ipinakikipagtalo sa inyong tulad sa mga anak, Anak ko, huwag mong waling bahala ang parusa ng Panginoon, O manglupaypay man kung ikaw ay pinagwiwikaan niya; 6 Sapagka't pinarurusahan ng Panginoon ang kaniyang iniibig, At hinahampas ang bawa't tinatanggap na anak. 7 Na dahil sa ito'y parusa kayo'y nagtitiis; inaari kayo ng Dios na tulad sa mga anak; sapagka't alin ngang anak ang hindi pinarurusahan ng kaniyang ama? 8 Datapuwa't kung kayo'y hindi pinarurusahan, na pawang naranasan ng lahat, kung gayo'y mga anak sa ligaw kayo, at hindi tunay na anak. 9 Bukod dito, tayo'y nangagkaroon ng mga ama ng ating laman upang tayo'y parusahan, at sila'y ating iginagalang: hindi baga lalong tayo'y pasasakop sa Ama ng mga espiritu, at tayo'y mabubuhay? 10 Sapagka't katotohanang tayo'y pinarusahan nilang ilang araw ayon sa kanilang minagaling; nguni't siya'y sa kapakinabangan natin , upang tayo'y makabahagi ng kaniyang kabanalan. 11 Lahat ng parusa sa ngayon ay tila man din hindi ikaliligaya kundi ikalulungkot; gayon ma'y pagkatapos ay namumunga ng bungang mapayapa ng katuwiran sa mga nagsipagsanay sa pamamagitan nito.

Ano ang sinasabi ng PANGINOON sa pamamagitan ni Apostol Pablo sa Aklat ng ...

MGA GAWA 17:30-31

Act 17:30-31 Ang mga panahon ng kahangalan ay pinalipas na nga ng Dios; datapuwa't ngayo'y ipinaguutos niya sa mga tao na mangagsisi silang lahat sa lahat ng dako: 31 Sapagka't siya'y nagtakda ng isang araw na kaniyang ipaghuhukom sa sanglibutan ayon sa katuwiran sa pamamagitan ng lalaking kaniyang itinalaga; na ito'y pinatunayan niya sa lahat ng mga tao, nang siya'y buhayin niyang maguli sa mga patay.

Ano ba ang mangyayari pagdating dito ng ating PANGINOON?

2PEDRO 3:9-15

2Pe 3:9-15 Hindi mapagpaliban ang Panginoon tungkol sa kaniyang pangako, na gaya ng pagpapalibang ipinalalagay ng iba; kundi mapagpahinuhod sa inyo, na hindi niya ibig na sinoman ay mapahamak, kundi ang lahat ay magsipagsisi. 10 Datapuwa't darating ang araw ng Panginoon na gaya ng magnanakaw; na ang sangkalangitan sa araw na iyan ay mapaparam na kasabay ng malaking ugong, at ang mga bagay sa langit ay mapupugnaw sa matinding init, at ang lupa at ang mga gawang nasa lupa ay pawang masusunog. 11 Yamang ang lahat ng mga bagay na ito ay mapupugnaw ng ganito, ano ngang anyo ng mga pagkatao ang nararapat sa inyo sa banal na pamumuhay at pagkamaawain, 12 Na ating hinihintay at pinakananasa ang pagdating ng kaarawan ng Dios, na dahil dito'y ang sangkalangitan na nagniningas ay mapupugnaw, at ang mga bagay sa langit ay matutunaw sa matinding init? 13 Nguni't, ayon sa kaniyang pangako, ay naghihintay tayo ng bagong langit at ng bagong lupa, na tinatahanan ng katuwiran. 14 Kaya nga, mga minamahal, yamang kayo'y nagsisipaghintay ng mga bagay na ito, ay pagsikapan ninyong masumpungan kayo sa kapayapaan, na walang dungis at walang kapintasan sa paningin niya. 15 At inyong ariin na ang pagpapahinuhod ng ating Panginoon ay pagliligtas; na gaya rin naman ni Pablo, na ating minamahal na kapatid, na ayon sa karunungang ibinigay sa kaniya, ay sinulatan kayo;

AMEN

Technorati : Christmas, Feast of the Unleavened Bread, LORD's Passover, Pasko, Paskua, Passover, Pista ng tinapay na walang lebadura

Ang Turo

2006-05-28T23:38:00.000+08:00

Ano ba ang Turo?

Ang turo ay nagbibigay ng unawa, kaalaman, at karunungan.
Ang turo ay nagpapakilala sa tao ng lahat ng mga bagay, nag aalis ng kamangmangan, nagpapakilala ng katuwiran, nagpapakilala ng kabutihan upang malayo sa kasamaan.
Magdadala sa tao ng kaligtasan upang huwag mapahamak: nagdadala sa buhay upang maligtas sa kamatayan.

Ang sabi sa MGA KAWIKAAN 23:12

Pro 23:12 Ihilig mo ang iyong puso sa turo, at ang iyong mga pakinig sa mga salita ng kaalaman.

sa JOB 33:14-16

Job 33:14-16 Sapagka't ang Dios ay minsang nagsasalita, Oo, makalawa, bagaman hindi pinakikinggan ng tao . 15 Sa isang panaginip, sa isang pangitain sa gabi, pagka ang mahimbing na pagkakatulog ay nahuhulog sa mga tao, sa mga pagkakatulog sa higaan; 16 Kung magkagayo'y ibinubukas niya ang mga pakinig ng mga tao, at itinatatak ang kanilang turo,

sa JOB 35:10-11

Job 35:10-11 Nguni't walang nagsasabing, Saan nandoon ang Dios na Maylalang sa akin, na siyang nagbibigay ng awit kung gabi; 11 Na siyang nagtuturo sa atin ng higit kay sa mga hayop sa lupa. At ginagawa tayong lalong pantas kay sa mga ibon sa himpapawid?

sa MGA AWIT 90:11-12

Psa 90:11-12 Sinong nakakaalam ng kapangyarihan ng iyong galit, at ng iyong poot ayon sa katakutan na marapat sa iyo? 12 Kaya ituro mo sa amin ang pagbilang ng aming mga kaarawan, upang kami ay mangagtamo sa amin ng pusong may karunungan.

Ang pagtuturo ay hindi lamang humahantong sa pagdaragdag ng kaalaman at pagbubukas ng kamalayan ng isang tao, ito ay umaangkop pa rin sa pagpigil at pagsaway sa kamalian, datapuwa't sa pagsuway ay mayroong taong kinauukulan, tignan natin ang sinasabi ng aklat ng...

MGA KAWIKAAN 9:8-11

Pro 9:8-11 Huwag mong sawayin ang manglilibak, baka ipagtanim ka niya: sawayin mo ang pantas, at kaniyang iibigin ka. 9 Turuan mo ang pantas, at siya'y magiging lalong pantas pa: iyong turuan ang matuwid, at siya'y lalago sa pagkatuto. 10 Ang pagkatakot sa Panginoon ay pasimula ng karunungan: at ang pagkakilala sa Banal ay kaunawaan. 11 Sapagka't sa pamamagitan ko ay dadami ang iyong mga kaarawan, at ang mga taon ng iyong buhay ay magsisidami.

Ngayon mga kapatid, ang lahat ng turo ay may kapakinabangan. Sa katotohanan ang isang propesyon ay mula sa turo ng pamantasan na ginugugulan ng marami at mahabang panahon na ginugugulan ng malaking halaga ng salapi na kung mapasa iyo na ang hinahanap na bunga ay salapi pa rin upang isuporta sa pangangailangan ng katawan, datapuwa't hindi maipagpapahaba ng buhay:

Ano bang karunungan ang makapagpapahaba ng buhay? Ang manggagamot ay nakapagpapagaling lamang ng karamdaman, datapuwat hindi nakapagpapahaba ng buhay, sapagka't hindi naman nila mapipigil ang pagdating ng aksidente at mga kalamidad na kumikitil sa buhay ng tao.

Kung magkagayon; Anong karunungan ang nakapagpapahaba ng Buhay?

Pro 9:10-11 Ang pagkatakot sa Panginoon ay pasimula ng karunungan: at ang pagkakilala sa Banal ay kaunawaan. 11 Sapagka't sa pamamagitan ko ay dadami ang iyong mga kaarawan, at ang mga taon ng iyong buhay ay magsisidami.

Ang Turo ng Ina sa Hari
(MGA KAWIKAAN 31:1-9)

Pro 31:1-9 Ang mga salita ng haring Lemuel; ang sanggunian na itinuro sa kaniya ng kaniyang ina. 2 Ano anak ko? at ano, Oh anak ng aking bahay-bata? At ano, Oh anak ng aking mga panata? 3 Huwag mong ibigay ang iyong kalakasan sa mga babae, o ang iyo mang mga lakad sa lumilipol ng mga hari. 4 Hindi sa mga hari, Oh Lemuel, hindi sa mga hari ang paginom ng alak; ni sa mga pangulo man, na magsabi , saan nandoon ang matapang na alak? 5 Baka sila'y uminom, at makalimotan ang kautusan, at humamak ng kahatulan sa sinomang nagdadalamhati. 6 Bigyan mo ng matapang na inumin siya na handang manaw, at ng alak ang mapanglaw na loob. 7 Uminom siya at limutin niya ang kaniyang kahirapan, at huwag nang alalahanin pa ang kaniyang karalitaan. 8 Bukhin mo ang iyong bibig sa pipi, sa bagay ng lahat ng naiwang walang kandili. 9 Bukhin mo ang iyong bibig, humatol ka ng katuwiran, at mangasiwa ka ng kahatulan sa dukha at mapagkailangan.

Ang Mabuting Babae
(MGA KAWIKAAN 31:10-31)

Pro 31:10-31 Isang mabait na babae sinong makakasumpong? Sapagka't ang kaniyang halaga ay higit na makapupo kay sa mga rubi. 11 Ang puso ng kaniyang asawa ay tumitiwala sa kaniya, at siya'y hindi kukulangin ng pakinabang. 12 Gumagawa siya ng mabuti sa kaniya at hindi kasamaan lahat ng mga kaarawan ng kaniyang buhay. 13 Siya'y humahanap ng balahibo ng tupa at lino, at gumagawang kusa ng kaniyang mga kamay. 14 Siya'y parang mga sasakyang dagat ng kalakal; nagdadala siya ng kaniyang pagkain mula sa malayo. 15 Siya'y bumabangon naman samantalang gabi pa, at nagbibigay ng pagkain sa kaniyang sangbahayan, at ng kanilang gawain sa kaniyang alilang babae. 16 Kaniyang minamasdan ang bukid at binibili: sa pamamagitan ng kaniyang kamay ay nagtatanim siya ng ubasan. 17 Binibigkisan niya ang kaniyang mga balakang ng kalakasan, at nagpapalakas ng kaniyang mga bisig. 18 Kaniyang namamalas na ang kaniyang kalakal ay makikinabang: ang kaniyang ilaw ay hindi namamatay sa gabi. 19 Kaniyang itinangan ang kaniyang mga kamay sa panulid, at ang kaniyang mga kamay ay humahawak ng panghabi. 20 Iginagawad niya ang kaniyang kamay sa dukha: Oo, iniaabot niya ang kaniyang mga kamay sa mapagkailangan. 21 Hindi niya ikinatatakot ang kaniyang sangbahayan sa niebe; sapagka't ang boo niyang sangbahayan ay nakapanamit ng mapulang mapula. 22 Gumagawa siya sa ganang kaniya ng mga unang may burda; ang kaniyang pananamit ay mainam na kayong lino at ng kayong kulay ube. 23 Ang kaniyang asawa ay kilala sa mga pintuang-bayan, pagka siya'y nauupo sa kasamahan ng mga matanda ng lupain. 24 Gumagawa siya ng mga kasuutang kayong lino at ipinagbibili; at nagbibigay ng mga pamigkis sa mga mangangalakal. 25 Kalakasan at kamahalan ay siyang kaniyang suot. At kaniyang tinatawanan ang panahong darating. 26 Binubuka niya ang kaniyang bibig na may karunungan; at ang kautusan ng kagandahang-loob ay nasa kaniyang dila. 27 Kaniyang tinitignang mabuti ang mga lakad ng kaniyang sangbahayan, at hindi kumakain ng tinapay ng katamaran. 28 Nagsisibangon ang kaniyang mga anak, at tinatawag siyang mapalad; gayon din ang kaniyang asawa, at pinupuri siya niya, na sinasabi : 29 Maraming anak na babae ay nagsisigawang may kabaitan, nguni't ikaw, ay humihigit sa kanilang lahat. 30 Ang lingap ay magdaraya, at ang kagandahan ay walang kabuluhan: nguni't ang babae na natatakot sa Panginoon, ay siya'y pupurihin. 31 Bigyan ninyo siya ng bunga ng kaniyang mga kamay; at purihin siya ng kaniyang mga gawa sa mga pintuang-bayan.

AMEN

Ang antas ng pananampalataya

2006-05-20T11:31:00.000+08:00

Ang ating buhay dito sa sanlibutan ay isang pag-aaral na walang katapusan. Ito ay nagsisimula sa paghahanda ng pagunawa, at kung maibigay na sa iyo ng DIOS ang pagka-unawa, iyon na ang pasimula ng pag-aaral ng katotohanan, kaalaman, at ng karunungan.

Sa pag aaral na ito ng karunungan ay may antas ng kaalaman batay sa kakayahan ng pang-unawa at sa pagka-unawa ay ang antas ng pananagutan.

Kung ang antas ng iyong kaalaman ay siya ring antas ng iyong pananagutan, gayun din naman sa pagsusulit,

Primary kung Primary
Intermediate kung Intermediate
High school kung High school
College kung College

Kung malampasan mo ang mga ito at magkakaroon ka ng diploma, ay susulitin ka naman ng gobyerno at kung makapasa ka, ay pahihintulutan kang gamitin ang natutuhan mong kaalaman.

Ganyan din mga kapatid ang kalagayan natin sa paglilingkod sa DIOS. Tinuturuan Niya tayo ng karunungang pang-langit at diyan Niya tayo susulitin mga kapatid, kung tayo ay makapasa ay makakasama Niya tayo sa Kanyang kaharian.

Kung hindi mga kapatid, ay alam na natin ang ating kalalagyan. Kaya nararapat lamang mga kapatid na ang ating kaalaman ay hindi mapapangatuwiranan ng sinoman.

Ano ba ang sinasabi ng PANGINOON sa bagay na ito?

MATEO 5:20

Mat 5:20 Sapagka't sinasabi ko sa inyo, na kung hindi hihigit ang inyong katuwiran sa katuwiran ng mga eskriba at mga Fariseo, sa anomang paraan ay hindi kayo magsisipasok sa kaharian ng langit.

Mga Kapatid ang Salitang ito ay mula sa ating PANGINOONG CRISTO-JESUS:

Sino ang mga dapat nating daigin sa pangangatwiran?

Mga escriba at Pariseo, sila'y mga tagapag turo at mga tagapag-ingat ng kautusan.

Papaano ba natin makakatagpo ang mga ito? Sila ngayon ay nagsisipaglakad, nangagmimisyon sa bahay bahay, may mga programa sa radio at mga television.

Papaano ba natin sila makikilala mga kapatid?

ANG MGA SABADISTA: Iniisip nila na ang araw ng sabado ang araw ng sabbath; ang sabado ay saturday, ika-6 na araw ng paggawa, ang araw ng ating pamamahinga ay araw ng linggo, at ang araw naman ng sabbath o pamamahinga sa gitnang silangan ay araw ng biyernes.

Alam natin ang utos ng DIOS sa paggawa;

Anim na araw kang gagawa at ang ika-pitong araw ay araw ng pamamahinga o araw ng sabbath.

Hindi lang ang mga iyan mga kapatid, napakarami pa ang nag-iingat at nagtuturo ng maling doktrina at kautusan, ang mga iyan ang dapat nating daigin sa mga pangangatwiran mga kapatid.

Mga kapatid, ang paglilingkod sa DIOS ay nagdudulot ng buhay na walang hanggan kung ito ay ating pagsisikapang magawa na may pagtitiyaga at pagtitiis.

Ang buhay natin dito sa sanlibutan ay hindi lamang para sa kasaganaan ng buhay dito sa lupa; mali ang ating pagsisikap at pagpapakahirap ng katawan kung ang ating pinaglalaanan ay ang layaw at kasiyahan ng mga pita ng laman.

Tingnan ninyo ang Salita ng ating PANGINOONG Cristo Jesus

MATEO 7:13-14

Mat 7:13-14 Kayo'y magsipasok sa makipot na pintuan: sapagka't maluwang ang pintuan, at malapad ang daang patungo sa pagkapahamak, at marami ang doo'y nagsisipasok. 14 Sapagka't makipot ang pintuan, at makitid ang daang patungo sa buhay, at kakaunti ang nangakakasumpong noon.

Ang mga Salitang ito ng PANGINOON mga kapatid ay nagpapahayag lamang ng tamang doktrina o tamang daang pinalalakaran ng DIOS sa mga naglilingkod upang maging karapatdapat sa pagmamana ng kaniyang kaharian.

Ang paglilingkod sa DIOS ay hindi sa kaginhawahan sa buhay na ito; hindi sa kataasan ng pagkatao o sa karangalang panglipunan kundi sa kapakumbabaan at pagtiis, hindi sa pag-ibig sa sarili kundi ng pag-ibig sa kapuwa.

Ang sabi ng PANGINOON sa JUAN 12:25-26

Joh 12:25-26 Ang umiibig sa kaniyang buhay ay mawawalan nito; at ang napopoot sa kaniyang buhay sa sanglibutang ito ay maiingatan yaon sa buhay na walang hanggan. 26 Kung ang sinomang tao'y naglilingkod sa akin, ay sumunod sa akin; at kung saan ako naroroon, ay doon naman doroon ang lingkod ko: kung ang sinomang tao'y maglingkod sa akin, ay siya'y pararangalan ng Ama.

Ano ba ang Ibig sabihin ng PANGINOON sa "ang umiibig sa kaniyang buhay"?

He said I will go around the world, stay in 5 star hotel and drink, eat my favorite food and sing all my favorite song. Maglibang sa mga night spot and dance with beautiful girls and that's life.,

At iyan mga kapatid ang umiibig sa kaniyang buhay at ang mawawala sa kaniya ay buhay na walang hanggan.

Datapuwat kung kinapopootan niya ang mga bagay na ito at ang hilig niya ay pananalangin sa DIOS, umawit ng mga pagpupuri sa DIOS ay maiingatan niya ang kaniyang buhay at magkakamit siya ng buhay na walang hanggan.

At kung tunay na kinapupuotan mo ang makasanlibutang pagnanasa, at ang kaluguran mo ay ang makalangit na gawain.

Ang sabi ng PANGINOON sa JUAN 12:26

Joh 12:26 Kung ang sinomang tao'y naglilingkod sa akin, ay sumunod sa akin; at kung saan ako naroroon, ay doon naman doroon ang lingkod ko: kung ang sinomang tao'y maglingkod sa akin, ay siya'y pararangalan ng Ama.

Saan naroon ang DIOS upang ating sundan?

Siya ay nasa kabanalan mga kapatid, Siya ay nasa kapakumbabaan, Siya ay nasa pag-ibig. Kaya kung tayo ay naglilingkod sa DIOS, kinakailangang makita tayo sa kabanalan, makita tayo sa kapakumbabaan, makita tayo sa Pag-ibig, maging maingat sa pagsasalita, sapagkat ang Salita ng DIOS ay banal.

Kaya ang sabi ng PANGINOON sa MATEO 12:36-37

Joh 12:36-37 Samantalang nasa inyo ang ilaw, ay magsisampalataya kayo sa ilaw, upang kayo'y maging mga anak ng ilaw. Ang mga bagay na ito'y sinalita ni Jesus, at siya'y umalis at nagtago sa kanila. 37 Nguni't bagaman gumawa siya sa harap nila ng gayon maraming mga tanda, gayon ma'y hindi sila nagsisampalataya sa kaniya:

Paala-ala mga kapatid, hindi lamang ang ating bibig ang nagsasalita upang hatulan, There's a saying , action speaks louder than words.

Ano at Sino ba ang hahatol sa huling araw?

JUAN 12:48-50

Joh 12:48-50 Ang nagtatakuwil sa akin, at hindi tumatanggap sa aking mga pananalita, ay mayroong isang hahatol sa kaniya: ang salitang aking sinalita, ay siyang sa kaniya'y hahatol sa huling araw. 49 Sapagka't ako'y hindi nagsasalita na mula sa aking sarili; kundi ang Ama na sa akin ay nagsugo, ay siyang nagbigay sa akin ng utos, kung ano ang dapat kong sabihin, at kung ano ang dapat kong salitain. 50 At nalalaman ko na ang kaniyang utos ay buhay na walang hanggan; ang mga bagay nga na sinasalita ko, ay ayon sa sinabi sa akin ng Ama, gayon ko sinasalita.

Kaya ang sinabi ng balitang ito ng DIOS na Siyang Cristo at PANGINOON sa...

MATEO 16:24

Mat 16:24 Nang magkagayo'y sinabi ni Jesus sa kaniyang mga alagad, Kung ang sinomang tao'y ibig sumunod sa akin ay tumanggi sa kaniyang sarili, at pasanin ang kaniyang krus, at sumunod sa akin.

Paano ba natin tatanggihan ang ating sarili?

Anomang bagay na nais natin gawin na tumatanggi sa kabanalan, anomang bagay na nais nating gawin na tumatanggi sa kapakumbabaang loob, Anomang bagay na ating nais gawin na tumatanggi sa ating pag-ibig sa kapuwa at pagbibigay ng awa.

Anomang bagay na ating nais gawin na tumatanggi sa ating pagdalo sa pagsamba at mga pagkakatipon. Anomang bagay na ating nais gawin na tumatanggi sa pagtulong sa kapuwa at pagtulong sa gawain ng IGLESIA NG DIOS.

Kung sinusunod natin ang mga bagay na iyan, ay tinatanggihan natin ang paggawa ng kabanalan. Datapuwa't kung tinatanggihan natin ang mga bagay na iyan at ginagawa natin ang kabanalan, kapakumbabaang loob, Pag-Ibig sa kapwa, pagbibigay ng awa, pagdalo sa pagsamba, pagtulong sa kapwa at gawain ng Iglesia, ay natatanggihan natin ang ating sarili at napapasan natin ang krus na ipinapapasan ng ating PANGINOON .

At kung tayo ay lumalakad na sa landas na pinalalakaran ng PANGINOON, ay ganito ang Kaniyang sinasabi.

MATEO 10:28-31

Mat 10:28-31 At huwag kayong mangatakot sa mga nagsisipatay ng katawan, datapuwa't hindi nangakakapatay sa kaluluwa: kundi bagkus ang katakutan ninyo'y yaong makapupuksa sa kaluluwa at sa katawan sa impierno. 29 Hindi baga ipinagbibili ng isang beles ang dalawang maya? at kahit isa sa kanila'y hindi mahuhulog sa lupa kung hindi pahintulot ng inyong Ama: 30 Datapuwa't maging ang mga buhok ng inyong ulo ay pawang bilang na lahat . 31 Huwag nga kayong mangatakot: kayo'y lalong mahalaga kay sa maraming maya.

Magtumibay tayo mga kapatid, taasan natin ang antas ng ating pananampalataya , at antas ng kaalaman ng katotohanan, sapagkat iyan ang sa ati'y nagpapabanal:

Ang sabi ng ating PANGINOON

"Pakabanalin mo sila sa KATOTOHANAN ang salita mo'y KATOTOHANAN"

AMEN

Ang Kahalagahan ng Salita ng DIOS

2006-03-29T07:38:00.000+08:00

Sa ating mga pagkakatipon mga kapatid, kapag pinag uusapan natin ay nauukol sa salita, ang sumasaisip natin ay ang salitang isinugo ng DIOS dito sa lupa na iyon nga ay ang Kaniyang Salita, ang Salitang iyon na Kaniyang isinugo mga kapatid ay ang Kaniyang karunungan at kapangyarihan na siya nga ang Cristo ang PANGINOON, Ang tagapagligtas.

Sa ating mga pakikinig ng Salitang ito ng DIOS, ating pag-aaralan kung ito ay natanggap natin o hindi.

Ano ba o gaano ba ang kahalagahan ng pagtanggap ng salita ng DIOS?

JUAN 5:24

Joh 5:24 Katotohanan, katotohanang sinasabi ko sa inyo, Ang dumirinig ng aking salita, at sumasampalataya sa kaniya na nagsugo sa akin, ay may buhay na walang hanggan, at hindi mapapasok sa paghatol, kundi lumipat na sa kabuhayan mula sa kamatayan.

Ngayon mga kapatid kung nasa atin na ang Salita ng DIOS, Ano ang sinasabi ng DIOS, sa mga taong nagsitanggap nito?

MATEO 12:36-37

Mat 12:36-37 At sinasabi ko sa inyo, na ang bawa't salitang walang kabuluhang sabihin ng mga tao ay ipagsusulit nila sa araw ng paghuhukom. 37 Sapagka't sa iyong mga salita ikaw ay magiging banal, at sa iyong mga salita ay hahatulan ka.

Papaano ka ba magiging banal sa pamamagitan ng Salita?

LUCAS 11:28

Luk 11:28 Datapuwa't sinabi niya, Oo, bagkus na lalong mapapalad ang nangakikinig ng salita ng Dios, at ito'y ginaganap.

Bakit sinabing lalong mapalad ang nakikinig at gumaganap ng Salita ng DIOS?

MATEO 13:31

Mat 13:31 Sinaysay niya sa kanila ang ibang talinghaga, na sinasabi, Ang kaharian ng langit ay tulad sa isang butil ng binhi ng mostasa, na kinuha ng isang tao, at inihasik sa kaniyang bukid:

LUCAS 21:33

Luk 21:33 Ang langit at ang lupa ay lilipas: datapuwa't ang aking mga salita ay hindi lilipas.

Kung ikahiya mo naman ang Kanyang Salita, Ano ang iyong maasahan sa kaniyang pagbabalik?

MARCOS 8:38

Mar 8:38 Sapagka't ang sinomang magmakahiya sa akin at sa aking mga salita sa lahing ito na mapangalunya at makasalanan, ay ikahihiya rin naman siya ng Anak ng tao, pagparito niyang nasa kaluwalhatian ng kaniyang Ama na kasama ng mga banal na anghel.

Ano ba ang tagubilin ng PANGINOON sa mga nangangaral ng Kaniyang Salita?

MATEO 10:14

Mat 10:14 At sinomang hindi tumanggap sa inyo, ni duminig sa inyong mga pananalita, pagalis ninyo sa bahay o bayang yaon, ay ipagpag ninyo ang alabok ng inyong mga paa.

Ang bawat salita na salitain ng tao ay may kanikaniyang landas na nahantungan, ano ito? Galit o Katuwaan, Kaligayahan o Kalungkutan, Kapahamakan o Kaligtasan, Buhay o Kamatayan, at ito ay alam na nating lahat,

Ngayon: Papaano nakikita ang kapangyarihan ng Salita?

GENESIS 41:40

Gen 41:40 Ikaw ay magpupuno sa aking bahay, at ayon sa iyong salita ay pamamahalaan mo ang aking buong bayan: sa luklukang hari lamang magiging mataas ako sa iyo.

Ito lamang ba ang ipinakikitang kapangyarihan ng Salita?

MATEO 8:8

Mat 8:8 At sumagot ang senturion at sinabi, Panginoon, hindi ako karapat-dapat na ikaw ay pumasok sa ilalim ng aking bubungan; datapuwa't sabihin mo lamang ang salita, at gagaling ang aking alila.

MATEO 8:16

Mat 8:16 At nang kinahapunan, ay dinala nila sa kaniya ang maraming inaalihan ng demonio: at pinalayas niya sa isang salita ang masasamang espiritu at pinagaling ang lahat ng mga may sakit:

Bukod dito ano ang nagagawa ng Salita ng DIOS?

JOB 4:4

Job 4:4 Ang iyong mga salita ay nagsialalay sa nangabubuwal, at iyong pinalakas ang mahinang mga tuhod.

Kaya dapat na bigyan natin ng dakilang pagpapahalaga sa ating buhay ang Salita ng PANGINOON; sapagkat hindi lamang nagpapagaling, hindi lamang nagpapalakas, hindi lamang nagliligtas, sapagkat nagbibigay pa ito ng buhay na walang hanggan. Kaya hindi sa lahat ng tao ay maaari nating salitain ang mga Salita ng DIOS.

Kanino ayaw ipasalita ng DIOS ang Kaniyang Salita?

MGA KAWIKAAN 23:9

Pro 23:9 Huwag kang magsalita sa pakinig ng mangmang; sapagka't kaniyang hahamakin ang karunungan ng iyong mga salita.

Ano bang uri ng tao ang mangmang? ang sinasabing ito ng aklat ng kawikaan na humahamak ng karunungan ng Salita?

MATEO 12:32

Mat 12:32 At ang sinomang magsalita ng isang salitang laban sa Anak ng tao, ay ipatatawad sa kaniya; datapuwa't ang sinomang magsalita laban sa Espiritu Santo, ay hindi ipatatawad sa kaniya, kahit sa sanglibutang ito, o maging sa darating.

Ano bang gawain ito na laban sa Espiritu Santo na hindi patatawarin ng DIOS?

LUCAS 12:10

Luk 12:10 Ang bawa't magsalita ng salitang laban sa Anak ng tao ay patatawarin: nguni't ang magsalita ng kapusungan laban sa Espiritu Santo ay hindi patatawarin.

Ano bang Gawain itong pamumusong at ano ang mga sinasabi nitong mga namumusong?

JUAN 10:32-33

Joh 10:32-33 Sinagot sila ni Jesus, Maraming mabubuting gawa na mula sa Ama ang ipinakita ko sa inyo; alin sa mga gawang yaon ang ibinabato ninyo sa akin? 33 Sinagot siya ng mga Judio, Hindi dahil sa mabuting gawa ay binabato ka namin, kundi sa pamumusong; at sapagka't ikaw, bagaman ikaw ay tao, ay nagpapakunwari kang Dios.

Ano ang Ibig sabihin ng pamumusong? Mga mapagpanggap, hindi naman ikaw ay sasabihin mong ikaw; Mamusong ka na sa tao ay may pagkakataon kapang mapatawad; magkunwari kang pulis, datapuwat hindi ka naman pulis, parurusahan ka, datapuwat may takdang araw ang katapusan ng iyong parusa.

Datapuwa't ang sabihin mong ikaw ang kapalit ng DIOS sa lupa, ikaw ang Sugo ng DIOS dito sa lupa, ikaw ang mabuti at matalinong pastor, sa halip na patawag kang brother o kapatid ay nagpapatawag ka ng Father, iyan ang maliwanag na paglapastangan sa Espiritu; pamumusong sa Espiritu.

Sa madaling salita ay itinatakwil niya, ang pagsusugo ng DIOS sa kaniyang salita , na ang Salita ng DIOS na ito na kaniyang isinugo ay hindi mawawala na siyang mapasasa mga lingkod ng DIOS hanggang sa katapusan ng sanglibutan.

Ang pamumusong na ito ang paglapastangang ito. Ang pagtatakwil na ito sa Espiritung ito ng DIOS na Kaniyang Salita ang kasalanang walang kapatawaran na sinasabi sa JUAN 12:48

JUAN 12:48

Joh 12:48 Ang nagtatakuwil sa akin, at hindi tumatanggap sa aking mga pananalita, ay mayroong isang hahatol sa kaniya: ang salitang aking sinalita, ay siyang sa kaniya'y hahatol sa huling araw.

JUAN 14:23

Joh 14:23 Sumagot si Jesus at sinabi sa kaniya, Kung ang sinoman ay umiibig sa akin, ay kaniyang tutuparin ang aking salita: at siya'y iibigin ng aking Ama, at kami'y pasasa kaniya, at siya'y gagawin naming aming tahanan.

JUAN 14:24

Joh 14:24 Ang hindi umiibig sa akin ay hindi tumutupad ng aking mga salita: at ang salitang inyong narinig ay hindi akin, kundi sa Amang nagsugo sa akin.

Ang Salita ring ito ang bumabanal sa atin mga kapatid, siya rin ang naglilinis sa atin,

Ang sabi ng Panginoon sa...

JUAN 15:3

Joh 15:3 Kayo'y malilinis na sa pamamagitan ng salita na sa inyo'y aking sinalita.

JUAN 17:17

Joh 17:17 Pakabanalin mo sila sa katotohanan: ang salita mo'y katotohanan.

Mga kapatid ang Salitang ito at ipinangaral at isinulat ng mga propeta, apostol, at mga evangelista at ito ay hinulaan ng haring David sa kaniyang mga awit na sinasabi

MGA AWIT 19:4

Psa 19:4 Ang kanilang pangungusap ay lumaganap sa buong lupa, at ang kanilang mga salita ay hanggang sa wakas ng sanglibutan. Sa kanila inilagay niya ang tabernakulo na ukol sa araw,

Sa mga nagmamahal at nag iingat ng Salita ng DIOS, sa mga nagsitupad ng Salita ng DIOS sa kanila ibibigay ng DIOS ang langit na tabernakulo ng araw, sa kanila lamang magbibigay ng liwanag ang araw, kung nasaan naroroon ang mga gumanap ng Kaniyang Salita ay naroon din naman ang tabernakulo ng araw at liwanag ng ating DIOS.

AMEN

Ang AMA, ANG ANAK, ANG ESPIRITU SANTO

2006-03-19T22:42:00.000+08:00

ANG AMA, ANG ANAK ; ANG ESPIRITU SANTO

MATEO 28:19

Mat 28:19 Dahil dito magsiyaon nga kayo, at gawin ninyong mga alagad ang lahat ng mga bansa, na sila'y inyong bautismuhan sa pangalan ng Ama at ng Anak at ng Espiritu Santo:

REFERENCES:

JUAN 14:16

Joh 14:16 At ako'y dadalangin sa Ama, at kayo'y bibigyan niya ng ibang Mangaaliw, upang siyang suma inyo magpakailan man,

JUAN 14:17

Joh 14:17 Sa makatuwid baga'y ang Espiritu ng katotohanan: na hindi matatanggap ng sanglibutan; sapagka't hindi nito siya nakikita, ni nakikilala man siya: siya'y nakikilala ninyo; sapagka't siya'y tumatahan sa inyo, at sasa inyo.

JUAN 14:26

Joh 14:26 Datapuwa't ang Mangaaliw, sa makatuwid baga'y ang Espiritu Santo, na susuguin ng Ama sa aking pangalan, siya ang magtuturo sa inyo ng lahat ng mga bagay, at magpapaalaala ng lahat na sa inyo'y aking sinabi.

JUAN 15:26

Joh 15:26 Datapuwa't pagparito ng Mangaaliw, na aking susuguin sa inyo mula sa Ama, sa makatuwid baga'y ang Espiritu ng katotohanan, na nagbubuhat sa Ama, ay siyang magpapatotoo sa akin:

JUAN 16:13

Joh 16:13 Gayon ma'y kung siya, ang Espiritu ng katotohanan ay dumating, ay papatnubayan niya kayo sa buong katotohanan: sapagka't hindi siya magsasalita ng mula sa kaniyang sarili; kundi ang anomang bagay na kaniyang marinig, ang mga ito ang kaniyang sasalitain: at kaniyang ipahahayag sa inyo ang mga bagay na magsisidating.

Samakatuwid ang Espiritu Santo ay ang Espiritu ng Katotohanan kaya ang Espiritu Santo ay ang Katotohanan;

Ngayon; Ano ang Katotohanan?

JUAN 17:17

Joh 17:17 Pakabanalin mo sila sa katotohanan: ang salita mo'y katotohanan.

Maliwanag na ang katotohanan ay ang Salita ng DIOS, na ito ang Espirito ng katotohanan , at ang katotohanan ay banal, kaya ang Espiritu Santo ay ang Salita ng DIOS.

Ang Salita ng DIOS ay katotohanan, Ang salitang ito ng katotohanan na siyang Salita ng DIOS ay ang Espiritu Santo at ito ang sinasabi sa:

MGA AWIT 107:20

Psa 107:20 Sinugo niya ang kaniyang salita, at pinagaling sila, at iniligtas sila sa kanilang mga ikapapahamak.

MGA AWIT 147:15

Psa 147:15 Kaniyang sinusugo ang kaniyang utos sa lupa; ang kaniyang salita ay tumatakbong maliksi.

Ang Salita ng katotohanan na ito na Siyang Salita ng DIOS na Siyang Espiritu Santo, ang Espiritung bumaba mula sa langit at dumapo sa ating PANGINOONG JESUCRISTO na tulad sa isang kalapati at tinawag ng AMA na "Anak" na sinasabi, ito ang sinisinta kong anak na siya kong lubos na kinalulugdan.

Ang tinawag ng DIOS na Kaniyang anak ay ang Espiritung lumapag sa ating PANGINOONG JESUCRISTO matapos na siya'y mabautismuhan ni Juan Bautista na ang Espiritung ito ay ang Salita ng Katotohanan na Salita ng DIOS na siyang ESPIRITU SANTO; Ito ang tinawag nang DIOS na Kaniyang Anak, ang Kaniyang Salita, at hindi ang katawang binautismuhan ni Juan Bautista.

Kung hindi ang katawang binautismuhan ni Juan Bautista ang tinawag na anak ng DIOS kundi ang Espiritu Santo na siyang Salita ng Katotohanan na siyang Salita ng DIOS, ay ano ang tawag sa katawang Binautismuhan ni Juan Bautista?

Ang katawang Inihanda ng DIOS,

JUAN 1:29

Joh 1:29 Nang kinabukasan ay nakita ni Juan si Jesus na lumalapit sa kaniya, at sinabi, Narito, ang Cordero ng Dios, na nagaalis ng kasalanan ng sanglibutan!

Nang kinabukasan ay nakita ni Juan si JESUS na lumalapit sa kaniya, at sinabi, Narito, ang Cordero ng Dios, na nagaalis ng kasalanan ng sanglibutan! Kaya't sinabi sa

JUAN 12:45

Joh 12:45 At ang nakakita sa akin, ay nakakita doon sa nagsugo sa akin.

JUAN 14:9

Joh 14:9 Sinabi sa kaniya ni Jesus, Malaon nang panahong ako'y inyong kasama, at hindi mo ako nakikilala, Felipe? ang nakakita sa akin ay nakakita sa Ama; paanong sinasabi mo, Ipakita mo sa amin ang Ama?

COLOSAS 1:15

Col 1:15 Na siya ang larawan ng Dios na di nakikita, ang panganay ng lahat ng mga nilalang;

Ano Ba ang Ibig sabihin ng Kordero?

Katawan ng Lalaking walang Kapintasan.

Hindi tupa ang Ibig sabihin ng Kordero sa EXODO 12:5 : ito ay tupa o kambing

Ang sabi sa EXODO 12:5

Exo 12:5 Ang inyong korderong pipiliin ay yaong walang kapintasan, isang lalake, na iisahing taon: inyong kukunin sa mga tupa, o sa mga kambing:

At sa 2CRONICA 35:7

2Ch 35:7 At si Josias ay nagbigay sa mga anak ng bayan, buhat sa kawan, ng mga kordero at ng mga anak ng kambing, lahat ng yaon ay mga pinakahandog sa paskua, sa lahat na nakaharap, sa bilang na tatlong pung libo, at tatlong libo na baka: ang mga ito'y mga pag-aari ng hari.

2CRONICA 35:9

2Ch 35:9 Si Chonanias naman, at si Semeias, at si Nathanael, na kaniyang mga kapatid, at si Hasabias at si Jehiel at si Josabad, na mga pinuno ng mga Levita, nangagbigay sa mga Levita ng mga pinakahandog sa paskua, na limang libong tupa at kambing , at limang daang baka.

Kaya nga ito o ang PANGINOON ay lumapit kay Juan Bautista sa ilog ng Jordan, ay nakilala siya ni Juan na sinabi: Narito ang Kordero ng DIOS, na nag aalis ng kasalanan ng sanglibutan.

Ibig sabihin ni Juan Bautista...

Narito ang katawan ng DIOS na kaniyang inihanda para sa Kaniyang sinugong Salita dito sa lupa na nag-aalis ng kasalanan ng sanglibutan: Kaya nga sinabi Niya na:

"Ang nakakakita sa akin ay nakakita sa AMA."

At sinabi naman ni Apostol Pablo na "Siya ang larawan ng DIOS na di nakikita"

At ito mga kapatid ang tunay na katotohanan...

Ang AMA , Ang may ari ng lahat ng mga bagay, Ang pangalan ay DIOS

AMOS 4:13

Amo 4:13 Sapagka't, narito, siyang nagaanyo ng mga bundok, at lumilikha ng hangin, at nagpapahayag sa tao kung ano ang kaniyang pagiisip; na nagpapadilim ng umaga, at yumayapak sa mga mataas na dako ng lupa, ang Panginoon, ang Dios ng mga hukbo ay siya niyang pangalan.

AMOS 5:27

Amo 5:27 Kaya't kayo'y aking papapasukin sa pagkabihag sa dako roon ng Damasco, sabi ng Panginoon, na ang pangala'y Dios ng mga hukbo.

Iyan ang AMA; na ang Pangalan ay DIOS.

At ang Kaniyang Anak ay ang Salitang Kaniyang isinugo dito sa lupa: Ito ay ang CRISTO, Ang Karunungan at Kapangyarihan ng DIOS

LUCAS 2:11

Luk 2:11 Sapagka't ipinanganak sa inyo ngayon sa bayan ni David ang isang Tagapagligtas, na siya ang Cristo ang Panginoon.

1CORINTO 1:24

1Co 1:24 Nguni't sa kanila na mga tinawag, maging mga Judio at mga Griego, si Cristo ang kapangyarihan ng Dios, at ang karunungan ng Dios.

ISAIAS 42:8

Isa 42:8 Ako ang Panginoon; na siyang aking pangalan: at ang aking kaluwalhatian ay hindi ko ibibigay sa iba, o ang akin mang kapurihan sa mga larawang inanyuan.

Ito ang Anak ng DIOS: Ang Kaniyang Salita na isinugo sa lupa; Ang Kanyang Karunungan at Kapangyarihan na lumikha sa atin at ng lahat ng bagay.

Ang Salitang ito ay ang Salita ng katotohanan na nagpapabanal sa tao, Ang mang-aaliw na isinugo ng PANGINOON sa mga apostol at mga Cristiano sa Pangalan ng AMA ng Siya ay nasa langit na. Ito ang ESPIRITU SANTO.

Ang Salita ng Katotohanan na Siyang dumapo at bumaba sa ating PANGINOONG JesuCristo ng Siya ay umahon sa tubig matapos Siyang mabautismuhan. At ang Salita ng Katotohanang ito ang anak ng DIOS na hindi kinasumpungan ng kasinungalingan kailan man na siyang mang aaliw na Espiritu. Kaya kung liliwanagin ay ganito:

Ang AMA: Ang DIOS: Ang May Ari ng lahat

Ang ANAK: Ang PANGINOON: Ang salita: Manglilikha

Ang ESPIRITU SANTO : Ang katotohanan: (Salita ng Katotohanan)

Ang Katawang inihanda ng DIOS: Ang Kordero ng DIOS Ang larawan ng DIOS na di nakikita ang katawang Kaniyang inihanda upang tubusin ng sarili Niyang dugo ang IGLESIA NG DIOS.

MGA GAWA 20:28

Act 20:28 Ingatan ninyo ang inyong sarili, at ang buong kawan, na sa kanila'y ginawa kayo ng Espiritu Santo na mga obispo, upang pakanin ninyo ang iglesia ng Panginoon na binili niya ng kaniyang sariling dugo.

Ngayon mga kapatid hindi lamang tatlo ang ating liliwanagin kundi apat: Ano ano ito?

AMA… ANAK… ESPIRITU SANTO… ANG KORDERO

Alam na natin na ang...

(1) AMA : Ang Pangalan ay DIOS Siya ang may ari ng lahat ng bagay

(2) ANAK: Ang Salita ng DIOS ang PANGINOON. Ang Cristo ng DIOS, Ang Karunungan at Kapangyarihan ng DIOS, Ang manlilikha at lumikha ng lahat ng bagay.

(3) ESPIRITU SANTO: Ang Katotohanan JUAN 17:17 Pakabanalin mo sila sa katotohanan: ang salita mo'y katotohanan.

(4) KORDERO NG DIOS : (Katawan ng DIOS) COLOSAS 1:15 Na Siya ang larawan ng DIOS na di nakikita, ang panganay ng lahat ng mga nilalang;

Pinangtubos Niya ng sarili Niyang Iglesia: Ang Iglesia ng DIOS

APOCALIPSIS 17:14

Rev 17:14 Makikipagbaka ang mga ito laban sa Cordero, at sila'y dadaigin ng Cordero, sapagka't siya'y Panginoon ng mga panginoon at Hari ng mga Hari; at ng mga kasama niya, na mga tinawag at mga pili at mga tapat ay nananaig din .

APOCALIPSIS 19:13

Rev 19:13 At siya'y nararamtan ng damit na winisikan ng dugo: at ang kaniyang pangalan ay tinatawag na Ang Verbo ng Dios.

JUAN 13:13

Joh 13:13 Tinatawag ninyo akong Guro, at Panginoon: at mabuti ang inyong sinasabi; sapagka't ako nga.

COLOSAS 2:9

Col 2:9 Sapagka't sa kaniya'y nananahan ang buong kapuspusan ng pagka Dios sa kahayagan ayon sa laman,

AMEN

Ang dalawang daan sa buhay ng tao

2006-02-24T08:24:00.000+08:00

Ang buhay ng tao mga kapatid ay hindi para kumain, manamit, magsaya, matulog at paggising ay muling iikot ang buhay sa gayong pangyayari.

Ang ganitong pagikot ng buhay, ang pinaghahandaan ng tao ng magandang kinabukasan at kasaganaan. At kung mapasakaniya na ang kasaganaan ay tila ba mayroon na siyang kapangyarihan sa kaniyang buhay.

Mga kapatid, mag-ingat tayo sa ating paghahanda ng magandang bukas... sapagkat... kung ang DIOS ay nagbibigay ng kaligtasan at buhay na walang hanggan, gayon din naman ang DIOS ng sanglibutang ito ay nagaalok rin ng kaligtasan, saan?

Sa gutom, sa kahirapan, sa kahihiyan, at nagaalok ng karangalan, kapangyarihan, at kayamanan, at walang pagbabawal, iyan ang pangdaraya ng diablo, ang maluwang na daang patungo sa kamatayan sapagkat wala ka namang iisipin kundi: papunta ako doon; papunta ko rito; bibili ako nito; kukuha ako noon; kukuha ako nito.

Ano ba ang sinasabi ng Biblia tungkol dito?

MGA KAWIKAAN 27:1

Pro 27:1 Huwag mong ipaghambog ang kinabukasan; Sapagka't hindi mo nalalaman kung ano ang ilalabas ng ibang araw.

Mga kapatid, ang atin ay ang ngayon; ang bukas ay nasa kamay ng DIOS.

Ang sabi ni Apostol Santiago sa... SANTIAGO 4:13-15

Jam 4:13-15 Magsiparito ngayon, kayong nagsisipagsabi, Ngayon o bukas ay magsisiparoon kami sa gayong bayan, at titira kami doong isang taon, at mangangalakal, at magtutubo: 14 Kayo ngang hindi nakaaalam ng mangyayari bukas. Ano ang inyong buhay? Kayo nga'y isang singaw na sa sangdaling panahon ay lumilitaw, at pagdaka'y napapawi. 15 Sapagka't ang dapat ninyong sabihin ay, Kung loloobin ng Panginoon ay mangabubuhay kami, at gagawin namin ito o yaon.

Tingnan ninyo mga kapatid ang isang talinghaga ng PANGINOON, may isang taong mayaman na ang lupa'y namumunga ng sagana, sapagkat wala na siyang paglalagyan pa ng mga bunga ng kaniyang mga ani ay iginiba niya ang dati niyang bangan at gumawa ng mas malalaki, at doon inilagay ang lahat niyang ani at sinabi sa kaniyang kaluluwa...

LUCAS 12:19

Luk 12:19 At sasabihin ko sa aking kaluluwa, Kaluluwa, marami ka nang pag-aaring nakakamalig para sa maraming taon; magpahingalay ka, kumain ka, uminom ka, matuwa ka.

Ano ang sabi ng PANGINOON sa lalaking ito sa ... LUCAS 12:20-21

Luk 12:20-21 Datapuwa't sinabi sa kaniya ng Dios, Ikaw na haling, hihingin sa iyo sa gabing ito ang iyong kaluluwa; at ang mga bagay na inihanda mo, ay mapapa sa kanino kaya? 21 Gayon nga ang nagpapakayaman sa ganang kaniyang sarili, at hindi mayaman sa Dios.

At kung atin pang babasahin ang mga talata 22-32 ay sinasabi ng PANGINOON na ang ating buhay ay higit na mahalaga kaysa lahat nating tinatangkilik.

Kaya sinabi Niya sa LUCAS 12:25

Luk 12:25 At sino sa inyo ang sa pagkabalisa ay makapagdaragdag ng isang siko sa sukat ng kaniyang buhay?

at sa mga talata 31-32

Luk 12:31-32 Gayon ma'y hanapin ninyo ang kaniyang kaharian, at idaragdag sa inyo ang mga bagay na ito. 32 Huwag kayong mangatakot, munting kawan; sapagka't nakalulugod na mainam sa inyong Ama ang sa inyo'y ibigay ang kaharian.

Sapagkat ang kaharian ng AMA ay buhay na walang hanggan, papaano mapapasaatin ito?

1JUAN 5:11-12

1Jo 5:11-12 At ito ang patotoo, na tayo'y binigyan ng Dios ng buhay na walang hanggan, at ang buhay na ito ay nasa kaniyang Anak. 12 Ang kinaroroonan ng Anak ay kinaroroonan ng buhay; ang hindi kinaroroonan ng Anak ng Dios ay hindi kinaroroonan ng buhay.

Papaano natin malalaman kung tayo'y kinaroroonan ng Anak ng DIOS?

MATEO 5:44-46

Mat 5:44-46 Datapuwa't sinasabi ko sa inyo, Ibigin ninyo ang inyong mga kaaway, at idalangin ninyo ang sa inyo'y nagsisiusig; 45 Upang kayo'y maging mga anak ng inyong Ama na nasa langit: sapagka't pinasisikat niya ang kaniyang araw sa masasama at sa mabubuti, at nagpapaulan sa mga ganap at sa mga hindi ganap. 46 Sapagka't kung kayo'y iibig sa nangagsisiibig lamang sa inyo, ano ang ganti na inyong kakamtin? hindi baga gayon din ang ginagawa ng mga maniningil ng buwis?

At MATEO 5:48

Mat 5:48 Kayo nga'y mangagpakasakdal, na gaya ng inyong Ama sa kalangitan na sakdal.

Mga kapatid, ang ibigin mo ang iyong kaaway ay isang kabaliwan sa mga taga sanglibutan, at mga taong hindi binigyan ng DIOS ng pagkaunawa, sapagkat ang sanglibutan ay hindi nakakakilala ng Espiritual na bagay ng DIOS... at ang bagay na ito ay hindi kayang dalhin at tanggapin ng sanglibutan:

Ngunit sa mga mananampalataya ang bagay na ito ay natural na bagay na dapat lakaran ng mga nagsisipaglingkod sa DIOS.

Ano ba ang natural na bagay sa pakikipagtunggali? Liwanag at Dilim; Apoy at Tubig; Init at Lamig; Tama at Mali; Gabi at Araw; Puot at Pagibig; Masama at Mabuti; Banal at Makasalanan; Buhay at Kamatayan; Kabiguan at Tagumpay; at iyan ang dalawang uri ng daan na nilalakaran ng lahat ng tao.

Ang sabi ng PANGINOON sa JUAN 13:15

Joh 13:15 Sapagka't kayo'y binigyan ko ng halimbawa, upang gawin naman ninyo ayon sa ginawa ko sa inyo.

Sa palagay ninyo mga kapatid, alin ang pinakadakilang bagay ang ginawa ng DIOS sa ating lahat upang magkaroon tayo ng buhay na walang hanggan?

Ang tayo ay patawarin Niya sa ating mga kasalanan:

Sapagkat kung hindi Niya tayo pinatawad sa ating mga kasalanan, sa anomang paraan ay hindi tayo makararating sa Kaniyang Kaharian upang magkaroon ng Buhay na Walang Hanggan. Sapagkat doon ay walang makapapasok na maruming bagay at ano mang kasalanan, at papaano ginawa ng DIOS sa atin ang bagay na ito mga kapatid?

JUAN 3:16

Joh 3:16 Sapagka't gayon na lamang ang pagsinta ng Dios sa sanglibutan, na ibinigay niya ang kaniyang bugtong na Anak, upang ang sinomang sa kaniya'y sumampalataya ay huwag mapahamak, kundi magkaroon ng buhay na walang hanggan.

Ngayon mga kapatid, alam ba ninyo ang pinakadakilang gawa na ating magagawa? Ang tayo ay magpatawad sa mga nagkasala sa atin, sapagkat ang pagpapatawad ay sa DIOS at ang nagpapatawad ay kinaroroonan ng Anak ng DIOS at ang kinaroroonan ng Anak ng DIOS ay kinaroroonan ng buhay; ang hindi kinaroroonan ng Anak ng DIOS ay hindi kinaroroonan ng buhay.

Lumakad tayo sa landas ng buhay mga kapatid at huwag sa landas ng kapahamakan.

AMEN

Pasalamat

2006-02-23T08:36:00.000+08:00

Mga kapatid, tayo ay binubuhay ng DIOS, dito sa ibabaw ng sanglibutan na may kanikaniyang kaalaman, kanikaniyang karunungan at kakayahan, kanikaniyang paninindigan at paniniwala, higit sa lahat ay pananampalataya, hindi ba totoo ito mga kapatid?

Pananampalataya; ano ba ang pananampalataya?

Bakit ba tayo sumasampalataya?

Saan ba tayo sumasampalataya?

Iisa ang sagot diyan mga kapatid

Ano ang ating sinasampalatayanan? Ang Katotohanan

Saan tayo sumasampalataya? Sa Katotohanan

Ano ang pananampalataya? Katotohanan

Ano ang katotohanan? Ang DIOS ang katotohanan

Papaano ba natin maipakikilala ang katotohanan?

Ang katotohanan ay bagay na hindi matatanggihan ng buong mundo, ang sa tao ay ito; ang araw ay sumisikat sa umaga at lumulubog sa hapon, ang isang araw ay binubuo ng 24 na oras: 1,440 na minuto at 86,400 na saglit o segundo.

Ang isang taon ng Gregorian Calendar na tinawag rin namang taon ng PANGINOON ay binubuo ng 365 na araw na ito ay nakapaloob sa 12 Buwan at binubuo lamang ng 52 linggo.

Maliban na nga lamang sa ilang bahagi ng mundo ang North at South Pole sapagkat doo'y 6 na buwan ang sikat ng araw at 6 na buwan ang gabi bagamat gumagamit rin sila ng orasan na 60 minuto ang isang oras at 60 segundo ang isang minuto, at gayon ding orasan ang gamit ng mga karatig nitong bansa na 3 buwan ang araw at 3 buwan ang gabi.

Iyan mga kapatid ay ang matiryal na bagay na katotohanang hindi matatanggihan ng tao sapagkat kalikasan.

Ngayon; Bagaman ang kalikasan ay hindi matatanggihan ng buong mundo, ay hindi rin naman natin maitatanggi na hindi rin natin halos mabilang ang dami ng magkakaibang pananampalataya at paniniwala sa DIOS, kung kaya wala ring matibay na mapagsaligan ang salitang "MABUTI" sapagkat ang bawat relihion ay may kanikaniyang doktrina.

Dakila, Mabuti at Banal ang doktrina ng isang relihion ngunit mali naman para sa iba, at alam ng lahat na ang mali ay masama at kung masama ay apoy ang hantungan, at kung mali at masama natural na ito ay wala sa katotohanan mga kapatid, na kung iyong gagawin ang bagay na ito, ay sasang-ayunan ng lahat ng relihion sa buong mundo.

Nasa katotohanan mga kapatid ang ganda ng lahat ng bagay; datapuwat kung ganda lamang ang ating pagbabatayan ay malalayo tayo sa katotohanan.

Sapagkat kung ang gandang nakikita ang ating paguusapan, ay hindi rin natin makukuha ang kaganapan sapagkat ang gandang nakikita ay batay sa tumitingin nito, ang gandang aking sinasabi mga kapatid ay gandang hindi nakikita; siguro sa biglang pagiisip ay inyong sasabihin; mayroon bang ganoon?

Papaano mo masasabing maganda kung hindi mo nakikita? Mga kapatid ang kagandahang aking tinutukoy ay hindi kumukupas, tumatanda, nalalanta o nasisira.

Sapagkat ang gandang ito ay tulad ng pananampalataya na hindi nakikita datapuwat nadarama, tulad ng kabanalan na hindi mo nakikita, ngunit dahil sa gawa ay nasasabi mo ang katotohanan...

sinasabi mo masama ang taong iyan!
Mabuti ang taong iyan!

Bakit natin nasasabi ito mga kapatid? Sapagkat nadama mo,
sinabi mong masama: sapagkat binigyan ka ng sama ng loob,
sinabi mong mabuti : sapagkat binigyan ka ng kasiyahan
dahil sa ating gawa tayo ay gumaganda o pumapangit.

Tingnan natin ang gandang sinasabi ng banal na kasulatan sa... 1CRONICA 16:29

1Ch 16:29 Inyong ibigay sa Panginoon ang kaluwalhatiang marapat sa kaniyang pangalan: Mangagdala kayo ng handog, at magsiparoon kayo sa harap niya: Inyong sambahin ang Panginoon sa ganda ng kabanalan.

Ngayon mga kapatid, nakikita ba ng mga mata ang ganda ng kabanalan sa katawan at sa mukha ng tao?

Hindi! Sapagkat ang kagandahan nito ay nakikita at nakikilala sa bunga ng gawa nito, tulad ng hangin, hindi nakikita ngunit iyong nadarama ang dampi niya, at nakikilala mo siya sa pamamagitan ng kaniyang gawa at bunga nito.

Kapag malumanay at mayumi ang kaniyang dampi, ito ay amihan... Kapag malakas ang ihip nito, naglalaglag ng bunga ng punong kahoy at nagpapagalaw ng mga sanga nito, ito ay habagat. Ngunit kapagka ang hangin ay nagtutumba na ng malalaking punong kahoy, pumipinsala ng mga pananim at bahay, ito ay buhawi kadalasan pa nga siya ay pumapatay ng tao, ganiyan mo rin makikilala ang kapangitan ng masama at ganda ng kabanalan.

Ang ganda ng kabanalan ang lundo ng ating mga paglilingkod sa DIOS mga kapatid, na siya nating ikasasakdal sa PANGINOON... ngayon... papaano ba natin magagawa ang mga bagay na ito?

Ano ang sinasabi ng banal na kasulatan sa ... Sa 2CRONICA 20:21

2Ch 20:21 At nang siya'y makakuhang payo sa bayan, kaniyang inihalal sa kanila ang magsisiawit sa Panginoon at magsisipuri sa ganda ng kabanalan habang sila'y nagsisilabas na nagpapauna sa hukbo at magsipagsabi, Mangagpasalamat kayo sa Panginoon; sapagka't ang kaniyang kaawaan ay magpakailan man.

Ano ang nagpapaganda sa kabanalan mga kapatid? Pagpapasalamat: pagpupuri : paghahandog : tugtugan at mga pag-aawitan.

Papaano ba ito isinasagawa ng mga lingkod ng DIOS?

2CRONICA 5:13

2Ch 5:13 Nangyari nga, nang ang mga nangagpapakakak at mga mangaawit ay nangagkakatugma, upang mangagpatunog ng isang tunog na maririnig sa pagdalangin at pasasalamat sa Panginoon; at nang kanilang itaas ang kanilang tinig na katugma ng mga pakakak, at mga simbalo, at mga panugtog ng tugtugin at magsipuri sa Panginoon, na magsipagsabi , Sapagka't siya'y mabuti; sapagka't ang kaniyang kaawaan ay magpakailan man: na nang magkagayo'y ang bahay ay napuno ng ulap; sa makatuwid bagay ang bahay ng Panginoon,

Samakatuwid sa pagpapasalamat ay talagang may awitan at tugtugan, at maging ang panalangin ay sinasaliwan ng tugtog at awit ng mga korista at ng mga banda: Ngayon; mga korista lamang ba ang umaawit sa pagpapasalamat?

EZRA 3:11

Ezr 3:11 At sila'y nagawitang isa't isa sa pagpuri at pagpapasalamat sa Panginoon, na nangagsasabi : Sapagka't siya'y mabuti, sapagka't ang kaniyang kaawaan ay magpakailan man sa Israel. At ang buong bayan ay humiyaw ng malakas, nang sila'y magsipuri sa Panginoon, sapagka't ang tatagang-baon ng bahay ng Panginoon ay nalagay.

Ang bawat pagpapasalamat mga kapatid ay may kanikaniyang uri ng pagkakilala at pagpapahalaga: Halimbawang, nagpunta ka sa isang lugar, nagtanong ka sa isang tao upang ituro sa iyo ang lugar na iyong hinahanap at pagkatapos na maituro sa iyo ay sasabihin mong...

"SALAMAT PO"

Naglalakbay ka sa isang lugar at inabot ka ng takip silim, hindi mo malaman kung saan ka magpapalipas ng gabi, ng may isang taong nag-anyaya sa iyo; pinakain ka ng hapunan at binigyan ka ng isang maayos na kuartong matutulugan at pagkagising mo ay pinakain ka ng masaganang agahan bago ka umalis, at ng nagtatanong ka ng bayad ay hindi ka tinanggapan ng bayad, papaanong pagpapasalamat ang gagawin mo sa taong yaon?

"Maraming maraming salamat po, sana'y makaganti po ako ng utang na loob sa inyo sa ibang araw na darating"

Nagkasakit ang isang minamahal mo sa buhay, at agad-agad ay kailangan ang operasyon dahil kung hindi maooperahan agad ito ay mamamatay, subalit wala ka namang pambayad, at sa katotohanan kahit ipagbili mo man ang lahat mong pag-aari ay hindi sasapat at halos wala ka ng pagasa na mabuhay pa ang mahal mo sa buhay, ng isang tao ang lumapit sayo at inako ang gugugulin hanggang sa mahal mo ay lumakas at gumaling;

Anong uri o antas kaya ng pagpapasalamat ang gagawin mo sa taong yaon, at anong handog ang ipagkakaloob mo sa kaniya maihayag mo lamang ang taos puso mong pagpapasalamat, hindi ba't ibubuhos mo ang buo mong kakayahan sa paggawa?

Ano pa kaya mga kapatid kung ang ating pagpapasalamatan ay ang sinasampalatayanan natin na Siya ang lumalang sa atin, Siyang nag-iingat sa atin, nagbibigay ng ating pagkain sa araw-araw,ng ating buhay at hininga, ng kalakasan at kaalaman, nagiingat sa atin at higit sa lahat ay nagbigay sa atin ng buhay na walang hanggan.

Marapat kayang gawin natin ang pagpapasalamat ng higit sa ating makakaya?

2CORINTO 8:2-3

2Co 8:2-3 Kung paanong sa maraming pagsubok sa kapighatian ang kasaganaan ng kanilang katuwaan at ang kanilang malabis na karukhaan ay sumagana sa kayamanan ng kanilang kagandahang-loob. 3 Sapagka't ayon sa kanilang kaya, ay nagpapatotoo ako at higit pa sa kanilang kaya, ay nagsiabuloy sila sa sariling kalooban,

Iyan ang dapat makita sa atin ng PANGINOON mga kapatid; sapagkat walang taong makagagawa sa atin ng mabuti na tulad ng kabutihang ginagawa sa atin ng DIOS, tingnan ninyo mga kapatid ang ginawa ng DIOS kay Propeta Daniel...

DANIEL 2:23

Dan 2:23 Pinasasalamatan kita, at pinupuri kita, Oh ikaw na Dios ng aking mga magulang, na siyang nagbigay sa akin ng karunungan at lakas, at nagpatalastas ngayon sa akin ng ninais namin sa iyo; sapagka't iyong ipinaalam sa amin ang bagay ng hari.

Alam ba ninyo kung bakit nagpasalamat ng gayon na lamang si Propeta Daniel sa DIOS? Noong madalang bihag ang mga Israelita sa Babilonia ay isa si Daniel sa napili ng haring Nabucodonosor na maging pantas ng hari.

Isang gabi ay natulog siya at nagkaroon ng isang panaginip na nakakikilabot, datapuwat ng magising ang hari ay nakalimutan niya ang panaginip, datapuwat ang takot at pangamba ay nanatili sa kaniyang puso.

Ipinatawag niya ang lahat ng mga mahiko at mga enkantador at mga pantas at paham ng Babilonia at sinabi sa kanila, ako'y nagkaroon ng isang nakapangingilabot na panaginip datapuwat nalimutan ko pagkagising, nais kong sabihin ninyo sa akin kung ano ang panaginip na yaon at ang kahulugan nito, sinagot siya ng mga pantas ay sinabi: hindi namin masasabi ang kahulugan ng panaginip kung hindi sasabihin sa amin oh hari ang kaniyang panaginip, sabihin sa amin ang kahulugan nito, nagalit ang hari at ipinagutos na patayin ang lahat ng mga pantas sa Babilonia.

Ang utos na ito'y nakarating kay Daniel, humarap siya sa hari at humingi ng isang linggong palugit at binigyan siya ng hari. Dumalangin sa DIOS si Daniel at ang tatlong niyang kasama, at ipinakita ng DIOS sa kanila ang panaginip ng hari at ipinaalam sa kanila ang kahulugan nito at ito ay inilahad nila sa hari. Dahil dito si Daniel ay ginawang puno ng mga pantas sa Babilonia.

Iyan mga kapatid ang nagagawa ng pananampalataya at ng taos pusong pananalangin.

Iyan mga kapatid ang ipinagpapasalamat ni Propeta Daniel sa DIOS na isang bagay na pinakamagandang magagawa ng tao maging sino ka man at maging ano ka man.

Tingnan natin ang sinasabi ng MGA AWIT 92:1-3

Psa 92:1-3 Isang mabuting bagay ang magpapasalamat sa Panginoon, at umawit ng mga pagpuri sa iyong pangalan, Oh Kataastaasan: 2 Upang magpakilala ng iyong kagandahang-loob sa umaga, at ng iyong pagtatapat gabigabi. 3 Na may panugtog na may sangpung kawad, at may salterio; na may dakilang tunog na alpa.

At MGA AWIT 97:10-12

Psa 97:10-12 Oh kayong nagsisiibig sa Panginoon, ipagtanim ninyo ang kasamaan. Kaniyang iniingatan ang mga kaluluwa ng kaniyang mga banal; kaniyang iniligtas sila sa kamay ng masama. 11 Liwanag ang itinanim na ukol sa mga banal, at kasayahan ay sa may matuwid na puso. 12 Mangatuwa kayo sa Panginoon, kayong mga matuwid; at mangagpasalamat sa kaniyang banal na pangalan.

Pinakamaganda at pinakamasayang bagay ang ikaw ay magpasalamat sa DIOS datapuwat ingatan natin ang ating sarili mga kapatid; baka sa paghahandog mo sa DIOS dahilan sa iyong malaking kakayahan ay maging mataas ka sa iyong sarili at maging hamak at aba ang mga dukha mong kapatid sa kanilang mga handog, kahit pinakadakila ang ating magiging handog sa DIOS ay nararapat lamang na manatili tayo sa kapakumbabaan at pagibig.

Tingnan ninyo ito mga kapatid sa 1CRONICA 29:12-14

1Ch 29:12-14 Ang mga kayamanan at gayon din ang karangalan ay nangagmumula sa iyo, at ikaw ang nagpupuno sa lahat; at nasa iyong kamay ang kapangyarihan at kalakasan; at nasa iyong kamay ang pagpapadakila, at pagpapalakas sa lahat. 13 Kaya't ngayon, aming Dios, kami ay nagpasasalamat sa iyo, at aming pinupuri ang iyong maluwalhating pangalan. 14 Nguni't sino ako, at ano ang aking bayan, na makapaghahandog na ganyang kusa ayon sa ganitong paraan? sapagka't ang lahat na bagay ay nangagmumula sa iyo, at ang iyong sarili ay aming ibinigay sa iyo.

Mga kapatid, ito ang tunay nating kalagayan, wala tayong sariling atin, sapagkat ang lahat ay galing sa DIOS, sa katotohanan, kahit sa sarili nating katawan ay wala tayong kapangyarihan, sapagkat wala naman tayong maaaring pigilin sa pagsulong nito o sa pagkasira nito.

Tingnan ninyo mga kapatid

Ang buhok
Mapipigil mo ba ang paghaba nito, pagputi, at pagkalagas?

Ang ngipin
Mapipigil mo ba ang pagkasira at pagkawala nito?

Ang mata
Mapipigil mo ba ang paglabo nito?

Ang kuko
Mapipigil mo ba ang paghaba nito?

Ang balat
Mapipigil mo ba ang pagkulubot nito?

Ang pandinig o tainga
Mapipigil mo ba ang pagkabingi?

Ang lakas ng katawan:
Mapapanatili mo itong malakas at hindi manghina, at mapipigilan mo ba ang iyong kabataan at hindi ka na tatanda? Matatanggihan mo ba ang ano mang uri ng karamdaman at mapipigil ang kamatayan?

Ang lahat ng iyan mga kapatid ay nasa kamay ng DIOS ang kapangyarihan; Siya ang bumubuhay sa atin at nagbibigay ng pagkaunawa, ng pananampalataya at kagalingan, ng kalakasan at karunungan, at higit sa lahat ay ng buhay at kaligtasan.

Nasa iyong pagpapasalamat at paghahandog at pagpapakumbaba, ang antas ng iyong pagkakilala sa mga bagay na ito mga kapatid sapagkat nasa kapakumbabaan ipagiging dapat ng bawat isa sa atin.

Basahin natin ito mga kapatid sa ... LUCAS 18:10-14

Luk 18:10-14 May dalawang lalaking nagsipanhik sa templo upang magsipanalangin; ang isa'y Fariseo, at ang isa'y maniningil ng buwis. 11 Ang Fariseo ay nakatayo at nanalangin sa kaniyang sarili ng ganito, Dios, pinasasalamatan kita, na hindi ako gaya ng ibang mga tao, na mga manglulupig, mga liko, mga mapangalunya, o hindi man lamang gaya ng maniningil ng buwis na ito. 12 Makalawa akong nagaayuno sa isang linggo; nagbibigay ako ng ikapu ng lahat kong kinakamtan. 13 Datapuwa't ang maniningil ng buwis, na nakatayo sa malayo, ay ayaw na itingin man lamang ang kaniyang mga mata sa langit, kundi dinadagukan ang kaniyang dibdib, na sinasabi, Dios, ikaw ay mahabag sa akin, na isang makasalanan. 14 Sinasabi ko sa inyo, Nanaog at umuwi sa kaniyang bahay ang taong ito na inaaaringganap kay sa isa: sapagka't ang bawa't nagmamataas sa kaniyang sarili ay mabababa; datapuwa't ang nagpapakababa sa kaniyang sarili ay matataas.

Mga kapatid, walang makapagliligtas sa atin kundi ang sarili nating mga gawa, ibinibigay sa atin ng DIOS ang Salita ng Kaligtasan at maghahatid sa atin sa piling ng AMA na Siyang Buhay na Walang Hanggan.

Huwag nating katisuran ang Salita ng DIOS na tila ba nagpapahirap sa atin mga kapatid; ang ating gawaing kabanalan ay paraiso at buhay na walang hanggan ang ating kinukuha mga kapatid. Huwag nating mabigatin ito o panghinayangan man ang ating ginugugol na panahon, oras at salapi, sapagkat sa paggawa mo ng kabanalan ay buhay na walang hanggan ang ating makakamtan.

Sa katotohanan lang mga kapatid, mas mahirap pang hanapin ang ating kakainin sa loob ng isang araw kaysa gumawa ng isang araw na kabanalan; sa totoo lang mga kapatid, sa paghahanap mo ng kabuhayan sa araw-araw kung ikaw ay magkamali ay maaari ka pang mabilanggo at mapatay: sa paggawa ng kabanalan ay hindi ka mabibilanggo o mamamatay man kundi ligaya at buhay na walang hanggan ang iyong makakamtan:

Huwag nating mabigatin ang paggawa ng kabanalan mga kapatid. Sapagkat kailangang talaga na gumawa tayo ng mabigat na kabanalan na mag-aangat ng mataas sa ating katawang makasalanan mga kapatid.

Mabigat na kabanalang magaangat sa atin sa paraiso, kung makita na nating napararangal na ng bunga ng ating gawa at kapaguran ang Salita ng ating DIOS at PANGINOON ay nahandoon na tayo sa kapanatagan ng ating mga kaluluwa at masasasabi na rin natin na...

MGA AWIT 133:1

Psa 133:1 Masdan ninyo, na pagkabuti at pagkaligaya sa mga magkakapatid na magsitahang magkakasama sa pagkakaisa!

AMEN

Ang mga Ministro ng DIOS

2006-02-22T11:40:00.000+08:00

Mga kapatid, kilala na nating lahat ang tunay na sugo ng DIOS na isinugo Niya dito sa lupa, at alam na natin ang sugong isinugo ng DIOS dito sa lupa ay makapangyarihan, gumagawa ng kababalaghan at nauutusan Niya ang kalikasan, higit sa lahat ay nagbibigay ng kaligtasan sa mga taong naging mga anak ng DIOS...

Ngayon mga kapatid, ang kilalanin natin ay ang mga Ministro ng DIOS dito sa lupa, at ang mga ministrong ito ay may kapangyarihan magpatupad at magparusa:

Hindi ito ang mga tinatawag na ministro ng mga relihion na inihalal ng kanikanilang pinuno o obispo, na ang nakikinig lamang sa kanila ay tauhan o member lamang ng kanilang relihion at wala silang kapangyarihan sa iba o sa ibang sekta ng relihion.

Ang mga ministrong ito ng DIOS ay iginagalang ng lahat ng sekta ng relihion, maging ikaw man ay Cristiano, pagano, islamic o muslim, protestante o ano mang uri ng relihion o pananampalataya mayroon ka at inuutos ng DIOS ang pagsunod dito, ating kilalanin mga kapatid kung sino-sino ito na binigyan ng DIOS ng kapangyarihan upang maging Kaniyang ministro, basahin natin ang aklat ni...

TITO 3:1-2

Tit 3:1-2 Ipaalala mo sa kanilang pasakop sa mga pinuno, sa mga may kapangyarihan, na mangagmasunurin, na humanda sa bawa't gawang mabuti, 2 Na huwag magsalita ng masama tungkol sa kanino man, na huwag makipagtalo, kundi mapakahinhin, at magpakahinahon sa lahat ng mga tao.

Ang mga talatang ito ay pagpapaalala ng PANGINOON sa mga dinatnan ng Kaniyang Salita at sumampalataya sa Kaniya.

Ngayon; Sino bang mga pinuno ito na may kapangyarihan na ayaw ng DIOS na pagsalitaan mo sila ng masama, na ipinagtagubilin na tayo ay maging masunurin sa kanila?

ROMA 13:1-7

Rom 13:1-7 Ang bawa't kaluluwa ay pasakop sa matataas na kapangyarihan: sapagka't walang kapangyarihan na hindi mula sa Dios; at ang mga kapangyarihang yao'y hinirang ng Dios. 2 Kaya nga't ang sumasalangsang sa kapangyarihan, ay sa utos ng Dios sumasalangsang: at ang mga nagsisalangsang ay magsisitanggap ng kahatulan sa kanilang sarili. 3 Sapagka't ang mga pinuno ay hindi kilabot sa gawang mabuti, kundi sa masama. At ibig mo bagang mawalaan ng takot sa may kapangyarihan? gawin mo ang mabuti, at magkakamit ka ng kapurihan sa kaniya: 4 Sapagka't siya'y ministro ng Dios sa ikagagaling mo. Datapuwa't kung ginagawa mo ang masama, ay matakot ka; sapagka't hindi walang kabuluhan ang pagdadala niya ng tabak: sapagka't siya'y ministro ng Dios, tagapaghiganti sa ikagagalit sa gumagawa ng masama. 5 Kaya nga't dapat na kayo'y pasakop, hindi lamang dahil sa kagalitan, kundi naman dahil sa budhi. 6 Sapagka't dahil dito ay nagsisipagbayad naman kayo ng buwis; sapagka't sila'y mga tagapangasiwa ng paglilingkod sa Dios, na nagsisipamahalang walang patid sa bagay na ito. 7 Ibigay ninyo sa lahat ang sa kanila'y nararapat: buwis sa dapat buwisan; ambag sa dapat ambagan; takot sa dapat katakutan; puri sa dapat papurihan.

Ngayon mga kapatid, kilala na ba ninyo kung sino-sino ang mga ministro ng DIOS para sa lahat ng tao?

Sila ang kapangyarihan ng mga bansa, mula sa pinakamataas hanggang sa pinakamababa, at mula sa pinakamababang hukuman hanggang sa pinakamataas na hukuman.

Sa Kaharian : Mula Hari hanggang Kawal
Sa Republika : Mula Pangulo hanggang Tanod
Sa Hukuman : Mula sa Mababa hanggang sa Mataas

Narito mga kapatid ang ilan sa mga pangunahing batas at kautusan sa ... ROMA 13:8-14

Rom 13:8-14 Huwag kayong magkautang ng ano pa man sa kanino man, maliban na sa mangagibigan kayo: sapagka't ang umiibig sa kaniyang kapuwa'y nakaganap na ng kautusan. 9 Sapagka't ito, Huwag kang mangangalunya, Huwag kang papatay, Huwag kang magnanakaw, Huwag kang mananakim, at kung mayroon pang ibang utos, ay nauuwi sa salitang ito, sa makatuwid baga'y Ibigin mo ang iyong kapuwa na gaya ng sa iyong sarili. 10 Ang pagibig ay hindi gumagawa ng masama sa kaniyang kapuwa: ang pagibig nga ay siyang katuparan ng kautusan. 11 At ito, yamang nakikilala ang panahon, na ngayo'y kapanahunan nang magsigising kayo sa pagkakatulog: sapagka't ngayon ay lalong malapit na sa atin ang kaligtasan kay sa nang tayo'y magsisampalataya nang una . 12 Ang gabi ay totoong malalim, at ang araw ay malapit na: iwaksi nga natin ang mga gawa ng kadiliman, at ating isakbat ang mga sandata ng kaliwanagan. 13 Magsilakad tayong mahinhin, gaya ng sa araw; huwag sa katakawan at paglalasing, huwag sa kalibugan at sa kahalayan, huwag sa mga pagkakaalit at pagkakainggitan. 14 Kundi bagkus isakbat ninyo ang Panginoong Jesucristo, at huwag ninyong paglaanan ang laman, upang masunod ang mga kahalayan noon .

Mga kapatid, ang lahat ng mga talatang ating binasa sa biblia ay tunay at totoong Salita ng ating PANGINOONG DIOS, na ipinasulat Niya sa Kaniyang mga Apostol at Evangelista.

Tayo'y hindi nagbasa ng kwentong kinatha lamang ng isang kuwentista upang matapos nating mapakinggan, tayo ay humanga at masiyahan. Ang mga talatang ating binasa sa Biblia, ay ating maliwanag na narinig, nalaman at naunawa, hindi upang hangaan lamang; kundi upang gawin, tuparin ng buong puso at ipamahagi, sapagkat nagliligtas, nagbibigay ng buhay na walang hanggan upang tayo'y dalhin sa piling ng ating Dakilang PANGINOONG DIOS at tayo'y sumaKaniya magpakailanaman.

AMEN

Ang pamamaraan ng DIOS at paraan ng tao

2006-02-21T11:19:00.000+08:00

Mga kapatid; ang tao ay nabubuhay na kaakibat ang mga suliranin sa buhay, mula sa pangangalaga ng ating katawan at lahat ng mga pangangailangan nito.

Ang isang bagay na makapangyarihan sa ating lupang katawan na siyang napapanginoon sa atin na hindi natin natututulan ay ang gutom, sapagkat pumapatay dahil dito ay ipinipusag ng tao ang kaniyang katawan masustinihan lamang niya ito, at kung ito ay magkaroon na ng sapat at labis pa, ay iisipin na ng tao ang luho o layaw nito, lakas at kapangyarihan; Na ano iyan mga kapatid? Ang salapi na siyang kayamanan at kapangyarihan ng tao dito sa lupa, na siyang isipan ng tao at inaaring rurok ng tagumpay; sapagkat mabibili na niya ang lahat, hindi lamang ang lupa, malapalasyong tahanan, sarisaring sasakyan at maging ang karapatan ng kaniyang kapuwa pati ng buhay nito ay kaniyang binabayaran.

Hanggang sa isang araw ay dumating sa kaniyang buhay ang isang higit na makapangyarihan kaysa kaniya na kahit ang kaniyang kayamanan at kapangyarihan ay hindi makapigil dito.

Ano ito mga kapatid?

Ito ang karamdaman na gugupo sa kaniya, maghihiga sa kaniya at magraratay sa sakit ng buong katawan, hanggang sa hanapin niya ang lunas nito at galugarin ang buong mundo, datapuwat hindi niya masumpungan ang lunas ng kaniyang karamdaman hanggang ihatid niya ito sa kawalang pag-asa.

Sapagkat dahil sa kaniyang kalagayan sa lipunan ay nalimot niya ang DIOS na nagbibigay at nagaalis ng karamdaman, nagbibigay at nagaalis ng buhay.

Ano ba ang sinasabi sa Biblia tungkol sa karamdaman?

EXODO 15:26

Exo 15:26 At sinabi, Kung iyong didinggin ng buong sikap ang tinig ng Panginoon mong Dios, at iyong gagawin ang matuwid sa kaniyang mga mata, at iyong didinggin ang kaniyang mga utos, at iyong gaganapin ang lahat niyang mga palatuntunan ay wala akong ilalagay na karamdaman sa iyo, na gaya ng inilagay ko sa mga Egipcio: sapagka't ako ang Panginoon na nagpapagaling sa iyo.

Sino ang nagbibigay at nagaalis ng karamdaman mga kapatid? Ang PANGINOON. Kaya huwag isipin ng tao na ang kayamanan, kapangyarihan at karunungan ang nagliligtas at nagpapagaling ng kanilang mga karamdaman, kahit ang mga doktor man ay nagkakasakit at namamatay. Kahit sa pagkain mga kapatid, hindi ngayo't mayaman ka ang pagkain mo ang masustansiya at ang mahirap ay wala.

Ang sabi sa EXODO 23:25

Exo 23:25 At inyong paglilingkuran ang Panginoon ninyong Dios, at kaniyang babasbasan ang iyong tinapay at ang iyong tubig; at aking aalisin ang sakit sa gitna mo.

Nakuha ba ninyo mga kapatid kung papaano pinangangalagaan ng DIOS ang Kaniyang mga lingkod? Kung pinaglilingkuran natin ng tapat ang PANGINOON, Kaniyang binabasbasan ang ating pagkain maging ang tubig na ating iniinum, at nagaalis pa ng ating mga karamdaman; ano pa mga kapatid, ano pa ang pagpapalang ginagawa ng DIOS sa mga lumalakad sa Kaniyang palatuntunan?

Pagpatuloy natin ang pagbabasa sa... EXODO 23:26-27

Exo 23:26-27 Walang babaing makukunan, o magiging baog man, sa iyong lupain: ang bilang ng iyong mga araw ay aking lulubusin. 27 Aking susuguin ang sindak sa unahan mo, at aking liligaligin ang buong bayan na iyong paroroonan, at aking patatalikurin sa iyo ang lahat ng iyong mga kaaway.

Ganyan mga kapatid ang pamamaraan ng DIOS sa pag-aaruga sa atin at pagpapagaling sa ating karamdaman, huwag nating ipilit ang sarili nating pamamaraan, na sabihin nating ganito ang gusto ko; para bang nananalangin tayo sa DIOS na ibigay sa atin ang hinihingi sa Kaniya sa paraang gusto natin; Hindi tayo humihingi ng ganoon mga kapatid, kundi naguutos!

Tingnan natin ang kasaysayan ng isang dakilang lalake noong panahon ng Siria sa aklat ng... 2HARI 5:1-17

2Ki 5:1-17 Si Naaman nga, na punong kawal ng hukbo ng hari sa Siria, ay dakilang lalake sa kaniyang panginoon, at marangal, sapagka't sa pamamagitan niya'y nagbigay ang Panginoon ng pagtatagumpay sa Siria: siya rin nama'y malakas na lalake na may tapang, nguni't may ketong. 2 At ang mga taga Siria ay nagsilabas na mga pulupulutong, at nagdala ng bihag na mula sa lupain ng Israel na isang dalagita; at siya'y naglingkod sa asawa ni Naaman. 3 At sinabi niya sa kaniyang babaing panginoon. Mano nawa ang aking panginoon ay humarap sa propeta na nasa Samaria! kung magkagayo'y pagagalingin niya siya sa kaniyang ketong. 4 At pumasok ang isa, at isinaysay sa kaniyang panginoon, na sinasabi, Ganito't ganito ang sabi ng dalagita na nagmula sa lupain ng Israel. 5 At sinabi ng hari sa Siria, Yumaon ka, yumaon ka, at ako'y magpapadala ng sulat sa hari sa Israel. At siya'y yumaon, at nagdala siya ng sangpung talentong pilak, at anim na libong putol na ginto, at sangpung pangpalit na bihisan. 6 At kaniyang dinala ang sulat sa hari sa Israel, na sinasabi, At pagka nga dumating sa iyo ang sulat na ito, ay talastasin mo na aking sinugo si Naaman na aking lingkod sa iyo, upang iyong pagalingin siya sa kaniyang ketong. 7 At nangyari, nang mabasa ng hari sa Israel ang sulat, na kaniyang hinapak ang kaniyang suot at nagsabi, Ako ba'y Dios upang pumatay at bumuhay, na ang lalaking ito ay nagsugo sa akin upang pagalingin ito sa kaniyang ketong? nguni't talastasin mo, isinasamo ko sa iyo, at tingnan mo kung paanong siya'y humahanap ng dahilan laban sa akin. 8 At nagkagayon, nang mabalitaan ni Eliseo na lalake ng Dios na hinapak ng hari sa Israel ang kaniyang suot, na siya'y nagsugo sa hari, na nagsabi: Bakit mo hinapak ang iyong mga kasuutan? paparituhin mo siya sa akin, at kaniyang malalaman na may isang propeta sa Israel. 9 Sa gayo'y naparoon si Naaman na dala ang kaniyang mga kabayo at ang kaniyang mga karo, at tumayo sa pintuan ng bahay ni Eliseo. 10 At si Eliseo ay nagsugo ng sugo sa kaniya, na nagsasabi, ikaw ay yumaon, at maligo sa Jordan na makapito, at ang iyong laman ay sasauli sa iyo, at ikaw ay magiging malinis. 11 Nguni't si Naaman ay naginit, at umalis, at nagsabi, Narito, aking inakalang, walang pagsalang lalabasin niya ako, at tatayo, at tatawag sa pangalan ng Panginoon niyang Dios, at pagagalawgalawin ang kaniyang kamay sa kinaroroonan, at mapapawi ang ketong. 12 Hindi ba ang Abana at ang Pharphar, na mga ilog ng Damasco, ay mainam kay sa lahat ng tubig sa Israel? hindi ba ako makapaliligo sa mga yaon, at maging malinis? Sa gayo'y pumihit siya at umalis sa paginit. 13 At ang kaniyang mga lingkod ay nagsilapit, at nagsipagsalita sa kaniya, at nagsabi, Ama ko, kung ipinagawa sa iyo ng propeta ang anomang mahirap na bagay, hindi mo ba gagawin? gaano nga kung sabihin niya sa iyo, Ikaw ay maligo, at maging malinis? 14 Nang magkagayo'y lumusong siya at sumugbong makapito sa Jordan, ayon sa sabi ng lalake ng Dios: at ang kaniyang laman ay nagsauling gaya ng laman ng isang munting bata, at siya'y naging malinis. 15 At siya'y bumalik sa lalake ng Dios, siya at ang buong pulutong niya, at naparoon, at tumayo sa harap niya: at siya'y nagsabi, Narito ngayon, aking talastas na walang Dios sa buong lupa, kundi sa Israel: isinasamo ko ngayon sa iyo na tanggapin mo ang kaloob ng iyong lingkod. 16 Nguni't kaniyang sinabi, Buhay ang Panginoon, na nakatayo ako sa harap niya, wala akong tatanggapin. At ipinilit niya sa kaniyang kunin; nguni't siya'y tumanggi. 17 At sinabi ni Naaman, Kung hindi, isinasamo ko pa sa iyo, na bigyan ko ang iyong lingkod ng lupang mapapasan ng dalawang mula; sapagka't ang iyong lingkod buhat ngayon ay hindi maghahandog ng handog na susunugin o hain man sa ibang mga dios, kundi sa Panginoon.

Sa kasaysayang ito ni Naaman mga kapatid, ano ang puna ninyo sa pangyayari na nais ipakita sa bawat isa sa atin?

Na siya ay nagpunta sa Israel na dala ang sulat ng hari ng Siria; Sampung talentong pilak; anim na libong putol na ginto; sampung pamalit na bihisan; mga kabayo at mga karo. Nais ipakita ni Naaman na hindi siya pangkaraniwang tao, kundi taong marangal at nasa kapangyarihan, inaasahan niya na ito ay isasaalang-alang ni Propeta Eliseo, at pagdating niya sa bahay nito ay pagpupugayan at magpapakita ng paggalang sa kaniya:

Datapuwat hindi nangyari ang bagay na kaniyang inaasahan, inaasahan niyang hahawakan siya ni Eliseo at ipananalangin sa DIOS, datapuwat hindi nangyari yaon, sa halip ay inutusan siya na maligong pitong beses sa ilog ng Jordan at yaon ang nagpagaling sa kaniya.

Dito mga kapatid ay ipinakita lamang ng DIOS na iba ang paraan ng DIOS kaysa paraang iniisip ng tao.

Papaano ba natin mauunawaan ang mga bagay na ito mga kapatid?

Ang ibig lamang sabihin ng DIOS dito; tayo ay hindi nabubuhay sa ating sariling kagustuhan; at bagamat tayo'y binigyan Niya na makagawa ng sarili nating kagustuhan o our own freewill ay iba pa rin ang paraan ng DIOS sa paggawa kumpara sa ating paggawa, bakit mga kapatid?

Sapagkat sa kaniya'y walang kamalian, tayo'y punongpuno ng kamalian.

Sa DIOS ay walang kasinungalingan, ang tao ay lipos ng kasinungalingan. Kung ang iyong hanap buhay ay pagtitinda at ang gamit mong timbangan ay may daya, sa palagay mo kaya kapatid ay maidadalangin mo ang iyong tindahan sa DIOS para pagpalain?

Kung ikaw ay maghahanap ng pera, nagbihis ka ng magarang damit at ang pupuntahan mo ay kasino o sabong, maidadalangin mo ba sa DIOS ang iyong lakad upang pagpalain?

Ano ang sinasabi sa LUCAS 9:23-25

Luk 9:23-25 At sinabi niya sa lahat, Kung ang sinomang tao ay ibig sumunod sa akin, ay tumanggi sa kaniyang sarili, at pasanin sa arawaraw ang kaniyang krus, at sumunod sa akin. 24 Sapagka't ang sinomang magibig iligtas ang kaniyang buhay, ay mawawalan nito; datapuwa't sinomang mawalan ng kaniyang buhay dahil sa akin, ay maililigtas nito yaon. 25 Sapagka't ano ang pakikinabangin ng tao, kung makamtan niya ang buong sanglibutan, at mawawala o mapapahamak ang kaniyang sarili?

Alam ba ninyo mga kapatid ang nais na ipaalam sa atin ng PANGINOON tungkol sa mga bagay na ito?

Dadalawa lang naman ang magkaiba sa buhay nating ito; ang mabuti at ang masama. Tulad ng ating pinagaaralan ngayon, ang paraan ng DIOS at ang paraan ng tao; para bang sinabi natin, ang mali at ang tama, na kailanman ang dalawang ito ay hindi magkakasundo; hindi maaaring ariin ng mali ang tama o ng tama ang mali.

Mali kung Mali... Tama kung Tama.

Hindi maaaring mabuhay ang tao sa kaunting mali at sa kaunting tama; sapagkat sa isa lamang tayo hahatulan ng DIOS.

Pagaralan natin ang mga talatang ito na ipinangaral ng ating PANGINOONG JESUCRISTO sa... MATEO 6:24-34

Mat 6:24-34 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. 25 Kaya nga sinasabi ko sa inyo, Huwag kayong mangabalisa sa inyong pamumuhay, kung ano baga ang inyong kakanin, o kung ano ang inyong iinumin; kahit ang sa inyong katawan, kung ano ang inyong daramtin. Hindi baga mahigit ang buhay kay sa pagkain, at ang katawan kay sa pananamit? 26 Masdan ninyo ang mga ibon sa langit, na hindi sila nangaghahasik, ni nagsisigapas, ni nangagtitipon man sa mga bangan; at sila'y pinakakain ng inyong Ama sa kalangitan. Hindi baga lalong higit ang halaga ninyo kay sa kanila? 27 At alin sa inyo ang sa pagkabalisa ay makapagdaragdag ng isang siko sa sukat ng kaniyang buhay? 28 At tungkol sa pananamit, bakit kayo nangababalisa? Wariin ninyo ang mga lirio sa parang, kung paanong nagsisilaki; hindi nangagpapagal, ni nangagsusulid man: 29 Gayon ma'y sinasabi ko sa inyo, na kahit si Salomon man sa buong kaluwalhatian niya ay hindi nakapaggayak na gaya ng isa sa mga ito. 30 Nguni't kung pinararamtan ng Dios ng ganito ang damo sa parang, na ngayon ay buhay , at sa kinabukasa'y iginagatong sa kalan, hindi baga lalonglalo na kayong pararamtan niya, Oh kayong mga kakaunti ang pananampalataya? 31 Kaya huwag kayong mangabalisa, na mangagsabi, Ano ang aming kakanin? o, Ano ang aming iinumin? o, Ano ang aming daramtin? 32 Sapagka't ang lahat ng mga bagay na ito ay siyang pinaghahanap ng mga Gentil; yamang talastas ng inyong Ama sa kalangitan na kinakailangan ninyo ang lahat ng mga bagay na ito. 33 Datapuwa't hanapin muna ninyo ang kaniyang kaharian, at ang kaniyang katuwiran; at ang lahat ng mga bagay na ito ay pawang idaragdag sa inyo. 34 Kaya't huwag ninyong ikabalisa ang sa araw ng bukas: sapagka't ang araw ng bukas ay mababalisa sa kaniyang sarili. Sukat na sa kaarawan ang kaniyang kasamaan.

Ano ang aral na nais ipatanggap sa atin ng DIOS sa mga Salitang Kaniyang ibinigay sa atin?

Huwag nating gamitin ang paraang nalalaman natin na nakakaapi sa ating kapuwa o paraang makapaminsala, kundi paraang nakakatulong, nakapagpapaginhawa sa ating kapuwa sapagkat iyon ang paraan ng DIOS, ang makabubuti at hindi makakasama...

AMEN

Ang ibang manghahasik

2006-02-20T10:58:00.000+08:00

Mga kapatid, napagaralan na natin ang tunay nating kalagayan dito sa ibabaw ng sanglibutan: Tayong lahat ay manglalakbay... (Pilgrims) at nalalaman natin ang destinasyon ng bawat manglalakbay sa pamamagitan ng daang kanilang tinatahak kung yaon ay patungo sa Bayang Banal o sa Bayang Parusahan.

Kaya sa ating paglalakbay mga kapatid, ay ibayong ingat at talino ang dapat nating gawin upang hindi tayo mangaligaw sa daang ating tinatahak, sapagkat nasusulat sa...

MGA KAWIKAAN 14:12

Pro 14:12 May daan na tila matuwid sa isang tao, nguni't ang dulo niyaon ay mga daan ng kamatayan.

Ang paglalakbay na ito mga kapatid ay humahangganan sa kamatayan at kung saang landas ka nahinto, ang dulo noon ang ipagkakaloob sa iyo ng PANGINOON.

Datapuwat may mga taong pinagkalooban ng DIOS na makarating sa dulo ng landas na kaniyang tinatahak, ibig sabihin ay hindi titikim ng kamatayan hanggang sa marating nila ang kaharian ng langit.

Ang sabi ng PANGINOON sa... MARCOS 9:1

Mar 9:1 At sinabi niya sa kanila, Katotohanang sinasabi ko sa inyo, May ilan sa nangakatayong ito , na hindi matitikman sa anomang paraan ang kamatayan, hanggang sa makita nila ang kaharian ng Dios na dumarating na may kapangyarihan.

Iyan mga kapatid ay kapalaran natin na manglalakbay ng mga wakas ng lupa o wakas ng panahon.

May puwang ang bawat isa sa atin, may pag-asa na abutang buhay ng PANGINOON sa Kaniyang ikalawang pagparito.

Magpakatalino tayo mga kapatid, buksan nating mabuti ang ating pang-unawa sa Salita ng DIOS na Siyang katotohanan, Salita ng Kaligtasan at Buhay na Walang Hanggan.

Ang Salitang iyan ang inihasik sa atin ng DIOS na Siyang pagkain na bumubuhay sa ating mga kaluluwa. Pakaingat tayo at magpakatalino, sapagkat si satanas man ay gumagamit rin ng Salita ng DIOS upang makapagligaw ng marami, at kung mailigaw ka na ay saka kaniya hahasikan ng kaniyang sariling binhi at iyan ay ang binhi ng kasinungalingan.

Tingnan ninyo mga kapatid sa sulat ni Evangelista Lucas sa... LUCAS 8:12

Luk 8:12 At ang mga sa tabi ng daan, ay ang nangakinig; kung magkagayo'y dumarating ang diablo, at inaalis ang salita sa kanilang puso, upang huwag silang magsisampalataya at mangaligtas.

Makiramdam kayo ngayon mga kapatid, may kasabikan ba kayong pinakikinggan at dinidinig ang Salita ng DIOS? If you say Yes, then the Holy Spirit is in you, but if not ay tinatabihan kayo ng diablo;

Sapagkat tinatalukbungan niya ang evangelio sa inyong pag-iisip upang hindi ninyo maunawa ang Salita ng Katotohanan na Siyang isinugo ng DIOS dito sa lupa; Pakinggan ninyo mga kapatid;

2CORINTO 4:3-4

2Co 4:3-4 At kung ang aming evangelio ay natatalukbungan pa, ay may talukbong sa mga napapahamak: 4 Na binulag ng dios ng sanglibutang ito ang mga pagiisip ng mga hindi nagsisisampalataya, upang sa kanila'y huwag sumilang ang kaliwanagan ng evangelio ng kaluwalhatian ni Cristo, na siyang larawan ng Dios.

Ganyan ang gawa ng diablo mga kapatid; samantalang tayo'y nakikinig ng Salita ng Katotohanan ng DIOS na inihahasik sa atin; ay pinipilit niyang talukbungan ang ating unawa at saka niya ihahasik sa atin ang binhi ng kasinungalingan na kaniyang salita;

Papaano ba naghahasik si satanas ng kaniyang binhi?

MATEO 13:24-40

Mat 13:24-40 Sinaysay niya sa kanila ang ibang talinghaga, na sinasabi, Ang kaharian ng langit ay tulad sa isang taong naghasik ng mabuting binhi sa kaniyang bukid: 25 Datapuwa't samantalang nangatutulog ang mga tao, ay dumating ang kaniyang kaaway at naghasik naman ng mga pangsirang damo sa pagitan ng trigo, at umalis. 26 Datapuwa't nang sumibol ang usbong at mamunga, ay lumitaw nga rin ang mga pangsirang damo. 27 At ang mga alipin ng puno ng sangbahayan ay nagsiparoon at nangagsabi sa kaniya, Ginoo, hindi baga naghasik ka ng mabuting binhi sa iyong bukid? saan kaya nangagmula ang mga pangsirang damo? 28 At sinabi niya sa kanila, Isang kaaway ang gumawa nito. At sinabi sa kaniya ng mga alipin, Ibig mo baga na kami nga'y magsiparoon at ang mga yao'y pagtipunin? 29 Datapuwa't sinabi niya, Huwag; baka sa pagtitipon ninyo ng mga pangsirang damo, ay inyong mabunot pati ng trigo. 30 Pabayaan ninyong magsitubo kapuwa hanggang sa panahon ng pagaani: at sa panahon ng pagaani ay sasabihin ko sa mga mangaani, Tipunin muna ninyo ang mga pangsirang damo, at inyong pagbibigkisin upang sunugin; datapuwa't tipunin ninyo ang trigo sa aking bangan. 31 Sinaysay niya sa kanila ang ibang talinghaga, na sinasabi, Ang kaharian ng langit ay tulad sa isang butil ng binhi ng mostasa, na kinuha ng isang tao, at inihasik sa kaniyang bukid: 32 Na siya ngang lalong maliit sa lahat ng mga binhi; datapuwa't nang tumubo, ay lalong malaki kay sa mga gulay, at nagiging punong kahoy, ano pa't nagsisiparoon ang mga ibon sa langit at sumisilong sa kaniyang mga sanga. 33 Sinalita niya sa kanila ang ibang talinghaga: Ang kaharian ng langit ay tulad sa lebadura, na kinuha ng isang babae, at itinago sa tatlong takal na harina, hanggang sa ito'y nalebadurahang lahat. 34 Lahat ng mga bagay na ito'y sinabi ni Jesus sa mga karamihan sa mga talinghaga; at kung hindi sa talinghaga ay hindi niya sila kinakausap: 35 Upang matupad ang sinalita sa pamamagitan ng propeta, na nagsasabi, Bubukhin ko ang aking bibig sa mga talinghaga; Sasaysayin ko ang mga natatagong bagay buhat nang itatag ang sanglibutan. 36 Nang magkagayon ay iniwan niya ang mga karamihan, at pumasok sa bahay: at sa kaniya'y nagsilapit ang kaniyang mga alagad, na nagsisipagsabi, Ipaliwanag mo sa amin ang talinghaga tungkol sa mga pangsirang damo sa bukid. 37 At siya'y sumagot at nagsabi, Ang naghahasik ng mabuting binhi ay ang Anak ng tao; 38 At ang bukid ay ang sanglibutan; at ang mabuting binhi, ay ito ang mga anak ng kaharian: at ang mga pangsirang damo ay ang mga anak ng masama; 39 At ang kaaway na naghasik ng mga ito ay ang diablo: at ang pagaani ay ang katapusan ng sanglibutan; at ang mga mangaani ay ang mga anghel. 40 Kung paano ang pagtipon sa mga pangsirang damo at pagsunog sa apoy; gayon din ang mangyayari sa katapusan ng sanglibutan.

Ganyan katalino kung lumaban ang kampon ni satanas; ang mga diablo; the angels of darkness; naghahasik rin sila at kung malinlang niya ang tao mahasikan ng binhi ng kamalian at kasinungalingan, ang tao ay mapupunta sa kapahamakan,... alalahanin natin mga kapatid, na ang hinahasikan ng diablo ay ang mga hinahasikan ng DIOS; tingnan natin ang katibayan mga kapatid sa....

MGA GAWA 5:1-5

Act 5:1-5 Datapuwa't isang lalake na tinatawag na Ananias, na kasama ng kaniyang asawang si Safira, ay nagbili ng isang pag-aari, 2 At inilingid ang isang bahagi ng halaga, na nalalaman din ito ng kaniyang asawa, at dinala ang isang bahagi, at inilagay sa mga paanan ng mga apostol. 3 Datapuwa't sinabi ni Pedro, Ananias, bakit pinuspos ni Satanas ang iyong puso upang magsinungaling sa Espiritu Santo, at upang maglingid ng isang bahagi ng halaga ng lupa? 4 Nang yao'y nananatili pa, hindi baga yao'y nanatiling iyong sarili? at nang maipagbili na, hindi baga nasa iyo ring kapangyarihan? Ano't inisip mo pa ang bagay na ito sa iyong puso? hindi ka nagsinungaling sa mga tao, kundi sa Dios. 5 At nang marinig ni Ananias ang mga salitang ito ay nahandusay at nalagot ang hininga: at sinidlan ng malaking takot ang lahat ng nangakarinig nito.

Nakita ba ninyo mga kapatid kung papaanong magtanim si satanas ng kaniyang binhi sa puso ng isang Cristiano?

Si Ananias ng taniman ng binhi ng pagdaraya at kasinungalingan ay agad na tumubo, datapuwat dagling nagbunga ng kamatayan sa mag-asawang Ananias at Safira.

Gumawa rin si satanas ng paghadlang sa mga tagapagalaga ng binhi ng DIOS sa...
1TESALONICA 2:18

1Th 2:18 Sapagka't nangagnasa kaming pumariyan sa inyo, akong si Pablo, na minsan at muli; at hinadlangan kami ni Satanas.

Hindi lang iyan mga kapatid, maging sa pagsasama ng magasawa ay nanunukso iyan! sa...
1CORINTO 7:5

1Co 7:5 Huwag magpigil ang isa't isa, maliban kung pagkasunduan sa ilang panahon, upang kayo'y mamalagi sa pananalangin, at muling kayo'y magsama, baka kayo'y tuksuhin ni Satanas dahil sa inyong kawalan ng pagpipigil.

Mayroon pang ibang aktibidad o gawain si satanas mga kapatid, at ito ay importanteng malaman ng kapatid at maging sino pa mang nagmamahal at sumasampalataya sa DIOS, ano ito na dapat nating malaman?

APOCALIPSIS 12:10

Rev 12:10 At narinig ko ang isang malakas na tinig sa langit, na nagsasabi, Ngayo'y dumating ang kaligtasan, at ang kapangyarihan, at ang kaharian ng ating Dios, at ang kapamahalaan ng kaniyang Cristo: sapagka't inihagis na ang tagapagsumbong sa ating mga kapatid na siyang sa kanila'y nagsusumbong sa harapan ng ating Dios araw at gabi.

Hindi lang iyan mga kapatid, napakaaktibo pa ng satanas na iyan mga kapatid, ating tingnan sa...
APOCALIPSIS 2:10

Rev 2:10 Huwag mong katakutan ang mga bagay na iyong malapit ng tiisin: narito, malapit ng ilagay ng diablo ang ilan sa inyo sa bilangguan, upang kayo'y masubok; at magkakaroon kayo ng kapighatiang sangpung araw. Magtapat ka hanggang sa kamatayan, at bibigyan kita ng putong ng buhay.

Mga kapatid, huwag tayong mabuhay na tila baga tayo nalang ang tao sa daigdig, alalahanin natin na hindi tayo nagiisa at saan man tayo naroroon ay hindi tayo nawawala sa paningin ng PANGINOON at gayon din naman sa paningin ng diablo na laging nakaabang sa ating mga pagkakamali, kaya ibayong pagiingat ang kailangan natin.

FILIPOS 3:2

Phi 3:2 Magsipagingat kayo sa mga aso, magsipagingat kayo sa masasamang manggagawa, magsipagingat kayo sa mga sa pagtutuli:

Alam ba ninyo mga kapatid kung bakit tayo pinagiingat ng DIOS sa mga ito?

Sapagkat sila ang kasangkapan ng diablo sa gitna ng mga trigo o maghasik ng kaguluhan sa gitna ng kapayapaan.

Alam ng DIOS ang kakayahan ng lahat Niyang nilalang ang sabi niya sa...

1CORINTO 10:13

1Co 10:13 Hindi dumating sa inyo ang anomang tukso kundi yaong matitiis ng tao: datapuwa't tapat ang Dios, na hindi niya itutulot na kayo'y tuksuhin ng higit sa inyong makakaya; kundi kalakip din ng tukso ay gagawin naman ang paraan ng pagilag, upang ito'y inyong matiis.

Papaano ba ang anyo ng ating pakikipagbaka mga kapatid?

EFESO 6:12

Eph 6:12 Sapagka't ang ating pakikibaka ay hindi laban sa laman at dugo, kundi laban sa mga pamunuan, laban sa mga kapangyarihan, laban sa mga namamahala ng kadilimang ito sa sanglibutan, laban sa mga ukol sa espiritu ng kasamaan sa mga dakong kaitaasan.

Ano ang tagubilin sa atin ng PANGINOON?
JUAN 14:1-6

Joh 14:1-6 Huwag magulumihanan ang inyong puso: magsisampalataya kayo sa Dios, magsisampalataya naman kayo sa akin. 2 Sa bahay ng aking Ama ay maraming tahanan; kung di gayon, ay sinabi ko sana sa inyo; sapagka't ako'y paroroon upang ipaghanda ko kayo ng dakong kalalagyan. 3 At kung ako'y pumaroon at kayo'y maipaghanda ng kalalagyan, ay muling paririto ako, at kayo'y tatanggapin ko sa aking sarili; upang kung saan ako naroroon, kayo naman ay dumoon. 4 At kung saan ako paroroon, ay nalalaman ninyo ang daan. 5 Sinabi sa kaniya ni Tomas, Panginoon, hindi namin nalalaman kung saan ka paroroon; paano ngang malalaman namin ang daan? 6 Sinabi sa kaniya ni Jesus, Ako ang daan, at ang katotohanan, at ang buhay: sinoman ay di makaparoroon sa Ama, kundi sa pamamagitan ko.

Mga kapatid, there is no other way of salvation but by JESUS CHRIST, He is a Real Sower of Truth that feed our soul and spirit, let us open wide our heart to receive and take the seed of life GOD sowed. Let the seed sowed of GOD bear multitude.

Gawin nating higit na matimbang ang ating buhay na panglangit kaysa kabuhayang panglupa: ang panglupa ay ating iiwan mga kapatid, ang panglangit ang ating tahanan magpakilanman...

AMEN

Ang Paglalakbay (Pilgrimage)

2006-02-19T12:39:00.000+08:00

Mga kapatid, tuwing dumarating ang unang araw ng isang linggo, ang PANGINOON ay hindi nagsasawa sa pagbibigay sa atin ng ikabubuhay ng ating mga kaluluwa, mga Salita ng DIOS na nagpapasigla at nagpapalakas ng ating mga pananampalataya; Nagbibigay liwanag sa ating pagkakilala sa Kaniya bilang ating DIOS, PANGINOON at ating AMA.

Tinuturuan Niya tayo, kung papaano tayo dapat mabuhay at makisalamuha sa sanglibutan, at kung papaano ang dapat nating ugaliin sa harap ng tao at sa harap ng DIOS.

Ang lahat ng Kaniyang Salita na ibinibigay sa atin sa pamamagitan ng evangelio na ipinasulat Niya sa Kaniyang mga Propeta, Apostol at Evangelista, ay ating pinag-aaralan na ibinibigay ng DIOS sa bawat isa sa atin, upang mula sa kamangmangan ay dalhin tayo sa kaalaman at karunungan, mula sa kadiliman ay dalhin tayo sa kaliwanagan, mula sa kamatayan ay dalhin tayo sa buhay na walang hanggan.

Kung ang mga bagay na iyan, ay nadarama natin mga kapatid, tayo ay mapalad sapagkat nasasaatin ang kapayapaan ng DIOS.

Tayo ay nabubuhay na tiwasay sa kabila ng maraming kakulangan sa ating kabuhayan.

Damahin ninyo mga kapatid, bagamat marami tayong kakulangan ay nakakatulog tayo ng payapa, tiwasay at nakapananalangin tayo sa DIOS, nakapagpapasalamat at nakapagpupuri sa Kaniya;

Nadarama ba ninyo iyan mga kapatid?

Mapalad tayo kung nadarama natin ang mga bagay na ito, sapagkat makararating tayo sa tunay nating bayan na inihanda ng DIOS mula pa ng una: Ang buhay na walang hanggan.

Subalit kung hindi natin nadarama ang bagay na iyan; at ang nasa ating puso ay kapaitan, pagdaramdam, kapanaghalian, kainggitan, pagkakampi-kampi, pagganti ng masama sa masama:

Magbulay ka kapatid, sapagkat ibang landas na ang iyong nilalakbay:

Ang lahat ng tao ay manglalakbay lamang sa sanglibutang ito, bawat isa may kanikaniyang landas na nilalakaran at patutunguhan.

Ang isang landas ay landas ng kabanalan na ang hantungan ay buhay:
Ang isa ay landas ng kasalanan na hantungan ay kamatayan:
Ang dalawang landas na iyan ang dinadaanan ng tao:
Landas na patungo sa Bayang Banal:
Landas na patungo sa Bayang Parusahan, Bayan ng apoy na hindi namamatay:
Mga kapatid, tayo'y manglalakbay lamang at nakikipamayan lamang sa sanglibutang ito:

Kung gaano katagal tayong maglalakbay dito ay DIOS lamang ang nakakaalam.

Tingnan ninyo ang katibayan na mula't sapol ay nakikipamayan lamang ang tao dito sa lupa.

GENESIS 47:9

Gen 47:9 At sinabi ni Jacob kay Faraon, Ang mga araw ng mga taon ng aking pakikipamayan ay isang daan at tatlong pung taon; kaunti at masasama ang mga naging araw ng mga taon ng aking buhay, at hindi umabot sa mga araw ng mga taon ng buhay ng aking mga magulang sa mga araw ng kanilang pakikipamayan.

Alam ni Jacob na lingkod ng DIOS na ang kaniyang mga magulang, si Isaac, Abraham, Tare na kaniyang mga ninuno, ay nakipamayan rin sa sanglibutang ito, at bagamat sila ng kaniyang mga anak ay binigyan ng kanilang sariling lupain sa Egipto na pinakamagandang lupain, ang Gosen; na mataba at masaganang taniman, ay alam pa rin niya na sila ay nakikipamayan lamang kahit alam niya na doon na siya malilibing.

Ang pakikipamayang iyan mga kapatid ay alam ng lahat na lingkod ng PANGINOON kahit na ano pa ang iyong kalagayan sa buhay maging hamak ka man o dakila.

Tingnan natin mga kapatid ang Salmo o ....
MGA AWIT 119:54-55

Psa 119:54-55 Ang iyong mga palatuntunan ay naging aking mga awit sa bahay ng aking pangingibang bayan. 55 Aking inalaala sa gabi ang pangalan mo, Oh Panginoon, at sinunod ko ang iyong kautusan.

Sa ating paglalakbay at pakikipamayan, anong halimbawa ang naiisip ninyo sa pagsunod sa kautusan ng ating PANGINOONG DIOS upang ang maging direksyon ng ating paglalakbay ay sa Kaniyang Kaharian at hindi sa Kaparusahan:

Sa LUCAS 10:30-35 ganito ang sinasabi umpisahan natin sa 25 hanggang 37
LUCAS 10:25-37

Luk 10:25-37 At narito, ang isang tagapagtanggol ng kautusan ay nagtindig at siya'y tinutukso, na sinasabi, Guro, anong aking gagawin upang magmana ng walang hanggang buhay? 26 At sinabi niya sa kaniya, Ano ang nasusulat sa kautusan? ano ang nababasa mo? 27 At pagsagot niya'y sinabi, Iibigin mo ang Panginoon mong Dios ng buong puso mo, at ng buong kaluluwa mo, at ng buong lakas mo, at ng buong pagiisip mo; at ang iyong kapuwa na gaya ng iyong sarili. 28 At sinabi niya sa kaniya, Matuwid ang sagot mo: gawin mo ito, at mabubuhay ka. 29 Datapuwa't siya, na ibig magaringganap sa kaniyang sarili, ay nagsabi kay Jesus, At sino ang aking kapuwa tao? 30 Sumagot si Jesus at sinabi, Isang tao'y bumababa sa Jerico na mula sa Jerusalem; at siya'y nahulog sa kamay ng mga tulisan, na sa kaniya'y sumamsam at sa kaniya'y humampas, at nagsialis na siya'y iniwang halos patay na. 31 At nagkataong bumababa sa daang yaon ang isang saserdote; at nang makita siya ay dumaan sa kabilang tabi. 32 At sa gayon ding paraan ang isang Levita naman, nang dumating siya sa dakong yaon, at makita siya, ay dumaan sa kabilang tabi. 33 Datapuwa't ang isang Samaritano, sa kaniyang paglalakbay, ay dumating sa kinaroroonan niya: at nang siya'y makita niya, ay nagdalang habag, 34 At lumapit sa kaniya, at tinalian ang kaniyang mga sugat, na binuhusan ng langis at alak; at siya'y isinakay sa kaniyang sariling hayop, at dinala siya sa bahay-tuluyan, at siya'y inalagaan. 35 At nang kinabukasa'y dumukot siya ng dalawang denario, at ibinigay sa katiwala ng bahay-tuluyan , at sinabi, Alagaan mo siya, at ang anomang magugol mong higit, ay aking pagbabayaran sa iyo pagbabalik ko. 36 Sino sa tatlong ito, sa akala mo, ang nagpakilalang kapuwa tao sa nahulog sa kamay ng mga tulisan? 37 At sinabi niya, Ang nagkaawanggawa sa kaniya. At sinabi sa kaniya ni Jesus, Humayo ka, at gayon din ang gawin mo.

May isang hiwaga na natago sa parabulang ito ng ating PANGINOONG JESUCRISTO:
Ano ito?

Ating kilalanin natin ang mga tauhan ng salaysay na ito.

UNA : Isang taong bumaba sa Jerico mula sa Jerusalem:
PANGALAWA : Isang saserdoteng umiwas sa pagtulong:
PANGATLO : Isang Levitang umiwas sa pagtulong:
PANGAPAT : Isang Samaritano ang naawang tumulong:
Ang Jerusalem ay Bayang Banal:

Ang Jerico ay Makasalanang Bayan na nakukutaan ng makapal na pader ng tanggulan na winasak ng kapangyarihan ng DIOS sa pamamagitan ng Kaniyang lingkod na si Josua.

Ang Saserdote ay tagapaglingkod sa dambana ng DIOS.

Ang Levita ay ang angkan ng Israel na pinagbubuhatan ng mga saserdote.

Ang Samaritano ay Bayang walang halaga sa paningin ng PANGINOON.

Ang pangyayari sa mga tauhan ng salaysay ay nasa tagpo ng paglalakbay:

Ang taong mula sa Jerusalem ay papuntang Jerico ay nilapastangan ng tulisan at iniwang halos walang buhay, na ng makita ng mga taong naglilingkod sa DIOS ay hindi pinansin gayong sila ang may kautusan, at ang taong walang anoman sa DIOS ang nagpakita ng awa na siyang nagalaga at nagpagaling.

Nakuha ba ninyo mga kapatid ang talinghaga ng salitang ito ng ating PANGINOONG JESUCRISTO?

Isimple natin ang pangyayari:

Ang Jerusalem ay ang langit, ang Jerico ay ang lupa, ang taong mula sa Jerusalem papuntang Jerico ay ang Salita ng DIOS na mula sa langit ay isinugo Niya sa lupa, at ng naglalakbay na ang Salitang ito ng DIOS upang mangaral at ipaalam sa mga taong kayo'y manglalakbay lamang sa sanglibutang ito... Ito'y pinaslang ng aral na nauna sa Kaniya ng mga saserdote at mga levita, eskriba at pariseo na ito ang sinabi ng PANGINOON sa...

JUAN 10:8

Joh 10:8 Ang lahat ng nangauna sa aking nagsiparito ay mga magnanakaw at mga tulisan: datapuwa't hindi sila dininig ng mga tupa.

Ang mga tumangkilik at nagpalakas sa Salitang ito na pinaslang ng mga tulisan at magnanakaw ay ang ka-Cristianuhan na sinabi ni Apostol Pedro sa...

1PEDRO 2:10

1Pe 2:10 Na nang nakaraang panahon ay hindi bayan, datapuwa't ngayo'y bayan ng Dios: na hindi nagsipagkamit ng awa, datapuwa't ngayo'y nagsipagkamit ng awa.

Isang aral parin ang nais ipahiwatig sa atin ng DIOS na sa ating paglalakbay ay kailangang magsigawa tayo ng kabanalan, sapagkat ang kabanalang iyan ang pagkain ng ating mga kaluluwa na siyang magpapalakas ng ating pananampalataya upang makarating tayo sa bayang inihanda ng DIOS sa atin mula pa ng una.

Huwag tayong manghinayang sa halaga ng ating maitutulong sa ating kapuwa at higit sa gawain ng DIOS sa ikahahayag ng Kaniyang Salita na isinugo Niya sa lupa, sapagkat kung ating panghihinayangan at iiwasan ang pagtulong mga kapatid, ay wala tayong pagkakaiba sa saserdoteng umiba ng daan ng makita ang taong nag-aagaw buhay na gayon din ang ginawa ng isang levita; tularan natin ang Samaritano na ng dahil sa pagibig sa kapwa ay gumugol ng salapi, oras at panahon matulungan lamang ang nangangailangan: Gaano pa kaya kung ang pangangailangan ng Salita ng DIOS na Kaniyang isinugo ang ating tulungan ng may boong pagibig at kakayahan.

Bakit boong kakayahan mga kapatid?

Ano ang sabi ni Apostol Pablo sa...
2CORINTO 11:26

2Co 11:26 Sa mga paglalakbay ay madalas, sa mga kapanganiban sa mga ilog, sa mga kapanganiban sa mga tulisan, sa mga kapanganiban sa aking mga kababayan, sa mga kapanganiban sa mga Gentil, sa mga kapanganiban sa bayan , sa mga kapanganiban sa mga ilang, sa mga kapanganiban sa dagat, sa mga kapanganiban sa gitna ng mga bulaang kapatid;

Ano bang kapanganiban ang sinasabing ito ni Apostol Pablo?

Kapag binanggit kasi ang kapanganiban mga kapatid ay sumasaisip agad natin ang pagiingat sa ating katawan na huwag masaktan o mapinsala.

Ano ang sinasabi ni Apostol Pedro tungkol dito?
1PEDRO 2:11

1Pe 2:11 Mga minamahal, ipinamamanhik ko sa inyong tulad sa mga nangingibang bayan at nagsisipaglakbay, na kayo'y magsipagpigil sa mga masamang pita ng laman, na nakikipaglaban sa kaluluwa;

Iyan mga kapatid ang kapanganiban sa ating mga paglalakbay dito sa sanglibutan, ang mga pita ng laman. Ito ang pinakamapanganib na kapahamakan at ating kaaway, ang kapanganiban ng ating katawan mga kapatid ay madali nating naiiwasan sapagkat alam natin ang sakit at kahirapan nito.

Ang pinakamapanganib na kapahamakan ay ang pita ng laman, sapagkat hindi ito iniiwasan ng marami kundi hinahanap pa ng iba, pinaggugugulan ng panahon at salapi masunod lamang ang masasamang pitang ito na laman na kung makamit nila ang mga pitang ito tila baga itinuturing nilang tagumpay sapagkat nakadama sila ng sarap at kasiyahan.

Mga kapatid, sa ating paggiging manglalakbay, tayo ay mayroon ding pakikibaka, ngunit para ano ba ang ating pakikipagbaka?

EFESO 6:12

Eph 6:12 Sapagka't ang ating pakikibaka ay hindi laban sa laman at dugo, kundi laban sa mga pamunuan, laban sa mga kapangyarihan, laban sa mga namamahala ng kadilimang ito sa sanglibutan, laban sa mga ukol sa espiritu ng kasamaan sa mga dakong kaitaasan.

Ganyan din naman ang nararapat nating gawin mga kapatid, ang pagpipigil natin sa ating sarili ang pinakamataas na antas ng ating pakikipagbaka na ukol sa espiritu ng kasamaan sa mga dakong kaitaasan; kaya nga ang sabi sa...

HEBREO 11:13

Heb 11:13 Ayon sa pananampalataya ay nangamatay ang lahat ng mga ito, na hindi kinamtan ang mga pangako, nguni't kanilang nangakita na natanaw mula sa malayo, at kanilang ipinahayag na sila'y pawang taga ibang bayan at manglalakbay sa ibabaw ng lupa.

Kaya dapat na tayo'y maging maingat, mapagpigil, mapagbigay, mapagunawa at mapagkumbaba na iyan ay napakamakapangyarihang sandata na ipinagagamit sa atin ng PANGINOON na hindi Siya humihiwalay sa mga bagay na ito.

AMEN

Ang kulungan (Fold)

2006-02-18T11:38:00.000+08:00

Mga kapatid, kapag naririnig ninyo na ang katagang kulungan, ano ang pumapasok sa inyong isipan?

Siguro ang iisipin ninyo ay bilangguan o piitan na kaya inilalagay ang tao rito ay para maparusahan sa nagawang kasalanan, hindi ba mga kapatid?

Hindi ang kulungang ito ang ating pag-aaralan, Hindi Jail o Prison, kundi ang kulungang ating pagaaralan ay ang kural, kung sa mga hayop, cage kung sa ibon, crib kung sa bata, na kung sa ingles ay "Fold", kulungan ng mga tupa (Sheepfold) ibig sabihin mga kapatid alagaan, hindi parusahan.

Nakakita na ba kayo ng Love Bird mga kapatid? I am sure your answer is yes is'nt? Di ba mga kapatid? Pero may itatanong ako sa inyo na alam kung ang isasagot niyo ay No, Hindi.

Bakit? Anong tanong ba ang itatanong ko? Nakakita na ba kayo ng Love Bird na lumilipad ng boong laya sa himpapawid na tulad ng mga Maya na nakikita natin na nagsisidapo sa mga sanga ng punong kahoy sa mga daan at mga bubungan lalo na kung panahon ng tagaraw? Di ba wala mga kapatid?

Alam ninyo mga kapatid, Ang point of origin ng mga Love Birds maging saan mang bansa ng Asia, ay ang mga virgin forest or Jungle, at dahil sa mapakialaming gawa ng mga tao ay pinangahasang pasukin yaon at hinuhuli. Ang lahat ng maaaring pakinabangan at kasama na nga doon ang Love Bird, na ginagawa na ngang alagain sa ngayon; at sa panahon ngayon, ang mga Love Bird na inyong nakikita at naaalagaan ay tubo nalang sa kulungan at hindi na sila naghahanap ng makakain at tubig na maiinum.

Siguro mga kapatid maitatanong ninyo sa akin kung bakit ko sinasabi sa inyo ang bagay na ito, bakit mga kapatid?

Sapagkat isang bagay ang nakita ko, na ang kanilang buhay ay nasa loob ng kulungan na kapag sila ay nakalabas o nakakawala sa loob ng kulungan, ang kahulugan noon sa kanila ay kamatayan.

Bakit naging kamatayan para sa kanila? Sapagkat ang kanilang iniwanan ay hindi ang kulungan, kundi ang pagkain at ang tubig na inumin na idinudulot ng kanilang tagapagalaga, bakit ko nasabi ito mga kapatid?

Sapagkat napatunayan ko ang mga ito mga kapatid, noon ay nagalaga ako ng maraming Love Bird sa isang malaking kulungan.

Kinuha ko ang isa sa kanila at nilagyan ko ng singsing ang kaniyang paa, matapos kong mailagay ang singsing; Siya ay pinawalan ko at sinabi ko pa nga na sige malaya kana at kung magkita tayong muli ay makikilala kita dahil sa singsing.

Lumipas ang isang linggo, naglalakad ako noon sa Baywalk sa area ng Folk Art Theater ng may namataan akong isang patay na ibon na sa palagay ko ay kamamatay lang at payat na payat nakilala ko siya sapagkat siya ang Love Bird na nilagyan ko ng singsing sa paa.

Bakit ko ba ikinikwento sa inyo ito mga kapatid? Sapagkat naaalala ko ang kalagayan natin sa harap ng PANGINOON.

Tayo'y inaalagaan ng PANGINOON sa araw-araw ng ating mga buhay; Pagkain, Tubig at Damit at lahat nating pangangailangan ay ipinagkakaloob Niya sa atin, maging Karunungan at mga Kaalaman.

Tingnan ninyo kung papaano tayo tinuturuan ng DIOS bilang bahagi ng Kaniyang pagaalaga sa atin.

Ang sabi ng ating PANGINOONG JESUCRISTO sa...
MATEO 6:9-13

Mat 6:9-13 Magsidalangin nga kayo ng ganito: Ama namin na nasa langit ka, Sambahin nawa ang pangalan mo. 10 Dumating nawa ang kaharian mo. Gawin nawa ang iyong kalooban, kung paano sa langit, gayon din naman sa lupa. 11 Ibigay mo sa amin ngayon ang aming kakanin sa araw-araw. 12 At ipatawad mo sa amin ang aming mga utang, gaya naman namin na nagpatawad sa mga may utang sa amin. 13 At huwag mo kaming ihatid sa tukso, kundi iligtas mo kami sa masama. Sapagka't iyo ang kaharian, at ang kapangyarihan, at ang kaluwalhatian, magpakailan man. Siya nawa.

Iyan mga kapatid ang tinuturo sa atin ng PANGINOON, kung papaano natin hahanapin ang ating mga pangangailangan sa araw-araw, hingin natin sa Kaniya at ating masusumpungan ang mga yaon.

Tunay na tayo ay inaalagaan ng DIOS mga kapatid at Siyang nagbibigay ng lahat nating pangangailangan, humingi ka lamang at iyong hanapin, gumawa ka, huwag mong isiping susubuan ka pa ng DIOS na parang musmos.

Tulad ng kung tayo ay nagaalaga ng ibon na nilalagyan natin ng tubig at pagkain sa kulungan at pinupuntahan ng ibon ang ating pinaglalagyan upang sila ay makakain at makainum.

Tayo mga kapatid ay inihahalintulad ng DIOS sa mga tupa na inaalagaan sa Kaniyang pastulan, may kulungan ang PANGINOON upang doon Niya tipunin at alagaan ang Kaniyang mga tupa.

Ang sabi sa JUAN 10:16

Joh 10:16 At mayroon akong ibang mga tupa, na hindi sa kulungang ito: sila'y kailangan din namang dalhin ko, at kanilang diringgin ang aking tinig; at sila'y magiging isang kawan, at magkakaroon ng isang pastor.

Mga kapatid ang kulungang ito ay may Isang Pastor lamang, at ang Pastor ding ito ang Siya ring gumawa ng kulungan ng Kaniyang mga tupa, upang kapag nasumpungan Niya ang mga nawaglit ay dadalhin Niya sa kulungang ito.

Dito sa loob ng kulungang ito pinakakain Niya ang Kaniyang mga tupa. Sinomang mabuting pastor ay hindi naglalagay ng pagkain ng kaniyang mga tupa sa labas ng kulungan o pastulan. Kaya kapag lumabas ng kulungan ang isang tupa ay agad na hinahanap ito ng kaniyang pastor sapagkat kapahamakan ang naghihintay sa tupang nasasalabas ng kulungan.

Tingnan natin at basahin ang mga talatang ito ng banal na kasulatan mga kapatid, sapagkat magbibigay sa atin ng kaalaman at karunungan.

JUAN 10:1-15

Joh 10:1-15 Katotohanan, katotohanang sinasabi ko sa inyo, Ang pumapasok sa hindi pintuan ng kulungan ng mga tupa kundi umaakyat sa ibang daan, ang gayon ay tulisan at magnanakaw. 2 Datapuwa't ang pumapasok sa pintuan ay siyang pastor ng mga tupa. 3 Binubuksan siya ng bantaypinto; at dinirinig ng mga tupa ang kaniyang tinig: at tinatawag ang kaniyang sariling mga tupa sa pangalan, at sila'y inihahatid sa labas. 4 Pagka nailabas na niya ang lahat ng sariling kaniya, ay pinangungunahan niya sila, at nagsisisunod sa kaniya ang mga tupa: sapagka't nakikilala nila ang kaniyang tinig. 5 At sa iba'y hindi sila magsisisunod, kundi magsisitakas sa kaniya: sapagka't hindi nila nakikilala ang tinig ng mga iba. 6 Sinalita ni Jesus sa kanila ang talinghagang ito: datapuwa't hindi nila napagunawa kung anong mga bagay ang sa kanila'y sinasalita. 7 Muli ngang sinabi sa kanila ni Jesus, Katotohanan, katotohanang sinasabi ko sa inyo, Ako ang pintuan ng mga tupa. 8 Ang lahat ng nangauna sa aking nagsiparito ay mga magnanakaw at mga tulisan: datapuwa't hindi sila dininig ng mga tupa. 9 Ako ang pintuan; ang sinomang taong pumasok sa akin, ay siya'y maliligtas, at papasok at lalabas, at makasusumpong ng pastulan. 10 Hindi pumaparito ang magnanakaw, kundi upang magnakaw, at pumatay, at pumuksa: ako'y naparito upang sila'y magkaroon ng buhay, at magkaroon ng kasaganaan nito. 11 Ako ang mabuting pastor: ibinibigay ng mabuting pastor ang kaniyang buhay dahil sa mga tupa. 12 Ang nagpapaupa, at hindi ang pastor, na hindi may-ari ng mga tupa, ay nakikitang dumarating ang lobo, at pinababayaan ang mga tupa, at tumatakas, at inaagaw sila ng lobo, at pinapangangalat: 13 Siya'y tumatakas sapagka't siya'y upahan, at hindi ipinagmamalasakit ang mga tupa. 14 Ako ang mabuting pastor; at nakikilala ko ang sariling akin, at ang sariling akin ay nakikilala ako, 15 Gaya ng pagkakilala sa akin ng Ama, at ng sa Ama ay pagkakilala ko; at ibinibigay ko ang aking buhay dahil sa mga tupa.

Mga kapatid tayo'y mga tupang inaalagaan ng DIOS, Hindi katulad ng Love Bird na kapag lumabas ng kulungan ay namamatay dahil sa kawalan ng masumpungan ng pagkain o kawalan ng magbibigay ng pagkain. Namamatay kahit walang maninila, ang tupa mga kapatid kahit nasa loob ng kulungan ay nakapag-aanyo pang pastor ng mga tupa, kaya tayo ay pinag-iingat ng PANGINOON ang sabi Niya sa...

MATEO 7:15

Mat 7:15 Mangagingat kayo sa mga bulaang propeta, na nagsisilapit sa inyo na may damit tupa, datapuwa't sa loob ay mga lobong maninila.

Ano pa ang dagdag ni Apostol Pedro sa...
1PEDRO 2:25

1Pe 2:25 Sapagka't kayo'y gaya ng mga tupang nangaliligaw; datapuwa't ngayon ay nangabalik kayo sa Pastor at Obispo ng inyong mga kaluluwa.

Sapagkat tayo'y gaya ng tupang pag-aari ng PANGINOON bago Siya umakyat sa langit ay pinagtagubilinan Niya ang Kaniyang Apostol na si Apostol Pedro.

JUAN 21:14-17

Joh 21:14-17 Ito'y ang ikatlong pagpapakita ni Jesus sa mga alagad, pagkatapos na siya'y magbangon sa mga patay. 15 Kaya't nang mangakapagpawing gutom sila, ay sinabi ni Jesus kay Simon Pedro, Simon, anak ni Juan, iniibig mo baga ako ng higit kay sa mga ito? Sinabi niya sa kaniya, Oo, Panginoon; nalalaman mo na kita'y iniibig. Sinabi niya sa kaniya, Pakanin mo ang aking mga kordero. 16 Sinabi niya sa kaniyang muli sa ikalawa, Simon anak ni Juan, Iniibig mo baga ako? Sinabi niya sa kaniya, Oo, Panginoon; nalalaman mo na kita'y iniibig. Sinabi niya sa kaniya, Alagaan mo ang aking mga tupa. 17 Sinabi niya sa kaniya sa ikatlo, Simon, anak ni Juan, Iniibig mo baga ako? Nalumbay si Pedro sapagka't sa kaniya'y sinabing makaitlo, Iniibig mo baga ako? At sinabi niya sa kaniya, Panginoon, nalalaman mo ang lahat ng mga bagay; nalalaman mo na kita'y iniibig. Sinabi sa kaniya ni Jesus, Pakanin mo ang aking mga tupa.

Ganyang kadakila ang Pag-ibig at Pagmamahal ng DIOS sa mga tupa na nasa Kaniyang kulungan, ibinibigay ng mabuting Pastor ang Kaniyang buhay dahil sa mga tupa, kaya ang sabi ng PANGINOON sa...

HEBREO 13:20-21

Heb 13:20-21 Ngayon ang Dios ng kapayapaan na muling nagdala mula sa mga patay sa dakilang pastor ng mga tupa sa pamamagitan ng dugo ng walang hanggang tipan, sa makatuwid baga'y ang Panginoon nating si Jesus, 21 Ay pakasakdalin nawa niya kayo sa bawa't mabuting gawa upang gawin ang kanyang kalooban, na gawin sa atin ang nakalulugod sa paningin niya, sa pamamagitan ni Jesucristo; na mapasa kaniya nawa ang kaluwalhatian magpakailan man. Siya nawa.

Manatili tayo sa Kaniyang kulungan, upang magawa natin ang mabubuting gawa na Siya Niyang kalooban, at gawin naman Niya sa atin ang nakalulugod sa Kaniyang paningin; na iyan mga kapatid ay ito.

MATEO 25:32-41

Mat 25:32-41 At titipunin sa harap niya ang lahat ng mga bansa: at sila'y pagbubukdinbukdin niya na gaya ng pagbubukodbukod ng pastor sa mga tupa at sa mga kambing; 33 At ilalagay niya ang mga tupa sa kaniyang kanan, datapuwa't sa kaliwa ang mga kambing. 34 Kung magkagayo'y sasabihin ng Hari sa nangasa kaniyang kanan, Magsiparito kayo, mga pinagpala ng aking Ama, manahin ninyo ang kahariang nakahanda sa inyo buhat nang itatag ang sanglibutan: 35 Sapagka't ako'y nagutom, at ako'y inyong pinakain; ako'y nauhaw, at ako'y inyong pinainom; ako'y naging taga ibang bayan, at inyo akong pinatuloy; 36 Naging hubad, at inyo akong pinaramtan; ako'y nagkasakit, at inyo akong dinalaw; ako'y nabilanggo, at inyo akong pinaroonan. 37 Kung magkagayo'y sasagutin siya ng mga matuwid, na mangagsasabi, Panginoon, kailan ka namin nakitang nagutom, at pinakain ka namin? o nauuhaw, at pinainom ka? 38 At kailan ka naming nakitang isang taga ibang bayan, at pinatuloy ka? o hubad, at pinaramtan ka? 39 At kailan ka namin nakitang may-sakit, o nasa bilangguan, at dinalaw ka namin? 40 At sasagot ang Hari at sasabihin sa kanila, Katotohanang sinasabi ko sa inyo, Yamang inyong ginawa sa isa dito sa aking mga kapatid, kahit sa pinakamaliit na ito, ay sa akin ninyo ginawa. 41 Kung magkagayo'y sasabihin naman niya sa mga nasa kaliwa, Magsilayo kayo sa akin, kayong mga sinumpa, at pasa apoy na walang hanggan na inihanda sa diablo at sa kaniyang mga anghel:

Ang pakikinig ng Salita ng DIOS at paggawa ng mga bagay na sinasabi ng Salita, ang Tunay na Pagkain ng ating mga kaluluwa na maghahatid sa atin sa piling ng DIOS na Buhay na Walang Hanggan, at iyan mga kapatid ay makakamit natin sa pananatili sa kulungan ng DIOS.

Sa labas ng kulungan ng DIOS ay walang buhay na walang hanggan kundi walang hanggang paghihirap na kasama ng diablo at ng kaniyang mga anghel.

Mga kapatid ang pagkakataong ipinagkakaloob ng DIOS sa paggawa ng kabanalan ay hindi na babalik pa kung lilipas sa atin ng walang gawa, samantalahin natin ang pagkakataong ipinagkakaloob ng DIOS sapagkat walang halagang matatapat dito, Mapasaiyo man ang daigdig at mawawalan ka naman ng buhay.

Magpakasipag tayo mga kapatid;
Magpakalakas, Magpakasigla, Magpakatibay

AMEN

Del.icio.us : gamba123

Ang paghahandog at pagaabuloy

2006-02-17T08:26:00.000+08:00

Mga kapatid, ang lahat ng taong nabubuhay sa ibabaw ng sanglibutan ay nakikilala sa taglay niyang kalagayan at kakayahan, at ang bawat tao ay may kaniya-kaniyang antas ng pagkilala sa kaniyang kapuwa, kung sino ang hamak at kung sino ang dakila, kung sino ang mangmang at sino ang pantas, kung sino ang mailap o maamo, kung sino ang matulungin at kung sino ang maramot, datapuwat iisa lang ang nakakaalam ng katotohanan sa mga bagay na iyan.

At iyan ang PANGINOON, siya ang nakakakilala kung ang isang tao ay mangmang o matalino, mayaman o mahirap, maamo o mailap, matulungin o maramot, banal o makasalanan. Sapagkat Siya lamang ang magpapasiya kung karapat-dapat sa Kaniya ang sinoman o hindi.

Ating tunghayan at pag-aralan ang talatang ito ng banal na kasulatan:

MARCOS 12:41-44

Mar 12:41-44 At umupo siya sa tapat ng kabang-yaman, at minasdan kung paanong inihuhulog ng karamihan ang salapi sa kabang-yaman: at maraming mayayaman ang nangaghuhulog ng marami. 42 At lumapit ang isang babaing bao, at siya'y naghulog ng dalawang lepta, na ang halaga'y halos isang beles. 43 At pinalapit niya sa kaniya ang kaniyang mga alagad, at sinabi sa kanila, Katotohanang sinasabi ko sa inyo, Ang dukhang baong babaing ito, ay naghulog ng higit kay sa lahat ng nangaghuhulog sa kabang-yaman: 44 Sapagka't silang lahat ay nagsipaghulog ng sa kanila'y labis; datapuwa't siya sa kaniyang kasalatan ay inihulog ang buong nasa kaniya, sa makatuwid baga'y ang buong kaniyang ikabubuhay.

Alam na natin na mula kay Cain at kay Abel nagsimula ang paghahandog sa PANGINOON, at kay nunong Noe pagkatapos ng bahang gumunaw sa mundo, at si Abraham ay pinapaging sakdal ng PANGINOON dahil sa paghahandog niya kay Isaac sa DIOS.

Si Jacob na anak ni Isaac ng maglakbay sa ilang upang mag-asawa kay Raquel sa kaniyang
paglalakbay sa ilang ay nangako sa DIOS sa...

GENESIS 28:20-22

Gen 28:21-22 Na ano pa't ako'y makabalik na payapa sa bahay ng aking ama, ay ang Panginoon nga ang magiging aking Dios, 22 At ang batong ito na aking itinayo na pinakaalaala ay magiging bahay ng Dios; at sa lahat ng ibigay mo sa akin ay walang pagsalang ang ikasangpung bahagi ay ibibigay ko sa iyo.

Ano ang batong ito na itinayo ni Jacob noong siya ay nasa ilang na sinabi niyang magiging bahay ng DIOS na pinagpanataan niya ng ika-sampung bahagi ng lahat niyang tinatanggap?

Ano ang sinasabi ni Apostol Pedro sa mga bagay na ito?

1PEDRO 2:4-9

1Pe 2:4-9 Na kayo'y magsilapit sa kaniya, na isang batong buhay, na sa katotohana'y itinakuwil ng mga tao, datapuwa't sa Dios ay hirang, mahalaga, 5 Kayo rin naman, na gaya ng mga batong buhay, ay natatayong bahay na ukol sa espiritu, upang maging pagkasaserdoteng banal, upang maghandog ng mga hain na ukol sa espiritu, na nangakalulugod sa Dios sa pamamagitan ni Jesucristo. 6 Sapagka't ito ang nilalaman ng kasulatan, Narito, aking inilalagay sa Sion ang isang batong panulok na pangulo, hirang mahalaga: At ang sumasampalataya sa kaniya ay hindi mapapahiya. 7 Sa inyo ngang nangananampalataya, siya'y mahalaga: datapuwa't sa hindi nangananampalataya, Ang batong itinakuwil ng nagsisipagtayo ng bahay Siyang naging pangulo sa panulok; 8 At, Batong katitisuran, at bato na pangbuwal; Sapagka't sila ay natitisod sa salita, palibhasa'y mga suwail: na dito rin naman sila itinalaga, 9 Datapuwa't kayo'y isang lahing hirang, isang makaharing pagkasaserdote, bansang banal, bayang pag-aaring sarili ng Dios , upang inyong ipahayag ang mga karangalan niyaong tumawag sa inyo mula sa kadiliman, hanggang sa kaniyang kagilagilalas na kaliwanagan:

Ngayon mga kapatid, alam na ba ninyo kung anong bato ang itinayo ni Jacob sa ilang na naging bahay ng DIOS? Iyan mga kapatid ang sinabi niya na...

"at sa lahat ng ibigay mo sa akin ay walang pagsalang ang ikasangpung bahagi ay ibibigay ko sa iyo"

" and of all that thou shalt give me I will surely give the tenth unto thee"

Kaya sinabi sa 1PEDRO 5:2

1Pe 5:2 Pangalagaan ninyo ang kawan ng Dios na nasa inyo, na magsigamit kayo ng pagpupuno, na hindi sapilitan, kundi may kasayahan, na ayon sa kalooban ng Dios; ni hindi dahil sa mahalay na kapakinabangan, kundi sa handang pagiisip;

Kung ang mga bagay na ito ay ating ginagawa mga kapatid ay tunay na madarama natin na ang DIOS ay nananahan sa atin sapagkat sa ganitong bagay ay napaparangal natin ang PANGINOON, tulad ng sinasabi sa...

KAWIKAAN 3:9-10

Pro 3:9-10 Parangalin mo ang Panginoon ng iyong tinatangkilik, at ng mga unang bunga ng lahat mong ani: 10 Sa gayo'y mapupuno ang iyong mga kamalig ng sagana, at ang iyong mga alilisan ay aapawan ng bagong alak.

Mga kapatid, tayo ay hindi nakikinig ng salitang kinatha lamang ng ating sariling karunungan o kaalaman; ang mga pananalitang ating naririnig ay Salita ng DIOS na ating binabasa sa Kaniyang Evangelio.

At ang mga Salitang ito ng DIOS na ating naririnig ngayon ay Siyang sasaksi sa atin sa harap ng DIOS kung Siya ay ating ginanap o hindi at Siya ring magdadala sa atin sa dakong nararapat nating kalagyan kung sa paraiso o sa impierno.

Ano pa ang sinasabi sa mga taga...
HEBREO 13:15-16

Heb 13:15-16 Sa pamamagitan nga niya ay maghandog tayong palagi ng hain ng pagpupuri sa Dios, sa makatuwid baga, ay ng bunga ng mga labi na nagpapahayag ng kaniyang pangalan. 16 Datapuwa't ang paggawa ng mabuti at ang pagabuloy ay huwag ninyong kalimutan: sapagka't sa mga gayong hain ang Dios ay totoong nalulugod.

Sa katotohanan mga kapatid kung tayo lamang ay gaganap ng mga bagay na ito na may kagalakan sa ating puso. Ito ang aariing ganap sa atin sa harap ng PANGINOON.

Sabi ni Apostol SANTIAGO 2:21

Jam 2:21 Hindi baga ang ating amang si Abraham ay inaring ganap sa pamamagitan ng mga gawa, dahil sa kaniyang inihain si Isaac na kaniyang anak sa ibabaw ng dambana?

At sa HEBREO 11:4

Heb 11:4 Sa pananampalataya si Abel ay naghandog sa Dios ng lalong mabuting hain kay sa kay Cain, sa pamamagitan nito'y sinaksihan sa kaniyang siya'y matuwid, na nagpapatotoo ang Dios tungkol sa kaniyang mga kaloob: at sa pamamagitan nito patay na siya ay nagsasalita pa.

Mga kapatid maging mapagsiyasat tayo sa ating sarili, sa ating mga ginagawa, sapagkat lahat ng gawain ay may kaniya-kaniyang antas ng kalagayan.

Ang unang antas ng paggawa ng kabanalan ay ang pakikinig, at sa pakikinig nagmumula ang pananampalataya at kung ikaw ay mayroon ng pananampalataya, ang susunod na antas ay ang pagtanggap, ano ang iyong tatanggapin?

Ang mga palatuntunan ng DIOS na iyong sinampalatayanan, at kung iyo nang matanggap, ang susunod na antas ay ang pagganap o paggawa upang magbunga, sapagkat ang pananampalatayang walang gawa ay patay.

At alam natin na sa lahat ng gawain ay may kailangan upang makagalaw, makayari at magbunga.

Ano ito mga kapatid?
LUCAS 6:38

Luk 6:38 Mangagbigay kayo, at kayo'y bibigyan; takal na mabuti, pikpik, liglig, at umaapaw, ay ibibigay nila sa inyong kandungan. Sapagka't sa panukat na inyong isukat ay doon kayo muling susukatin.

Sa 2CORINTO 9:5-9

2Co 9:5-9 Iniisip ko ngang kailangang ipamanhik sa mga kapatid, na mangaunang pumariyan sa inyo, at ihanda agad ang inyong abuloy na ipinangako nang una, upang ito'y maihanda na gaya ng abuloy, at hindi gaya ng sapilitan. 6 Datapuwa't sinasabi ko , Ang naghahasik ng bahagya na ay magaani namang bahagya na; at ang naghahasik na sagana ay magaani namang sagana. 7 Magbigay ang bawa't isa ayon sa ipinasiya ng kaniyang puso: huwag mabigat sa loob, o dahil sa kailangan: sapagka't iniibig ng Dios ang nagbibigay na masaya. 8 At maaaring gawin ng Dios na ang lahat ng biyaya ay magsisagana sa inyo; upang kayo, na mayroong laging buong kaya sa lahat ay magsipanagana sa bawa't mabuting gawa: 9 Gaya ng nasusulat, Siyang nagsabog, siyang nagbigay sa mga dukha; Ang kaniyang katuwiran ay nananatili magpakailan man.

Ito mga kapatid ay gawang tinitignan ng DIOS sa bawat isa sa atin, walang natatanging sinoman sa ating lahat. Sa ganitong mga gawa ipinakikita ng bawat isa sa atin kung papaano natin pinararangalan ang PANGINOON sa pamamagitan ng ating tinatangkilik.

Ating basahin mga kapatid ang HEBREO 7:1-10

Heb 7:1-10 Sapagka't itong si Melquisedec, hari sa Salem, saserdote ng Kataastaasang Dios, na siyang sumalubong kay Abraham sa pagbabalik na galing sa paglipol sa mga hari at siya'y pinagpala niya, 2 Na siya namang binahagihan ni Abraham ng ikasangpung bahagi ng lahat (na kung sasaysayin, una-una, siya'y Hari ng katuwiran, at saka Hari naman sa Salem, na sa makatuwid, ay Hari ng kapayapaan; 3 Na walang ama, walang ina, walang tandaan ng lahi, at walang pasimula ng mga araw ni katapusan ng buhay man, datapuwa't naging katulad ng Anak ng Dios), ay nanatiling saserdote magpakailan man. 4 Nilaynilayin nga ninyo kung gaano ang kadakilaan ng taong ito, na binigyan ni Abraham, na patriarka, ng ikasangpung bahagi ng mga pinakamagagaling na samsam. 5 At katotohanan ang mga sa anak ni Levi na nagsisitanggap ng katungkulang saserdote, ay mayroong utos na kumuha ng ikasangpung bahagi sa bayan ayon sa kautusan, sa makatuwid ay sa kanilang mga kapatid, bagama't ang mga ito ay nagsilabas sa mga balakang ni Abraham: 6 Nguni't yaong ang talaan ng lahi ay hindi ibinibilang sa kanila ay kumuha ng ikasangpung bahagi kay Abraham, at pinagpala yaong may mga pangako. 7 Datapuwa't walang anomang pagtatalo ang mababa ay pinagpapala ng mataas. 8 At dito'y ang mga taong may kamatayan ay tumatanggap ng ikasangpung bahagi; datapuwa't doon ay ang isa, na pinatutunayang nabubuhay. 9 At sa makatuwid baga'y sa pamamagitan ni Abraham pati si Levi, na tumatanggap ng ikasangpung bahagi, ay nagbayad ng ikasangpung bahagi; 10 Sapagka't siya'y nasa mga balakang pa ng kaniyang ama, nang ito'y salubungin ni Melquisedec.

tungkol kay Abraham at Melquisedec

at sa aklat ng MGA GAWA 4:32-37

Act 4:32-37 At ang karamihan ng mga nagsisampalataya ay nangagkakaisa ang puso at kaluluwa: at sinoma'y walang nagsabing kaniyang sarili ang anoman sa mga bagay na kaniyang inaari: kundi lahat nilang pag-aari ay sa kalahatan. 33 At pinatotohanan ng mga apostol na may dakilang kapangyarihan, ang pagkabuhay na maguli ng Panginoong Jesus: at dakilang biyaya ang sumasa kanilang lahat. 34 Sapagka't walang sinomang nasasalat sa kanila: palibnasa'y ipinagbili ng lahat ng may mga lupa o mga bahay ang mga ito, at dinala ang mga halaga ng mga bagay na ipinagbili, 35 At ang mga ito'y inilagay sa mga paanan ng mga apostol: at ipinamamahagi sa bawa't isa, ayon sa kinakailangan ng sinoman. 36 At si Jose, na pinamagatang Bernabe ng mga apostol (na kung liliwanagin ay Anak ng pangangaral), isang Levita, tubo sa Chipre, 37 Na may isang bukid, ay ipinagbili ito, at dinala ang salapi at inilagay sa mga paanan ng mga apostol.

Dito ay isinaysay kung papaano nagkaisa ang puso at kaluluwa ng mga kapatid sa Iglesia na ipinagbili ang kanilang pagaari at inilagay sa paanan ng mga Apostol at nabuhay sa pagkakaisa.

At sa aklat parin ng MGA GAWA 5:1-10

Act 5:1-10 Datapuwa't isang lalake na tinatawag na Ananias, na kasama ng kaniyang asawang si Safira, ay nagbili ng isang pag-aari, 2 At inilingid ang isang bahagi ng halaga, na nalalaman din ito ng kaniyang asawa, at dinala ang isang bahagi, at inilagay sa mga paanan ng mga apostol. 3 Datapuwa't sinabi ni Pedro, Ananias, bakit pinuspos ni Satanas ang iyong puso upang magsinungaling sa Espiritu Santo, at upang maglingid ng isang bahagi ng halaga ng lupa? 4 Nang yao'y nananatili pa, hindi baga yao'y nanatiling iyong sarili? at nang maipagbili na, hindi baga nasa iyo ring kapangyarihan? Ano't inisip mo pa ang bagay na ito sa iyong puso? hindi ka nagsinungaling sa mga tao, kundi sa Dios. 5 At nang marinig ni Ananias ang mga salitang ito ay nahandusay at nalagot ang hininga: at sinidlan ng malaking takot ang lahat ng nangakarinig nito. 6 At nagsitindig ang mga kabinataan at siya'y binalot, at kanilang dinala siya sa labas at inilibing. 7 At may tatlong oras ang nakaraan, nang ang kaniyang asawa, na di nalalaman ang nangyari, ay pumasok. 8 At sinabi sa kaniya ni Pedro, Sabihin mo sa akin kung ipinagbili ninyo ng gayon ang lupa. At sinabi niya, Oo, sa gayon. 9 Datapuwa't sinabi sa kaniya ni Pedro, Bakit kayo'y nagkasundo upang tuksuhin ang Espiritu ng Panginoon? narito, nangasa pintuan ang mga paa ng mga nagsipaglibing sa iyong asawa, at kanilang dadalhin ka sa labas. 10 At pagdaka'y nahandusay sa paanan niya ang babae , at nalagot ang hininga: at nagsipasok ang mga kabinataan at nasumpungan siyang patay, at siya'y kanilang inilabas at inilibing siya sa siping ng kaniyang asawa.

Ay isinaysay ang pagkamatay ng mag-asawang Ananias at Safira dahil sa pagkakaila sa pinagbilan ng kanilang lupa at kalahati lamang ng kanilang ipinangako ang ibinigay sa mga Apostol.

Sa 2CORINTO 8:2-3

2Co 8:2-3 Kung paanong sa maraming pagsubok sa kapighatian ang kasaganaan ng kanilang katuwaan at ang kanilang malabis na karukhaan ay sumagana sa kayamanan ng kanilang kagandahang-loob. 3 Sapagka't ayon sa kanilang kaya, ay nagpapatotoo ako at higit pa sa kanilang kaya, ay nagsiabuloy sila sa sariling kalooban,

AMEN

Ang dugo ay hindi dapat kainin

2006-02-16T09:14:00.000+08:00

Ano ba ang sinasabi ng banal na kasulatan tungkol sa pagkain ng dugo? Ang dugo ba ay ibinigay ng DIOS sa tao para kainin?

Ating basahin ang aklat ng LEVITICO 17:10-16

Lev 17:10-16 At sinomang tao sa sangbahayan ni Israel o sa mga taga ibang bayan na nakikipamayan sa kanila, na kumain ng anomang dugo, ay aking itititig ang aking mukha laban sa taong yaon na kumain ng dugo, at ihihiwalay ko sa kaniyang bayan. 11 Sapagka't ang buhay ng laman ay nasa dugo; at aking ibinigay sa inyo sa ibabaw ng dambana upang itubos sa inyong mga kaluluwa: sapagka't ang dugo'y siyang tumutubos dahil sa buhay. 12 Kaya't aking sinabi sa mga anak ni Israel, Sinoman sa inyo ay huwag kakain ng dugo, ni ang taga ibang bayan na nakikipamayan sa inyo ay huwag kakain ng dugo. 13 At sinomang tao sa mga anak ni Israel, o sa mga taga ibang bayan na nakikipamayan sa kanila na manghuli ng hayop o ng ibon na makakain; ay ibubuhos niya ang dugo niyaon at tatabunan ng lupa. 14 Sapagka't tungkol sa buhay ng lahat ng laman, ang dugo nga niyan ay gaya rin ng buhay niyan. Kaya't sinabi ko sa mga anak ni Israel, Huwag kayong kakain ng dugo ng anomang laman: sapagka't ang buhay ng buong laman ay ang kaniyang dugo: sinomang kumain niyan ay ihihiwalay. 15 At yaong lahat na kumain ng namamatay sa sarili o nilapa ng mga ganid, maging sa mga tubo sa lupain o sa mga taga ibang bayan, ay maglalaba ng kaniyang mga damit, at maliligo sa tubig, at magiging karumaldumal hanggang sa hapon: kung magkagayon ay magiging malinis. 16 Datapuwa't kung di niya labhan, ni paliguan ang kaniyang laman, ay tataglayin nga niya ang kaniyang kasamaan.

Ang sabi naman sa aklat ng DEUTORONOMIO 12:15-16

Deu 12:15-16 Gayon ma'y makapapatay ka at makakakain ka ng karne sa loob ng lahat ng iyong mga pintuang-daan, ayon sa buong nasa ng iyong kaluluwa, ayon sa pagpapala ng Panginoon mong Dios na kaniyang ibinigay sa iyo: ang marumi at ang malinis ay makakakain niyaon, gaya ng maliit na usa, at gaya ng malaking usa. 16 Huwag lamang ninyong kakanin ang dugo; iyong ibubuhos sa lupa na parang tubig.

Sa bayang Israel lamang ba ipinagbawal ng DIOS ang pagkain ng dugo? Ang Israel at mga Propeta ay nananatili hanggang kay Juan Bautista at sila ay nasa panahon ng lumang tipan. Sa panahon naman ng Cristianismo na panahon ng bagong tipan, patuloy bang ipinagbawal ang pagkain ng dugo?

MGA GAWA 15:19-20

Act 15:19-20 Dahil dito'y ang hatol ko, ay huwag nating gambalain yaong sa mga Gentil ay nangagbabalik-loob sa Dios; 20 Kundi sumulat tayo sa kanila, na sila'y magsilayo sa mga ikahahawa sa diosdiosan, at sa pakikiapid, at sa binigti, at sa dugo.

At MGA GAWA 15:29

Act 15:29 Na kayo'y magsiilag sa mga bagay na inihain sa mga diosdiosan, at sa dugo, at sa mga binigti, at sa pakikiapid; kung kayo'y mangilag sa mga bagay na ito, ay ikabubuti ninyo. Paalam na sa inyo.

At MGA GAWA 21:25

Act 21:25 Nguni't tungkol sa mga Gentil na nagsisisampalataya, ay sinulatan namin, na pinagpayuhang sila'y magsiilag sa mga inihain sa mga diosdiosan, at sa dugo, at sa binigti, at sa pakikiapid.

Tungkol naman sa ibang hayop na karumaldumal na ipinagbawal ng DIOS na kainin, ang pagbabawal bang ito ay tumagos hanggang sa mga Cristianismo na tulad sa pagbabawal sa pagkain ng dugo?

Ano ang sinasabi sa aklat parin ng MGA GAWA 10:9-15

Act 10:9-15 Nang kinabukasan nga samantalang sila'y patuloy sa kanilang paglalakad, at nang malapit na sa bayan, si Pedro ay umakyat sa ibabaw ng bahay upang manalangin, nang may oras na ikaanim; 10 At siya'y nagutom at nagnais kumain: datapuwa't samantalang nangaghahanda sila, ay nawalan siya ng diwa; 11 At nakita niyang bukas ang langit, at may isang sisidlang bumababa, gaya ng isang malapad na kumot, na nakabitin sa apat na panulok na bumababa sa lupa: 12 Na doo'y naroroon ang lahat ng uri ng mga hayop na may apat na paa at ang mga nagsisigapang sa lupa at ang mga ibon sa langit. 13 At dumating sa kaniya ang isang tinig, Magtindig ka, Pedro; magpatay ka at kumain. 14 Datapuwa't sinabi ni Pedro, Hindi maaari, Panginoon; sapagka't kailan ma'y hindi ako kumain ng anomang bagay na marumi at karumaldumal. 15 At muling dumating sa kaniya ang tinig sa ikalawa, Ang nilinis ng Dios, ay huwag mong ipalagay na marumi.

AMEN

Ang DIOS ay iisa

2006-02-15T10:10:00.000+08:00

Ang lahat ng tao ay mayroong DIOS na sinasamba datapuwat hindi lahat ng tao ay nakakakilala sa Tunay na DIOS.

Ang nagpapatunay ng bagay na ito ay ang pagkakaibaiba ng pananampalataya ng mga tao sa DIOS: Kung ano ang DIOS, kung sino ang DIOS at kung ilan ang DIOS.

May naniniwala na ang DIOS ay hindi sumasalahat ng dako: at ang bagay wikang hindi pa iniisip ng tao ay hindi nalalaman ng DIOS, Ang DIOS ay may anak ring DIOS kaya dalawa ang DIOS nila isang DIOS AMA at isang DIOS ANAK.

Mayroon namang naniniwala na ang DIOS ay may tatlong persona: DIOS AMA, DIOS ANAK, at DIOS ESPIRITU SANTO.

Ano ba ang sinasabi ng Biblia tungkol sa mga bagay na ito?

ISAIAS 44:6

Isa 44:6 Ganito ang sabi ng Panginoon, ng Hari ng Israel, at ng kaniyang Manunubos, na Panginoon ng mga hukbo, Ako ang una, at ako ang huli; at liban sa akin ay walang Dios.

At ISAIAS 44:8

Isa 44:8 Kayo'y huwag mangatakot, o magsipangilabot man: hindi ko baga ipinahayag sa iyo nang una, at ipinakilala? at kayo ang aking mga saksi. May Dios baga liban sa akin? oo, walang malaking Bato; ako'y walang nakikilalang iba.

At ISAIAS 45:5

Isa 45:5 Ako ang Panginoon, at walang iba; liban sa akin ay walang Dios. Aking bibigkisan ka, bagaman hindi mo ako nakilala.

At ISAIAS 45:18

Isa 45:18 Sapagka't ganito ang sabi ng Panginoon na lumikha ng langit, na siyang Dios na nag-anyo sa lupa at gumawa niyaon, na kaniyang itinatag, at hindi niya nilikha na sira, na kaniyang inanyuan upang tahanan: ako ang Panginoon; at wala nang iba.

At ISAIAS 45:21-22

Isa 45:21-22 Kayo'y mangagpahayag, at mangagpasapit; oo, magsanggunian silang magkakasama: sinong nagpakilala nito mula nang mga unang panahon? sinong nagpahayag niyaon nang una? hindi baga ang Panginoon? at walang Dios liban sa akin: isang ganap na Dios at Tagapagligtas; walang iba liban sa akin. 22 Kayo'y magsitingin sa akin, at kayo'y mangaligtas, lahat na taga wakas ng lupa: sapagka't ako'y Dios, at walang iba liban sa akin.

Ang mga aklat ng Lumang Tipan ay aklat ng mga Patiarka at mga Propeta, mga Hukom at mga Hari, at maraming hula, at mga propesiya nito ay natupad sa mga aklat ng bagong tipan; tulad ng sinabi sa mga...

MGA AWIT 107:20

Psa 107:20 Sinugo niya ang kaniyang salita, at pinagaling sila, at iniligtas sila sa kanilang mga ikapapahamak.

At MGA AWIT 147:15

Psa 147:15 Kaniyang sinusugo ang kaniyang utos sa lupa; ang kaniyang salita ay tumatakbong maliksi.

Ito ang ipinaghanda Niya ng isang katawan upang maging handog minsan magpakailanman na Siyang kordero ng Paskua.

Ang paghahandang ito ay nasusulat sa HEBREO 10:5

Heb 10:5 Kaya't pagpasok niya sa sanglibutan, ay sinasabi, Hain at handog ay hindi mo ibig. Nguni't isang katawan ang sa akin ay inihanda mo;

at HEBREO 10:10.

Heb 10:10 Sa kaloobang yaon tayo'y pinapaging-banal, sa pamamagitan ng pagkahandog ng katawan ni Cristo na minsan magpakailan man.

Nang maganap ang hulang ito; dahil sa tinawag Niyang Anak ang Kaniyang Salita, nagkaroon ba ng pagbabago ang DIOS na siya ring PANGINOON?

Naging Dalawa ba ang DIOS? At naging dalawa rin ba ang PANGINOON?

MARCOS 12:29

Mar 12:29 Sumagot si Jesus, Ang pangulo ay, Pakinggan mo, Oh Israel; Ang Panginoon nating Dios, ang Panginoon ay iisa:

Ano naman ang sinasabi sa 1CORINTO 8:4

1Co 8:4 Tungkol nga sa pagkain ng mga bagay na inihain sa mga diosdiosan, nalalaman natin na ang diosdiosan ay walang kabuluhan sa sanglibutan, at walang Dios liban sa iisa.

At 1CORINTO 8:6

1Co 8:6 Nguni't sa ganang atin ay may isang Dios lamang , ang Ama, na buhat sa kaniya ang lahat ng mga bagay, at tayo'y sa kaniya; at isa lamang Panginoon, si Jesucristo, na sa pamamagitan niya ang lahat ng mga bagay, at tayo'y sa pamamagitan niya.

At JUAN 17:3

Joh 17:3 At ito ang buhay na walang hanggan, na ikaw ay makilala nila na iisang Dios na tunay, at siyang iyong sinugo, sa makatuwid baga'y si Jesucristo.

Ano pa ba ang iisang DIOS na ito? At nasaan ba ang DIOS na ito?

JEREMIAS 23:23-24

Jer 23:23-24 Ako baga'y Dios lamang sa malapit, sabi ng Panginoon, at hindi Dios sa malayo? 24 May makapagkukubli bagang sinoman sa mga lihim na dako na hindi ko makikita siya? sabi ng Panginoon, Hindi baga pinupuno ko ang langit at ang lupa? sabi ng Panginoon.

Mga Kapatid, Ito ang ating iisang DIOS na buhay; ang iisang DIOS na pumupuno sa langit at lupa:

NGAYON;

Papaano pang magkakaroon ng ibang DIOS liban sa Kaniya: Saan pa siya lulugar? Wala ng kalalagyan pa ang ibang DIOS: Sapagkat pinupuno nga ng ating Tunay na DIOS ang langit at ang lupa.

Kaya nga sinabi sa aklat ng EFESO 4:6

Eph 4:6 Isang Dios at Ama ng lahat, na siyang sumasa ibabaw sa lahat, at sumasa lahat, at nasa lahat.

AMEN

Pasko

2006-02-14T12:08:00.000+08:00

Pagkatapos na ang tao ay maipanganak na muli ng Salita ng DIOS, Ano ang dapat niyang matanggap o makain para siya ay mabuhay magpakailanman at siya ay maging kasambahay ng DIOS?

Ano ang sinabi ng ating PANGINOONG CRISTO JESUS tungkol sa mga bagay na ito?

JUAN 6:51

Joh 6:51 Ako ang tinapay na buhay na bumabang galing sa langit: kung ang sinoman ay kumain ng tinapay na ito, siya'y mabubuhay magpakailan man: oo at ang tinapay na aking ibibigay ay ang aking laman, sa ikabubuhay ng sanglibutan.

At JUAN 6:53-54

Joh 6:53-54 Sinabi nga sa kanila ni Jesus, Katotohanan, katotohanang sinasabi ko sa inyo, Maliban nang inyong kanin ang laman ng Anak ng tao at inumin ang kaniyang dugo, ay wala kayong buhay sa inyong sarili. 54 Ang kumakain ng aking laman at umiinom ng aking dugo ay may buhay na walang hanggan; at siya'y aking ibabangon sa huling araw.

Ano ang ibig sabihin ng pagkain ng laman, at pag-inum ng dugo ng ating PANGINOONG JESUCRISTO?

Ano ang sinasaad ng banal na kasulatan?

MATEO 26:17-19

Mat 26:17-19 Nang unang araw nga ng mga tinapay na walang lebadura ay nagsilapit ang mga alagad kay Jesus, na nagsisipagsabing, Saan mo ibig na ipaghanda ka namin upang kumain ng kordero ng paskua? 18 At sinabi niya, Magsipasok kayo sa bayan sa gayong tao, at sabihin ninyo sa kaniya, Sinabi ng Guro, malapit na ang aking panahon; sa iyong bahay magpapaskua ako pati ng aking mga alagad. 19 At ginawa ng mga alagad ang ayon sa ipinagutos sa kanila ni Jesus; at inihanda nila ang kordero ng paskua.

PASSOVER : Feast of Unleavened Bread
PASKUA : Pista ng Tinapay na Walang Lebadura
SANTA SENNA : Banal na Hapunan

Ito ay ginanap ng ating PANGINOONG JESUCRISTO sa takdang araw at panahon, upang gawin rin naman ng Kaniyang mga alagad at ng mga mananampalataya.

Kaya sinabi sa 1CORINTO 5:8

1Co 5:8 Kaya nga ipangilin natin ang pista, hindi sa lumang lebadura, ni sa lebadura man ng masamang akala at ng kasamaan, kundi sa tinapay na walang lebadura ng pagtatapat at ng katotohanan.

NGAYON;

Bakit ba nagkaroon ng Pista ng Tinapay na Walang Lebadura at Kordero ng Paskua?

Kailan ba ito nagsimula, at bakit ba ito ipinatupad ng DIOS sa Bayang Israel na tumagos hanggang sa mga araw na ito ng mga Cristiano?

EXODO 12:1-6

Exo 12:1-6 At ang Panginoon ay nagsalita kay Moises at kay Aaron sa lupain ng Egipto, na sinasabi, 2 Ang buwang ito'y magiging sa inyo'y pasimula ng mga buwan: siyang magiging unang buwan ng taon sa inyo. 3 Salitain ninyo sa buong kapisanan ng Israel na inyong sabihin: Sa ikasangpung araw ng buwang ito ay magsisikuha sila sa ganang kanila, bawa't lalake, ng isang kordero, ayon sa mga sangbahayan ng kanikanilang mga magulang, isang kordero sa bawa't sangbahayan: 4 At kung ang sangbahayan ay napakakaunti upang kumain ng isang kordero, ay siya nga at ang kaniyang malapit na kapitbahay ay magsasalosalo sa isa ayon sa bilang ng mga tao; ayon sa bawa't tao na kumakain gagawin ninyo ang pagbilang, sa kordero. 5 Ang inyong korderong pipiliin ay yaong walang kapintasan, isang lalake, na iisahing taon: inyong kukunin sa mga tupa, o sa mga kambing: 6 At inyong aalagaan hanggang sa ikalabing apat na araw ng buwang ito, at papatayin ng buong kapulungan ng kapisanan ng Israel, sa paglubog ng araw.

Ang Kordero lamang ba ang ipinakain ng DIOS sa Bayang Israel bilang Paskua ng PANGINOON?

EXODO 12:15-18

Exo 12:15-18 Pitong araw na kakain kayo ng tinapay na walang lebadura; sa unang araw ay inyong ihihiwalay sa inyong mga bahay ang lebadura; sapagka't sinomang kumain ng tinapay na may lebadura mula sa unang araw hanggang sa ikapitong araw ay ihihiwalay sa Israel, ang taong yaon. 16 At sa unang araw ay magkakaroon kayo ng isang banal na pagkakatipon at sa ikapitong araw man ay magkakaroon ding kayo ng isang banal na pagkakatipon; walang anomang gawa na gagawin sa mga araw na iyan, liban na yaong nararapat kanin ng bawa't tao, na siya lamang maaaring gawin ninyo. 17 At iyong ipangingilin ang pista ng tinapay na walang lebadura; sapagka't sa araw ring ito kinuha ko ang inyong mga hukbo sa lupain ng Egipto: kaya't inyong ipangingilin ang araw na ito sa buong panahon ng inyong lahi, na bilang tuntunin magpakailan man. 18 Sa unang buwan ng ikalabing apat na araw ng buwan sa paglubog ng araw ay kakain kayo ng tinapay na walang lebadura, hanggang sa ikadalawang pu't isang araw ng buwan, sa paglubog ng araw.

Ano ang dahilan at ipinaganap ito ng DIOS sa Bayang Israel?

EXODO 23:16

Exo 23:16 At ang pista ng pagaani ng mga unang bunga ng iyong kapagalan, na iyong inihasik sa bukid: at ang pista ng pagaani, sa katapusan ng taon, nang pagaani mo ng iyong kapagalan sa bukid.

Ang takdang panahong ito ng Paskua ng PANGINOON ay niliwanag rin sa aklat ng...

LEVITICO 23:5

Lev 23:5 Sa unang buwan, nang ikalabing apat na araw ng buwan, sa paglubog ng araw, ay paskua sa Panginoon.

Mayroon bang itinakdang lugar ang PANGINOON sa pagganap ng Paskua?

MGA BILANG 9:5

Num 9:5 At kanilang ipinagdiwang ang paskua nang unang buwan, sa ikalabing apat na araw ng buwan, sa paglubog ng araw, sa ilang ng Sinai: ayon sa lahat na iniutos ng Panginoon kay Moises, ay gayon ginawa ng mga anak ni Israel.

Hindi nagtakda ang PANGINOON ng lugar kundi ng oras at araw. Kaya muling sinabi ito
sa...

MGA BILANG 28:16

Num 28:16 At sa unang buwan, sa ikalabing apat na araw ng buwan, ay paskua ng Panginoon.

Sino sa mga hari ng Israel ang gumanap ng pinakamalaking pagdiriwang ng Paskua ng PANGINOON?

2CRONICA 35:1

2Ch 35:1 At ipinagdiwang ni Josias ang isang paskua sa Panginoon sa Jerusalem; at kanilang pinatay ang kordero ng paskua, sa ikalabing apat na araw ng unang buwan.

At 2CRONICA 35:18-19

2Ch 35:18-19 At hindi nagkaroon ng paskua na gaya ng ipinagdiwang na yaon sa Israel mula sa mga araw ni Samuel na propeta; ni nagdiwang man ang sinoman sa mga hari sa Israel ng gayong paskua na gaya ng ipinagdiwang ni Josias, at ng mga saserdote, at ng mga Levita, at ng buong Juda at Israel na nangakaharap, at ng mga taga Jerusalem. 19 Nang ikalabing walong taon ng paghahari ni Josias ay ipinagdiwang ang paskuang ito.

Noong ang Israel ay madalang bihag sa Babelonia, ipinagdiwang rin ba nila ang Paskua?

EZRA 6:19

Ezr 6:19 At ang mga anak sa pagkabihag ay nangagdiwang ng pascua nang ikalabing apat ng unang buwan.

Ginanap ng Israel ang Paskua ng PANGINOON mula sa paglaya nila sa Egipto, hanggang sa pagkasakop sa kanila ng Roma, na ang Paskua ring ito ang ginanap ng ating PANGINOONG JESUCRISTO hanggang sa gabing ipinagkanulo Siya ni Judas Escariote at dito rin binago ng PANGINOON ang palatuntunan ng Paskua o Pista ng Tinapay na Walang Lebadura;

Sa 1CORINTO 5:6-8

1Co 5:6-8 Hindi mabuti ang inyong pagmamapuri. Hindi baga ninyo nalalaman na ang kaunting lebadura ay nagpapakumbo sa buong limpak? 7 Alisin ninyo ang lumang lebadura, upang kayo'y maging bagong limpak, na tulad sa kayo'y walang lebadura. Sapagka't ang kordero ng ating paskua ay naihain na, sa makatuwid baga'y si Cristo: 8 Kaya nga ipangilin natin ang pista, hindi sa lumang lebadura, ni sa lebadura man ng masamang akala at ng kasamaan, kundi sa tinapay na walang lebadura ng pagtatapat at ng katotohanan.

Ang mga Cristiano ba sa pagdiriwang ng pista ay inatasan pa ng DIOS na magpatay ng Kordero bawat sangbahayan?

HEBREO 10:9-10

Heb 10:9-10 Saka sinabi niya, Narito, ako'y pumarito upang gawin ang iyong kalooban. Inaalis niya ang una, upang maitatag ang ikalawa. 10 Sa kaloobang yaon tayo'y pinapaging-banal, sa pamamagitan ng pagkahandog ng katawan ni Cristo na minsan magpakailan man.

Samakatuwid ito ang pagbabagong ginawa ng ating PANGINOONG CRISTO JESUS:

UNA: Pagtutuli ay ginawang Pagbabautismo
PANGALAWA: Paghahandog ng Kordero ay naging pagtanggap ng
laman at dugo ng ating PANGINOONG JESUCRISTO.

JUAN 6:51-58

Joh 6:51-58 Ako ang tinapay na buhay na bumabang galing sa langit: kung ang sinoman ay kumain ng tinapay na ito, siya'y mabubuhay magpakailan man: oo at ang tinapay na aking ibibigay ay ang aking laman, sa ikabubuhay ng sanglibutan. 52 Ang mga Judio nga'y nangagtatalo, na nangagsasabi, Paanong maipakakain sa atin ng taong ito ang kaniyang laman? 53 Sinabi nga sa kanila ni Jesus, Katotohanan, katotohanang sinasabi ko sa inyo, Maliban nang inyong kanin ang laman ng Anak ng tao at inumin ang kaniyang dugo, ay wala kayong buhay sa inyong sarili. 54 Ang kumakain ng aking laman at umiinom ng aking dugo ay may buhay na walang hanggan; at siya'y aking ibabangon sa huling araw. 55 Sapagka't ang aking laman ay tunay na pagkain, at ang aking dugo ay tunay na inumin. 56 Ang kumakain ng aking laman at umiinom ng aking dugo ay nananahan sa akin, at ako'y sa kaniya. 57 Kung paanong sinugo ako ng Amang buhay, at ako'y nabubuhay dahil sa Ama; gayon din naman ang kumakain sa akin, siya nama'y mabubuhay dahil sa akin. 58 Ito ang tinapay na bumabang galing sa langit: hindi gaya ng mga magulang na nagsikain, at nangamatay; ang kumakain ng tinapay na ito ay mabubuhay magpakailan man.

NGAYON;

Ano ba ang laman at dugong ito ng ating PANGINOON na kung ating kainin at inumin ay saka pa lamang tayo magkakaroon ng buhay na walang hanggan?

Papaano ito ginanap ng mga nauna sa ating mga Cristiano?

JUAN 13:1-7

Joh 13:1-7 Bago nga magpista ng paskua, sa pagkaalam ni Jesus na dumating na ang kaniyang oras ng paglipat niya mula sa sanglibutang ito hanggang sa Ama, sa pagkaibig sa mga kaniya na nangasa sanglibutan, ay inibig niya sila hanggang sa katapusan. 2 At habang humahapon, nang mailagay na ng diablo sa puso ni Judas Iscariote, na anak ni Simon, ang pagkakanulo sa kaniya. 3 Si Jesus , sa pagkatalastas na ibinigay na ng Ama ang lahat ng mga bagay sa kaniyang mga kamay, at siya'y nanggaling sa Dios, at sa Dios din paroroon, 4 Ay nagtindig sa paghapon, at itinabi ang kaniyang mga damit; at siya'y kumuha ng isang toalya, at ibinigkis sa kaniyang sarili. 5 Nang magkagayo'y nagsalin ng tubig sa kamaw, at pinasimulang hugasan ang mga paa ng mga alagad, at kinuskos ng toalya na sa kaniya'y nakabigkis. 6 Sa gayo'y lumapit siya kay Simon Pedro. Sinabi niya sa kaniya, Panginoon, huhugasan mo baga ang aking mga paa? 7 Sumagot si Jesus at sa kaniya'y sinabi, Ang ginagawa ko'y hindi mo nalalaman ngayon; datapuwa't mauunawa mo pagkatapos.

Sa panahon ng mga Israelita, sangpung araw nilang inaalagaan at inihahanda ang kanilang kordero ng Paskua; at pagdating ng takdang araw at oras, na iyan nga ay ang ika 14 na araw ng unang buwan, ay pinapatay nila ang kordero at inihahandog sa PANGINOON, at kanilang kakaning kasabay ng Tinapay na Walang Lebadura, na ito ang tanda ng kanilang paglaya sa pagkaalipin sa bayang ehipto.

Tayo mga kapatid 21 araw bago dumating ang takdang araw at oras ay inihahanda natin ang ating puso sa kapakumbabaan at pag-iibigan sa isa't-isa:

UNA: Sa ikaw 25 na araw ng huling buwan ng taon ay nag-aalalahan tayo sa isa't-isa, sa pamamagitan ng pagpapalitan natin ng alaala sa isa't-isa tanda ng pagpapatawaran at ng pag-iibigan natin sa isa't-isa, na iyan ang simula ng ating Paskua, Pasko, o Piesta ng Tinapay na Walang Lebadura.

Sa huling araw ng taon ay muling magkakaroon tayo ng banal na pagkakatipon upang ipagpasalamat natin ang bagong taon na ipinagkaloob sa atin.

Sa ika 7 araw ng unang buwan ng taon, wala nang masusumpungang tinapay na may lebadura sa ating tahanan kasabay ng pagaalis natin ng anomang pagkukunwari at ng anomang kasinungalingan sa ating puso at isipan at katawan, hanggang sa tanggapin natin ang laman at dugo ng ating PANGINOONG CRISTO JESUS.

NGAYON;

Kung tayo ay nakahanda ng tumanggap ng laman at dugo ng ating PANGINOONG JESUCRISTO:

Papaano natin isasakatuparan ang mga bagay na ito?

MATEO 26:26-29

Mat 26:26-29 At samantalang sila'y nagsisikain, ay dumampot si Jesus ng tinapay, at pinagpala, at pinagputolputol; at ibinigay sa mga alagad, at sinabi, Kunin ninyo, kanin ninyo; ito ang aking katawan. 27 At dumampot siya ng isang saro, at nagpasalamat, at ibinigay sa kanila, na nagsasabi, Magsiinom kayong lahat diyan; 28 Sapagka't ito ang aking dugo ng tipan, na nabubuhos dahil sa marami, sa ikapagpapatawad ng mga kasalanan. 29 Datapuwa't sinasabi ko sa inyo, na buhat ngayon ay hindi na ako iinom nitong bunga ng ubas, hanggang sa araw na yaon na inumin kong panibago na mga kasalo ko kayo sa kaharian ng aking Ama.

Matapos nating magampanan ito, na siyang naghatid sa mga Cristiano sa Bagong Tipan:
Ano ang utos na ibinigay Niya sa lahat ng gumaganap at sumasampalataya sa Kaniya?

JUAN 13:34-35

Joh 13:34-35 Isang bagong utos ang sa inyo'y ibinibigay ko, na kayo'y mangagibigan sa isa't isa: na kung paanong iniibig ko kayo, ay mangagibigan naman kayo sa isa't isa. 35 Sa ganito'y mangakikilala ng lahat ng mga tao na kayo ay aking mga alagad, kung kayo'y may pagibig sa isa't isa.

At ang tagubilin ng ating PANGINOON sa Kaniyang mga tagapag-lingkod

JUAN 14:21

Joh 14:21 Ang mayroon ng aking mga utos, at tinutupad ang mga yaon, ay siyang umiibig sa akin: at ang umiibig sa akin ay iibigin ng aking Ama, at siya'y iibigin ko, at ako'y magpapakahayag sa kaniya.

AMEN

Iglesia

2006-02-13T09:14:00.000+08:00

Bakit isinugo ng DIOS ang Kaniyang Salita dito sa lupa?

Upang magligtas sa parusang darating sa sanglibutan.

Sino ang Kaniyang ililigtas?

Ang lahat ng yaong sasampalataya sa Kaniya.

Ano ang sasampalatayanan sa Kaniya?

Ang Katotohanan.

Ano ang katotohanan?

Na ang mga taong makasalanan ay patungo sa kamatayang walang hanggan na siyang ikalawang kamatayan: Ang impierno ang dagat-dagatang apoy.

Dahil dito kaya Niya isinugo ang Kaniyang Salita sa lupa upang magligtas:

Paano Siya magliligtas?

Sa pamamagitan ng pagtatayo ng Kaniyang Iglesia na tatawagin sa Kaniyang pangalan.

Papaano mangyayari ang mga bagay na ito, nagtayo ba ang DIOS ng Kaniyang Iglesia?

Papaano maliligtas ang tao dahil dito?

ANG KALIGTASAN NG TAO

MATEO 16:18

Mat 16:18 At sinasabi ko naman sa iyo, na ikaw ay Pedro, at sa ibabaw ng batong ito ay itatayo ko ang aking iglesia; at ang mga pintuan ng Hades ay hindi magsisipanaig laban sa kaniya.

Ang Iglesiang ito ang masikap na pinaghahanap ng lahat na nagnanais ng kaligtasan, kung kaya nagkaroon ng napakaraming dinaminasyon ng religion, mayroon mga Muslim, Pagano at Cristiano.

Ang pinakamaraming dinaminasyon ay ang Cristianismo, may nagsasabing tanggapin mo lamang na personal mong tagapagligtas si CRISTO ay ligtas ka na at hindi mo na kailangan pa ng religion, kundi ng relasyon lamang sa DIOS ang iyong kailangan.

Ang mga bagay na ito ay haka-haka lamang ng ibang mga mangangaral, sapagkat wala namang mababasa sa Biblia na si JESUS ay maaari mong gawing sarili o personal mong tagapagligtas.

Ano ba ang sinasabi ng Biblia tungkol sa gagawing pagliligtas ng PANGINOON?

Lahat ba ng tao ay Kaniyang ililigtas?

MATEO 1:21

Mat 1:21 At siya'y manganganak ng isang lalake; at ang pangalang itatawag mo sa kaniya'y JESUS; sapagka't ililigtas niya ang kaniyang bayan sa kanilang mga kasalanan.

Hindi Siya personal na tagapagligtas lamang. Siya'y tagapagligtas ng Kaniyang Bayan,
Ngayon! Sino ba ang Kaniyang Bayan?

DANIEL 9:18-19

Dan 9:18-19 Oh Dios ko, ikiling mo ang iyong tainga, at iyong dinggin; idilat mo ang iyong mga mata, at masdan mo ang aming mga kasiraan, at ang bayan na tinatawag sa iyong pangalan: sapagka't hindi namin inihaharap ang aming mga samo sa harap mo dahil sa aming mga katuwiran, kundi dahil sa iyong dakilang mga kaawaan. 19 Oh Panginoon, dinggin mo; Oh Panginoon, patawarin mo; Oh Panginoon, iyong pakinggan at gawin; huwag mong ipagpaliban, alangalang sa iyong sarili, Oh Dios ko, sapagka't ang iyong bayan at ang iyong mga tao ay tinatawag sa iyong pangalan.

Samakatuwid ang Bayan at taong Kaniyang ililigtas ay yaong tinatawag sa Kaniyang pangalan;

NGAYON;

Ang Kaniya lamang bang Bayan at tao ang tinatawag sa Kaniyang pangalan?

JEREMIAS 34:15

Jer 34:15 At ngayo'y nanumbalik kayo, at nagsigawa ng matuwid sa aking mga mata sa pagtatanyag ng kalayaan ng bawa't tao sa kaniyang kapuwa; at kayo'y nakipagtipan sa harap ko sa bahay na tinawag sa aking pangalan:

Sino ang ililigtas ng PANGINOON?

BAYAN . . . . . . . na tinatawag sa Kaniyang pangalan
TAO . . . . . . . na tinatawag sa Kaniyang pangalan na
nakikipagtipan sa bahay na tinatawag sa Kaniyang
pangalan.

Bakit sa bahay na tinatawag sa Kaniyang pangalan dapat makipagtipan ang Kaniyang Bayan?

EZRA 7:23

Ezr 7:23 Anomang iniutos ng Dios ng langit, gawing lubos sa bahay ng Dios ng langit; sapagka't bakit magkakaroon ng poot ng Dios laban sa kaharian ng hari at ng kaniyang mga anak?

Bakit gusto ng DIOS na sa Bahay Niya gawin ang lahat Niyang ipinaguutos?

2CRONICA 7:16

2Ch 7:16 Sapagka't ngayon ay aking pinili at itinalaga ang bahay na ito, upang ang aking pangalan ay dumoon magpakailan man; at ang aking mga mata at ang aking puso ay doroong palagi.

Ano ba ang bahay na ito ng DIOS? Saan ba ito nakatayo? Saan ba ito matatagpuan upang magawa roon ang lahat Niyang ipinaguutos?

1TIMOTEO 3:15

1Ti 3:15 Nguni't kung ako'y magluwat ng mahabang panahon, ay upang maalaman mo kung paano ang dapat sa mga tao na ugaliin nila sa bahay ng Dios, na siyang iglesia ng Dios na buhay, at haligi at suhay ng katotohanan.

Ito rin ang Iglesiang pinagusig ni Saulo; Na nang makilala niya si JESUS ay naging Apostol at tinawag na Pablo at ito ang Kaniyang patotoo.

1CORINTO 15:9

1Co 15:9 Ako nga ang pinakamaliit sa mga apostol, at hindi ako karapatdapat na tawaging apostol, sapagka't pinagusig ko ang iglesia ng Dios.

Paano ba pinagusig ni Saulo o Apostol Pablo ang Iglesia ng DIOS?

GALACIA 1:13

Gal 1:13 Sapagka't inyong nabalitaan ang aking pamumuhay nang nakaraang panahon sa relihion ng mga Judio, kung paanong aking inuusig na malabis, at nilipol ang iglesia ng Dios:

Alin bang Iglesia ang binili ng Dugo ng ating PANGINOON sa bundok ng kalbario?

GAWA 20:28

Act 20:28 Ingatan ninyo ang inyong sarili, at ang buong kawan, na sa kanila'y ginawa kayo ng Espiritu Santo na mga obispo, upang pakanin ninyo ang iglesia ng Panginoon na binili niya ng kaniyang sariling dugo.

Dito sa Iglesia ng DIOS, tinawag ng DIOS na magsipagbanal sa Kaniyang pangalan ang nais na maglingkod sa Kaniya; Ang sabi sa...

1CORINTO 1:1-2

1Co 1:1-2 Si Pablo, na tinawag na maging apostol ni Jesucristo sa pamamagitan ng kalooban ng Dios, at si Sostenes na ating kapatid, 2 Sa iglesia ng Dios na nasa Corinto, sa makatuwid baga'y sa mga pinapagingbanal kay Cristo Jesus, na tinawag na mangagbanal, na kasama ng lahat ng mga nagsisitawag sa bawa't dako, sa pangalan ng ating Panginoong Jesucristo, na kanila at ating Panginoon :

Saan pa natin makikita na ang kinalalagyan ng mga Apostol ay ang Iglesia ng DIOS?

2CORINTO 1:1

2Co 1:1 Si Pablo, na Apostol ni Cristo Jesus sa pamamagitan ng kalooban ng Dios, at si Timoteo, na ating kapatid sa Iglesia ng Dios na nasa Corinto, kalakip ng lahat ng mga banal na nasa buong Acaya.

Ano naman ang sinasabi ni Apostol Pablo sa mga kapatid sa Tesalonica?

1TESALONICA 2:14

1Th 2:14 Sapagka't kayo, mga kapatid, ay nagsitulad sa mga iglesia ng Dios na nasa Judea kay Cristo Jesus: sapagka't nagsipagbata naman kayo sa inyong sariling mga kababayan, gaya naman nila sa mga Judio;

Alam ba ninyo mga kapatid kung ano ang ipinagmamalaki ng mga Apostol sa kanilang sarili?

2TESALONICA 1:4

2Th 1:4 Ano pa't kami sa aming sarili ay nangagkakapuri sa inyo sa mga iglesia ng Dios dahil sa inyong pagtitiis at pananampalataya sa lahat ng mga paguusig sa inyo at sa mga kapighatiang inyong tinitiis;

Kung ikaw naman ay nagnanais na mamahala sa iyong mga kapatid, ano ang dapat na makita sa iyo ng mga kapatid?

1TIMOTEO 3:5

1Ti 3:5 (Nguni't kung ang sinoman nga ay hindi marunong mamahala sa kaniyang sariling sangbahayan paanong makapamamahala sa iglesia ng Dios?)

NGAYON;

Papaano ba ang pagpasok sa Bahay ng DIOS na siyang Iglesia ng DIOS?
Ano ba ang sinasabi ng ating PANGINOON tungkol dito?

MATEO 28:19-20

Mat 28:19-20 Dahil dito magsiyaon nga kayo, at gawin ninyong mga alagad ang lahat ng mga bansa, na sila'y inyong bautismuhan sa pangalan ng Ama at ng Anak at ng Espiritu Santo: 20 Na ituro ninyo sa kanila na kanilang ganapin ang lahat ng mga bagay na iniutos ko sa inyo: at narito, ako'y sumasa inyong palagi, hanggang sa katapusan ng sanglibutan.

Ano ba ang ibig sabihin o kahulugan ng Bautismo?
Ating pag-aralan ang talatang ito.

JUAN 3:3-8

Joh 3:3-8 Sumagot si Jesus at sa kaniya'y sinabi, Katotohanan, katotohanang sinasabi ko sa iyo, Maliban na ang tao'y ipanganak na muli, ay hindi siya makakakita ng kaharian ng Dios. 4 Sinabi sa kaniya ni Nicodemo, Paanong maipanganganak ang tao kung siya'y matanda na? makapapasok baga siyang bilang ikalawa sa tiyan ng kaniyang ina, at ipanganak? 5 Sumagot si Jesus, Katotohanan, katotohanang sinasabi ko sa iyo, Maliban na ang tao'y ipanganak ng tubig at ng Espiritu, ay hindi siya makapapasok sa kaharian ng Dios. 6 Ang ipinanganak ng laman ay laman nga; at ang ipinanganak ng Espiritu ay espiritu nga . 7 Huwag kang magtaka sa aking sinabi sa iyo, Kinakailangan ngang kayo'y ipanganak na muli. 8 Humihihip ang hangin kung saan niya ibig, at naririnig mo ang kaniyang ugong, nguni't hindi mo nalalaman kung saan nanggagaling, at kung saan naparoroon: gayon ang bawa't ipinanganak ng Espiritu.

Kung ikaw ay nabautismuhan na sa pangalan ng AMA, at ng ANAK, at ng ESPIRITU SANTO; Saan ka ba naipanganak na muli?

1PEDRO 1:23

1Pe 1:23 Yamang ipinanganak kayong muli, hindi sa binhing nasisira, kundi sa walang kasiraan, sa pamamagitan ng salita ng Dios na nabubuhay at namamalagi.

Ang lahat ng tao ng DIOS na tinatawag sa Kaniyang pangalan ay ang naipanganak na ng tubig at ng Espiritu sa pangalan ng AMA, at ng ANAK, at ng ESPIRITU SANTO, sa pamamagitan ng Salita ng DIOS na nabubuhay at namamalagi... Ngayon, Ano... ito?

Ang lahat ng tao ng DIOS ay makikilala sapagkat tatawagin sa Kaniyang pangalan; Kung Babaustismuhan ay sa pangalan ng AMA, at ng ANAK, at ng ESPIRITU SANTO: Tanong?

Ano ba ang pangalan ng AMA, at ng ANAK, at ng ESPIRITU SANTO?

EXODO 3:13-15

Exo 3:13-15 At sinabi ni Moises sa Dios, Narito, pagdating ko sa mga anak ni Israel, at sasabihin ko sa kanila, Sinugo ako sa inyo ng Dios ng inyong mga magulang; at sasabihin nila sa akin: Ano ang kaniyang pangalan? anong sasabihin ko sa kanila? 14 At sinabi ng Dios kay Moises, AKO YAONG AKO NGA; at kaniyang sinabi, Ganito ang sasabihin mo sa mga anak ni Israel, Sinugo ako sa inyo ni AKO NGA. 15 At sinabi pa ng Dios kay Moises, Ganito ang sasabihin mo sa mga anak ni Israel, Sinugo ako sa inyo ng Panginoon, ng Dios ng inyong mga magulang, ng Dios ni Abraham, ng Dios ni Isaac, at ng Dios ni Jacob: ito ang aking pangalan magpakailan man, at ito ang aking pinakaalaala sa lahat ng mga lahi.

Ang pangalang ipinakilala ng DIOS kay Propeta Moises ay:
"AKO NGA" : "PANGINOON" : at " DIOS"

Sa aklat ni Propeta ISAIAS

42:8 PANGINOON
47:4 PANGINOON ng mga hukbo
48:2 " " " "
51:15 " " " "
54:5 " " " "
63:16 PANGINOON

Sa mga talata ng JEREMIAS

10:16 PANGINOON ng mga hukbo
33:2 PANGINOON
46:18 PANGINOON ng mga hukbo
48:15 " " " "
50:34 " " " "
51:19 " " " "
51:57 " " " "

Sa mga talata ng AMOS

4:13 Ang PANGINOON; Ang DIOS ng mga hukbo ay siya Niyang pangalan.
5:8 PANGINOON
5:27 DIOS ng mga hukbo
9:6 PANGINOON

At sa mga talata sa APOCALIPSIS

9:13 Ang Kaniyang pangalan ay tinatawag na Ang Salita ng DIOS
19:16 Hari ng mga hari, PANGINOON ng mga panginoon.

Ang pangalan ng AMA ay DIOS:

Ang AMA ang nagmamay-ari ng lahat ng mga bagay at Siya lamang ang dapat sambahin.

Ang pangalan ng ANAK na Salitang Kaniyang isinugo sa lupa ay PANGINOON ang CRISTO na Karunungan at Kapangyarihan ng DIOS; Salitang lumikha ng lahat ng mga bagay at Siyang JESUS na kaligtasan ng mga sumasampalataya. PANGINOON na dapat katakutan.

Ano naman ANG ESPIRITU SANTO?

JUAN 14:16-17

Joh 14:16-17 At ako'y dadalangin sa Ama, at kayo'y bibigyan niya ng ibang Mangaaliw, upang siyang suma inyo magpakailan man, 17 Sa makatuwid baga'y ang Espiritu ng katotohanan: na hindi matatanggap ng sanglibutan; sapagka't hindi nito siya nakikita, ni nakikilala man siya: siya'y nakikilala ninyo; sapagka't siya'y tumatahan sa inyo, at sasa inyo.

Ano ba ang Espiritung ito ng katotohanan na Siyang mangaaliw?

JUAN 14:26

Joh 14:26 Datapuwa't ang Mangaaliw, sa makatuwid baga'y ang Espiritu Santo, na susuguin ng Ama sa aking pangalan, siya ang magtuturo sa inyo ng lahat ng mga bagay, at magpapaalaala ng lahat na sa inyo'y aking sinabi.

At sa JUAN 15:26

Joh 15:26 Datapuwa't pagparito ng Mangaaliw, na aking susuguin sa inyo mula sa Ama, sa makatuwid baga'y ang Espiritu ng katotohanan, na nagbubuhat sa Ama, ay siyang magpapatotoo sa akin:

At sa JUAN 16:13

Joh 16:13 Gayon ma'y kung siya, ang Espiritu ng katotohanan ay dumating, ay papatnubayan niya kayo sa buong katotohanan: sapagka't hindi siya magsasalita ng mula sa kaniyang sarili; kundi ang anomang bagay na kaniyang marinig, ang mga ito ang kaniyang sasalitain: at kaniyang ipahahayag sa inyo ang mga bagay na magsisidating.

Ang ESPIRITU SANTO ang Espiritu ng Katotohanan kaya ang ibig sabihin ng ESPIRITU SANTO ay Katotohanan.

Tanong?

Ano ang Katotohanang ito na Siyang ESPIRITU SANTO?

JUAN 17:17

Joh 17:17 Pakabanalin mo sila sa katotohanan: ang salita mo'y katotohanan.

Ang ESPIRITU SANTO ay ang KATOTOHANAN.

AMEN

Technorati : Church, Iglesia

Ang Sugo ng DIOS

2006-02-12T12:33:00.001+08:00

Ang lahat ng nagnanais na maglingkod at sumamba sa DIOS ang hinahanap ay ang tunay na sugo ng DIOS, Tunay na Iglesia ng DIOS, na may tunay na mga Salita ng DIOS.

Sa paghahanap na ito, halos lahat ay nagkakamali at nangaliligaw, kung hindi man lahat ay 99 porsiento:

Bakit nagkakaganito?

Sapagkat ang hinahanap nilang sugo ay tulad ng mga apostol, tao ang kanilang hinahanap. At kung makakita sila ng isang tao na mahusay magsalita, mahusay magbuklat at magbasa ng Biblia, ay iniisip na nilang ito na ang taong isinugo ng DIOS dito sa lupa.

Sa katotohanan, sa panahong ito, ay wala ng taong isinugo pa ang DIOS dito sa lupa, sapagkat ang kahulihulihang taong isinugo ng DIOS sa lupa ay ang mga apostol.

Kung sa ngayon ay may taong magsasabi, na siya ay isinugo ng DIOS dito sa lupa; Ang taong yaon ay isang dakilang mamumusong at sinungaling at ito ang paglapastangan sa Espiritu na walang kapatawaran.

Bakit nagkakagayon?

Sapagkat natural lamang na kung tagasaan ang nagsugo ay tagaroon din ang kaniyang isusugo.

Kung ang America ay magpapadala ng sugo sa Pilipinas; Natural na ang kanilang ipadadalang sugo ay isang Americano.

Isang napakalaking kamangmangan na magpadala ng sugo ang America sa Pilipinas ng isang Pilipino, sa katotohanan, ang kinatawan ng USA sa US Embassy dito sa Pilipinas ay mga Americano.

Kaya kung ang magsusugo ay tagalangit, ang kaniyang sugo ay tagalangit!!!

Ano ang sinasabi ng banal na kasulatan tungkol sa mga bagay na ito?

Ang sabi sa MGA AWIT 107:20

Psa 107:20 Sinugo niya ang kaniyang salita, at pinagaling sila, at iniligtas sila sa kanilang mga ikapapahamak.

at sa MGA AWIT 147:15

Psa 147:15 Kaniyang sinusugo ang kaniyang utos sa lupa; ang kaniyang salita ay tumatakbong maliksi.

Paano isinugo ng DIOS ang Kaniyang Salita?

Sa HEBREO 10:5

Heb 10:5 Kaya't pagpasok niya sa sanglibutan, ay sinasabi, Hain at handog ay hindi mo ibig. Nguni't isang katawan ang sa akin ay inihanda mo;

at HEBREO 10:10

Heb 10:10 Sa kaloobang yaon tayo'y pinapaging-banal, sa pamamagitan ng pagkahandog ng katawan ni Cristo na minsan magpakailan man.

Ganyan isinugo ng DIOS ang Kaniyang Salita na nagdala ng Kaniyang utos sa tao na nagpapagaling at nagliligtas.

Papaano naman ang pamamaraan ng DIOS, sa paghahanda Niya ng isang katawan sa isinugo Niyang Salita sa lupa?

Sa aklat ni Propeta ISAIAS 9:6

Isa 9:6 Sapagka't sa atin ay ipinanganak ang isang bata, sa atin ay ibinigay ang isang anak na lalake; at ang pamamahala ay maaatang sa kaniyang balikat: at ang kaniyang pangalan ay tatawaging Kamanghamangha, Tagapayo, Makapangyarihang Dios, Walang hanggang Ama, Pangulo ng Kapayapaan.

Samakatuwid ang katawang inihanda ng DIOS para sa Kaniyang Salita na isinugo sa lupa ay ipanganganak, magmumula sa pagiging sanggol.

NGAYON;

Kung ipanganganak ang katawang inihanda ng DIOS para sa Kaniyang Salita, Saang dako ng sanglibutan magaganap ang bagay na ito?

Sa MIKAS 5:2

Mic 5:2 Nguni't ikaw, Beth-lehem Ephrata, na maliit upang lumagay sa libolibo ng Juda, mula sa iyo ay lalabas sa akin ang isa na magpupuno sa Israel; na ang pinagbuhatan niya ay mula nang una, mula nang walang hanggan.

Malinaw na nang isugo ng DIOS ang Kaniyang Salita sa lupa ay ipinaghanda Niya ng isang katawan; at ang katawang ito ay ipanganganak sa Betlehem ng Juda.

Papaano ba ang pagkapanganak sa katawang ito na inihanda Niya para sa Kaniyang Salita?

Sa MATEO 1:21

Mat 1:21 At siya'y manganganak ng isang lalake; at ang pangalang itatawag mo sa kaniya'y JESUS; sapagka't ililigtas niya ang kaniyang bayan sa kanilang mga kasalanan.

at MATEO 1:23

Mat 1:23 Narito, ang dalaga'y magdadalang-tao at manganganak ng isang lalake, At ang pangalang itatawag nila sa kaniya ay Emmanuel; na kung liliwanagin, ay sumasa atin ang Dios.

Pakaunawain nating mabuti ang dalawang talatang ito, sapagkat ang dalawang pangalang binanggit dito ay para sa nangyaring pagkapanganak sa bata; Emmanuel; Sumasaatin ang DIOS:

At ang isang pangalan ay ang gagawin ng DIOS sa pamamagitan o pagkasangkapan Niya sa batang ipinanganak na ililigtas Niya ang Kaniyang bayan sa kanilang mga kasalanan; Ang tawag sa gagawing pagliligtas ay JESUS. Ito ang tawag sa gagawin ng katawang inihanda ng DIOS para sa Kaniyang Salita.

JESUS : Magliligtas o Tagapagligtas
Tulad ng Attorney : Magtatanggol o Tagapagtanggol
Emmanuel : Isang pangyayari : Naganap
JESUS : Isang papangyarihin : Magaganap

Kung hindi pangalan ng bata ang Emmanuel at JESUS; Ano ang pangalan ng bata na ipinanganak sa isang birhen?

Sa LUCAS 2:11

Luk 2:11 Sapagka't ipinanganak sa inyo ngayon sa bayan ni David ang isang Tagapagligtas, na siya ang Cristo ang Panginoon.

Ano ang ibig sabihin ng CRISTO?
At ano ang ibig sabihin ng PANGINOON?

Atin munang alamin kung ano ang ibig sabihin ng CRISTO sa sulat ni Apostol Pablo sa Mga Taga-Corinto;

1CORINTO 1:24

1Co 1:24 Nguni't sa kanila na mga tinawag, maging mga Judio at mga Griego, si Cristo ang kapangyarihan ng Dios, at ang karunungan ng Dios.

Hindi rin pangalan ng bata ang CRISTO; Ito ay ang kalagayan ng bata; Siya ang Karunungan ng DIOS at Kapangyarihan ng DIOS.

Ano! Ang ibig sabihin ng PANGINOON?

ISAIAS 42:8

Isa 42:8 Ako ang Panginoon; na siyang aking pangalan: at ang aking kaluwalhatian ay hindi ko ibibigay sa iba, o ang akin mang kapurihan sa mga larawang inanyuan.

At sa AMOS 5:8

Amo 5:8 Inyong hanapin ang lumikha ng mga Pleyades at ng Orion, at ang lilim ng kamatayan ay pinapaging umaga, pinapagdilim ang araw sa pamamagitan ng gabi; yaong tumatawag sa tubig sa dagat, at nagbubugso ng mga yaon sa ibabaw ng lupa (Panginoon ang siya niyang pangalan);

Maliwanag na ang Kaniyang pangalan ay PANGINOON at ito ay ipinakilala rin Niya sa Kaniyang mga alagad sa ...

JUAN 13:13

Joh 13:13 Tinatawag ninyo akong Guro, at Panginoon: at mabuti ang inyong sinasabi; sapagka't ako nga.

Ano ba ang tunay na kalagayan ng PANGINOONG ito?

ISAIAS 45:5

Isa 45:5 Ako ang Panginoon, at walang iba; liban sa akin ay walang Dios. Aking bibigkisan ka, bagaman hindi mo ako nakilala.

At sa Aklat ng MGA AWIT 100:3

Psa 100:3 Alamin ninyo na ang Panginoon ay siyang Dios; siya ang lumalang sa atin, at tayo'y kaniya: tayo'y kaniyang bayan, at mga tupa ng kaniyang pastulan.

Saan ba talaga nagmula ang CRISTOng ito na Siyang PANGINOON na ipinanganak ng isang dalaga?

JUAN 6:38

Joh 6:38 Sapagka't bumaba akong mula sa langit, hindi upang gawin ko ang aking sariling kalooban, kundi ang kalooban ng nagsugo sa akin.

Ang tao ay mula sa lupa, kaya siya ay magbabalik sa lupa; Kapag namatay ang tao, siya ay mabubulok at maaagnas at muling magbabalik sa pagkalupa:

Ang katawan ng ating PANGINOONG JESUCRISTO ay hindi nakakakita ng kabulukan kailanman; Kaya nang Siya ay mabuhay na maguli; Matapos na mapagbilinan Niya ang Kaniyang mga alagad, Palibahasa'y galing sa langit kaya muli Siyang umakyat sa langit.

Bakit nga ba hindi nakakita ng kabulukan ang katawan ng ating PANGINOONG JESUCRISTO?

1CORINTO 15:45

1Co 15:45 Gayon din naman nasusulat, Ang unang taong si Adam ay naging kaluluwang buhay. Ang huling Adam ay naging espiritung nagbibigay buhay.

Ang tao ay kaluluwang buhay; Ang katawang inihanda ng DIOS para sa Kaniyang Salitang isinugo sa lupa ay Espiritung nagbibigay buhay; Kung kaya Siya ay bumubuhay ng mga patay na siyang ikinagulat ng mga Judio.

Kaya nang Siya ay namatay sa krus ay binuhay Niyang muli ang Kaniyang katawan sa kapangyarihan ng Kaniyang pagka-DIOS At iyon ang sinasabi sa...

JUAN 2:19

Joh 2:19 Sumagot si Jesus at sa kanila'y sinabi, Igiba ninyo ang templong ito, at aking itatayo sa tatlong araw.

Kung pabababawin natin ang sinabi ng PANGINOON ay ganito ang ibig sabihin.

Patayin ninyo ang katawang ito at bubuhayin ko sa ikatlong araw.

JUAN 10:17-18

Joh 10:17-18 Dahil dito'y sinisinta ako ng Ama, sapagka't ibinibigay ko ang aking buhay, upang kunin kong muli. 18 Sinoma'y hindi nagaalis sa akin nito, kundi kusa kong ibinibigay. May kapangyarihan akong magbigay nito, at may kapangyarihan akong kumuhang muli. Tinanggap ko ang utos na ito sa aking Ama.

Iyan ang Salita ng DIOS na isinugo Niya sa sanglibutan, Ang Kaniyang Karunungan at Kapangyarihan, Ang Kaniyang Salita na lumalang ng lahat ng bagay.

JUAN 1:1-4

Joh 1:1-4 Nang pasimula siya ang Verbo, at ang Verbo ay sumasa Dios, at ang Verbo ay Dios. 2 Ito rin nang pasimula'y sumasa Dios. 3 Ang lahat ng mga bagay ay ginawa sa pamamagitan niya; at alin man sa lahat ng ginawa ay hindi ginawa kung wala siya. 4 Nasa kaniya ang buhay; at ang buhay ay siyang ilaw ng mga tao.

At JUAN 1:14

Joh 1:14 At nagkatawang-tao ang Verbo, at tumahan sa gitna natin (at nakita namin ang kaniyang kaluwalhatian, kaluwalhatian gaya ng sa bugtong ng Ama), na puspos ng biyaya at katotohanan.

Sa kabila ng katotohanang iyan, ay napakarami pa ring hindi nakakakilala sa Kaniya, ayaw pa rin tanggapin na IISANG DIOS na Tunay:

May naniniwalang Siya'y tao lamang:

May naniniwalang Siya'y Anak ng Ama, na kung papaanong ang tao ay may anak at may ama ay gayon din naman ang kalagayan ng CRISTO at AMA.

May naniniwala ring ang DIOS ay may tatlong persona: Ang AMA, ang ANAK, at ang ESPIRITU SANTO:

Kaya magpahanggang sa ngayon ay marami pa ring ayaw magsitanggap sa talata ng...

JUAN 10:30

Joh 10:30 Ako at ang Ama ay iisa.

Kaya aplikado sa mga taong ito ang mga sumusunod na talata ng...

JUAN 1:10-11

Joh 1:10-11 Siya'y nasa sanglibutan, at ang sanglibuta'y ginawa sa pamamagitan niya, at hindi siya nakilala ng sanglibutan. 11 Siya'y naparito sa sariling kaniya, at siya'y hindi tinanggap ng mga sariling kaniya.

Datapuwat sa mga binigyan ng DIOS ng tunay na pananampalataya, Ang sabi ni Apostol Juan ay ganito:

1JUAN 5:20

1Joh 5:20 At nalalaman natin na naparito ang Anak ng Dios, at tayo'y binigyan ng pagkaunawa, upang ating makilala siya na totoo, at tayo'y nasa kaniya na totoo, sa makatuwid ay sa kaniyang Anak na si Jesucristo. Ito ang tunay na Dios, at ang buhay na walang hanggan.

Sa mga talatang ito ng banal na kasulatan ay maraming ayaw na umunawa sa dahilang ito ay salungat sa doktrinang pinalalakaran nila sa kanilang kapatiran o religion.

Ang mga pamunuan ng relihion ang gumagawa ng kanikanilang doktrina na kanilang pinalalakaran sa kanilang mga kasapi.

Kung ang lahat ng nangunguna sa mga kaluluwang naghahanap ng kaligtasan ay itititig na mabuti ang kanilang mga mata sa katotohanan, ay tiyak na ibibigay sa kanila ng DIOS ang pagkaunawa sa hiwaga ng Kaniyang katotohanan; at kung dumating sa kaniya ang pagkakilala sa katotohanan, ay huwag siyang mangimi na magtama ng mali. Magpalakas ng kahinaan; at dagdagan ng kaliwanagan ang ilawang malamlam upang maalis ang katitisuran sa daang nilalakaran tungo sa buhay na inilalaan ng DIOS sa mga nagsisipagbanal.

Huwag tayong mangimi o magalala sa sasabihin ng tao kung mapuna man nila ang ating ginagawang pagbabago kung ang pagbabago ay sa ikasasakdal ng bawat isa sa harap ng DIOS.

Matakot tayo sa PANGINOON at gumawa ng karapatdapat. Kung binago ng DIOS ang Kaniyang tipan, Bakit ayaw nating iwanan ang Kaniyang niluma at ganapin natin ang Kaniyang bagong tipan?

Ang Biblia o Evangelio ng DIOS ay hindi nangangailangan ng katulong na aklat upang mahayag sa atin ang katotohanan; Kilalanin nating Siya na Iisang DIOS na Tunay;

Gaya ng sinasabi sa JUAN 17:3

Joh 17:3 At ito ang buhay na walang hanggan, na ikaw ay makilala nila na iisang Dios na tunay, at siyang iyong sinugo, sa makatuwid baga'y si Jesucristo.

Kung sabagay si Felipe man ay hindi rin agad nakaunawa noon, at ganito ang pangyayari.

JUAN 14:7-11

Joh 14:7-11 Kung ako'y nangakilala ninyo ay mangakikilala ninyo ang aking Ama: buhat ngayon siya'y inyong mangakikilala, at siya'y inyong nakita. 8 Sinabi sa kaniya ni Felipe, Panginoon, ipakita mo sa amin ang Ama, at sukat na ito sa amin. 9 Sinabi sa kaniya ni Jesus, Malaon nang panahong ako'y inyong kasama, at hindi mo ako nakikilala, Felipe? ang nakakita sa akin ay nakakita sa Ama; paanong sinasabi mo, Ipakita mo sa amin ang Ama? 10 Hindi ka baga nananampalataya na ako'y nasa Ama, at ang Ama ay nasa akin? ang mga salitang aking sinasabi sa inyo'y hindi ko sinasalita sa aking sarili: kundi ang Ama na tumatahan sa akin ay gumagawa ng kaniyang mga gawa. 11 Magsisampalataya kayo sa akin na ako'y nasa Ama, at ang Ama ay nasa akin: o kungdi kaya'y magsisampalataya kayo sa akin dahil sa mga gawa rin.

At sa JUAN 12:45 ay nagsalita ang PANGINOON.

Joh 12:45 At ang nakakita sa akin, ay nakakita doon sa nagsugo sa akin.

At sa mga taga COLOSAS 1:15-17

Col 1:15-17 Na siya ang larawan ng Dios na di nakikita, ang panganay ng lahat ng mga nilalang; 16 Sapagka't sa kaniya nilalang ang lahat na mga bagay, sa sangkalangitan at sa sangkalupaan, na mga bagay na nakikita at ang mga bagay na di nakikita, maging mga luklukan o mga pagsakop o mga pamunuan o mga kapangyarihan; lahat ng mga bagay ay nilalang sa pamamagitan niya at ukol sa kaniya; 17 At siya'y una sa lahat ng mga bagay, at ang lahat ng mga bagay ay nangabubuhay dahil sa kaniya.

Ito ang Salita ng DIOS na Kaniyang isinugo sa lupa, na Siyang nagliligtas at nagpapagaling, na Siyang lumikha at sa pamamagitan ng Salitang ito nalikha ang lahat ng mga bagay, at ang lahat Niyang sinalita ay hindi masisira...

Masisira ang langit, masisira ang lupa; Datapuwat kudlit man ng Salita ng DIOS ay hindi masisira.

Ang sugo ng DIOS ay hindi nawawala;
Ang sugo ng DIOS ay hindi namamatay;

Kung Siya man ay bumabang tatlong araw sa kalaliman ay umahon Siyang muli pagkaraan ng tatlong araw.

O sa mababaw na pangungusap; Siya ay namatay at pagkatapos ng tatlong araw ay muli Siyang bumangon, upang ipakita Niya sa buong sanglibutan na pinagtagumpayan Niya ang kamatayan.

Sapagkat nasusulat sa 1CORINTO 15:26

1Co 15:26 Ang kahulihulihang kaaway na lilipulin ay ang kamatayan.

Nauunawaan ba natin kung bakit Niya ipinakita na Siya'y bumangon sa kamatayan? Upang ipakita Niya na magagawa Niya ang Kaniyang sinabi sa...

JUAN 6:54

Joh 6:54 Ang kumakain ng aking laman at umiinom ng aking dugo ay may buhay na walang hanggan; at siya'y aking ibabangon sa huling araw.

Siya rin ang magbabangon sa lahat ng namatay sa Kaniyang pangalan, at aagaw sa alapaap sa mga aabutan Niyang buhay. Kaya ano ang tagubilin Niya upang ang tao ay huwag mailigaw ng mga nagpapanggap na sugo?

HEBREO 10:7

Heb 10:7 Nang magkagayo'y sinabi ko, Narito, ako'y pumarito (sa balumbon ng aklat ay nasusulat tungkol sa akin.) Upang gawin, Oh Dios, ang iyong kalooban.

At HEBREO 10:9

Heb 10:9 Saka sinabi niya, Narito, ako'y pumarito upang gawin ang iyong kalooban. Inaalis niya ang una, upang maitatag ang ikalawa.

Ito ang Tunay na Sugo ng DIOS na nagayos ng pagbabago ng Kaniyang Tipan; Ang Kaniyang Salita na lumikha ng lahat ng bagay na Siyang nagbigay ng Kaligtasan sa tao; Doon sa lahat ng sa Kaniya'y sasampalataya...

AMEN